Webcams
Buscar
Reproductor de Vídeo is loading.
Ver transcripción Momento actual
Subir al vídeo
- 0:07Esto ye perraro.
- 0:16Nun hai torbón, nun hai ñube...
- 0:34Agora.
- 0:52Soi la tía Miseria, la madre del progresu,
- 0:56la partera de los inventos.
- 0:58Tolo bueno fíxose pa poder guardase de min.
- 1:02Nunca nun hai qu'escaeceme, porque si m'escaeces...
- 1:06¡vuelvo!
- 1:09¡Abaxo'l mal!
- 1:12¡Arriba l'animal!
- 1:15Salí d'un cuentu y anduvi pel mundu,
- 1:18per tol mundu.
- 1:20Y sentí per ende hestories tan estremaes
- 1:23que munches veces el mesmu cuentu ye distintu
- 1:26ensin dexar de ser él
- 1:28o camuda pa poder siguir siendo el mesmu.
- 1:32Porque los cuentos viven nes boques y nes oreyes,
- 1:35como la llingüa.
- 1:37Nun viven nos llibros,
- 1:39magar que gracies a ellos podemos conservalos.
- 1:43¡Muerra'l capital!
- 1:46¡Viva la tradición oral!
- 1:49Güei vas sentir un cuentu
- 1:52que nun ye como lu sentisti enantes.
- 1:55¡Ye más xabaz!
- 1:58Nun vos garrar a la lletra de los cuentos,
- 2:01nun los cambiar pa que seyan más políticamente correutos,
- 2:06nun los tarazar como fixeron abenayá.
- 2:10¡Pol fin de los xermanos Grimm!
- 2:14¡Pola cayida de la banda de los Disneylandia!
- 2:18¡Pol descontrol de los Perrault!
- 2:21¡Pol podrén de los Andersen!
- 2:25Los cuentos tradicionales
- 2:28nun son de naide y son de toos y de toes,
- 2:33del pueblu que los creó.
- 2:35Nun son nin antiguos nin modernos.
- 2:38Son d'agora. ¡Son de siempre!
- 2:43¡Abaxo'l capataz!
- 2:46¡Arriba lo xabaz!
- 2:50¡Animalada Xabaz!
- 2:55¿Quién ye Cellero? ¡El vieyu del cuentu!
- 2:58¿Quién ye Fefa? ¡La fía de Cellero!
- 3:01¿Quién ye Enol? ¡Un mozu neorrural!
- 3:04¡Animalada Xabaz! ¡Qué animalada!
- 3:07¡Animalada Xabaz! ¡Qué animalá!
- 3:10¡Animalada Xabaz!
- 3:15¿Qué-y pasó, padre?
- 3:19Paez que quedó clisáu.
- 3:24¡Cellero!
- 3:25¡Cellero! -¡Cellero!
- 3:28Güei trayemos nosotres los ingredientes pa la llavaza.
- 3:32Patates recién fozaes.
- 3:34Mel coyido de pouco.
- 3:37Pación blandio de la rosada nocherniega.
- 3:41Menos mal, animalada,
- 3:43porque nun me dio tiempu facevos ren esti día.
- 3:47Pero con eso que trayéis va dar pa una ensaladina de primera...
- 3:51Tener, tenéis bien d'ello.
- 3:53... onde vamos mecer lo dulce y lo salao.
- 3:59Mira que yo nun soi muncho d'ensalaes nin mestures,
- 4:03pero esi tastu dulzayu del miel...
- 4:07chiflóme.
- 4:08Se lo saberéi eu, cocho bravo.
- 4:11Os dous somos omnívoros, ho.
- 4:14O seya que coméis de too, como los humanos.
- 4:18Yo, sin embargu, soi herbívora.
- 4:20A mi vame'l verde.
- 4:22Y el cuentu de güei va xusto d'un carnívoru.
- 4:26¡Ai, ai!
- 4:28Nun t'asustes, Telva, que ye un cuentu.
- 4:31Del llobu.
- 4:32Yá tamos, sempre poñemos al llobu de malo, probe.
- 4:37Home, como a ti nun te come...
- 4:40Quésiyo... Podemos poner a un raposu, a un lleón, a un tigre...
- 4:44que tamién son carnívoros.
- 4:46Pro esos nun los temos cerca.
- 4:48Siempre nos metemos más col vecín.
- 4:50Prométovos que pa la prósima, en cuenta un llobu,
- 4:53cuéntovos el cuentu con un humanu de malu.
- 4:56¡Eso!
- 4:59El cuentu de güei ye d'una cabra montés
- 5:02que tenía siete cabritinos.
- 5:05Si yera cabra de monte, ye que yera espabilá.
- 5:08Nun hai nada como nacer nel monte pra espabilar.
- 5:12Eso sabráslo tu, ¿eh, sabicheira?
- 5:16Entós, a la cabra,
- 5:18los cabritinos teníen-y el caldar más floxu qu'un pelleyu
- 5:22de tanto mamar y mamar.
- 5:24Qué llambiones.
- 5:25É que nun hai nada pra os mamíferos como mamar del remoyo.
- 5:30Home, ba. Sinón,
- 5:31que mos lo desplique Catuxa la científica.
- 5:36En realidá, tardóuse muitos anos
- 5:39en estudiar el leite materno.
- 5:43Hai poco tempo sabíase máis del leite das vacas ou dos cochos
- 5:49que del das muyeres.
- 5:51Por razóis económicas, claro.
- 5:54Había que cuidar as vacas
- 5:56pra que mamaran os xatíos,
- 5:58y a os cochos, porque a xente vivía d'elos.
- 6:02Os bebés, os bebés humanos,
- 6:05tían el leite artificial, el biberón,
- 6:08que salvóu muitas vidas,
- 6:10pro tamén é verdá que dio muitos cuartos
- 6:15a quen os fabricaba.
- 6:18A mi criáronme a biberón
- 6:20porque'l médicu dixo-y a mio madre qu'ella nun trayía lleche
- 6:25o que nun yera bona o que yo yera un fartón.
- 6:29Nun m'alcuerdo.
- 6:31Ye que, daquella, había cada machirulu metíu a médicu...
- 6:36Mía madre si que m'amamantóu,
- 6:39porque mía bóla enseñárayo.
- 6:43Nos anos en que s'impuxo a lactancia artificial
- 6:47acabóuse cua sabiduría das muyeres
- 6:50que se tresmitía de madres y bólas ás fiyas.
- 6:53Pro agora tamos recuperándola
- 6:56porque demostróuse qu'el leite materno
- 6:58é el miyor alimento que pode tomar un nenín.
- 7:02El leite materno ten us guerreiros ben bravos.
- 7:07É un superalimento.
- 7:08Chámanse inmunoglobulinas.
- 7:13Axudan al nenín a nun ter catarros,
- 7:17contra a cagaleira...
- 7:18Y ten tamén uas enzimas qu'axudan á dixestión.
- 7:24Pa encima, tien enzimas.
- 7:29Qué gracioso es, sabicheiro.
- 7:33Enzimas y hormonas pra medrar,
- 7:36porque os nenos pasan el día medrando.
- 7:39Ah, as inmunoglobulinas
- 7:42tamén se chaman anticorpos.
- 7:47Ai, anticuerpos...
- 7:49Yo nun quiero tener un anticuerpu.
- 7:52¿Y ter un anticorpo
- 7:54é ter úas antioreyas que nun oin nada?
- 7:58Y una antiboca que nun val pa falar.
- 8:01Y unes antipates que nun valen p'andar.
- 8:09Querse dicir qu'un neno de teta
- 8:12ha a enfermar menos qu'un neno de biberón.
- 8:15Ah, y pra rematar:
- 8:17dar de mamar tamén é bon prá salú da madre.
- 8:22Val, val, too eso ta mui bien, Catuxa,
- 8:24pero siete mamando tol día dexábenla mayada.
- 8:28Asina qu'un día va la cabra madre y diz-yos a los cabritinos...
- 8:33Mirái, rapacinos, voi pal monte a fartucar de pación
- 8:37pa que me carguen los tetos. A la que torne, vais reventar de mamar.
- 8:43Ui, qué madre máis bruta.
- 8:45Como tien que ser. Les coses, pol so nome.
- 8:48Punxéronse toos percontentos por quedar solos
- 8:52y punxéronse xugar perende a lo xole,
- 8:55pero la madre yera mui mandona
- 8:58y mui prudente, y díxo-yos...
- 9:01De xugar fuera, ná.
- 9:04Vosotres, pa la corte. Y nun asomar nin el moñín,
- 9:07nun vaya venir el llobu y l'armemos,
- 9:10qu'esi pápavos y nun dexa nin les pezuñes.
- 9:14Vusté marche tranquila, madre.
- 9:17Vaya pola vianda,
- 9:19que nosotros quedamos bien pesllaos.
- 9:24Pues foi marchar la madre y apaecer el llobu.
- 9:28Allégase a la corte de los cabritinos,
- 9:31llama a la puerta y diz...
- 9:34Si queréis mamar, abríi la puerta,
- 9:37que soi la vuestra madre y traigo'l caldar pingando de lleche.
- 9:42Yá diben abrir de la que diz el más nuevu de los cabritinos...
- 9:46Se tu es a nosa madre, abre a porta,
- 9:50porque a nosa madre levóu a chave colgada del corno.
- 9:55Ye que enganché'l cuernu nunos artos
- 9:58y quedóme ellí la llave, nun la volví ver.
- 10:02Entós, diz otru cabritín...
- 10:04Arima'l culu a la gatera y suelta un peu pa dientro.
- 10:10Ye que nós sabemos perbién
- 10:12cómo fieden los peos de les cabres.
- 10:16Los peos de les cabres fieden a verde.
- 10:20Si el golor ye de pación,
- 10:22vas ser la nuestra madre, de xuru.
- 10:27Va'l llobu, arímase a la gatera
- 10:30y solmena un cachu peu pa dientro
- 10:32que los atufó del fedor.
- 10:35Tu es el lobo,
- 10:37qu'el pedo que tirache cheira a carne.
- 10:54Somos lo que comemos. Eso nótase hasta nos peos que solmenamos.
- 10:59Los míos, por exemplu, arrecienden a roses.
- 11:02Los de mio son xiblíos,
- 11:04tan rápidos que nin yes a golelos.
- 11:07¿Y los tuyos, tía Miseria?
- 11:09Nun sé qué te dicir.
- 11:11Na eternidá, tol aire parez igual.
- 11:14Pero yá sabéis, rapacinos:
- 11:16nun ye de bona educación solmenar peos cuando tas con xente.
- 11:21Hai que lo facer nel cuartu bañu o en monte.
- 11:25Yá que tais equí, voi enseñavos el mio llibru
- 11:28Cómo facer bona esllava cadaldía de la selmana,
- 11:31del chef H.ose Pin Corripu Montes,
- 11:35de la colección Cocina xabaz.
- 11:38Y güei vamos facer papes.
- 11:41Que non, nun son patates.
- 11:46Seríen los cereales qu'había anantes,
- 11:48los cereales de cuantayá.
- 11:50Les papes son una comida
- 11:53de cuando nun había tanta bayura como hai agora,
- 11:56tantos alimentos ellaboraos nin industriales.
- 12:00Facer unes papes ye perfácil.
- 12:02Tenemos de garrar lleche de vaca.
- 12:10Cocémosla y depués, echamos fariña de maíz
- 12:14y revolvemos
- 12:17hasta que too quede papiáo.
- 12:25Ta perdulce.
- 12:27Por eso, nun tienes falta d'echar zucre nin stevia.
- 12:32Tamién pues faceles, en cuenta de con fariña de maíz,
- 12:36con fariña de trigu o d'escanda.
- 12:41La escanda ye un trigu antiguu,
- 12:43ye un trigu más xabaz.
- 12:50Asina, nun queda tan dulzaplayón,
- 12:53asina que sí que pues echar stevia.
- 12:56Si la familia yera probe, perprobe,
- 12:59que nun teníen nin pa mercar una vaca nin tampoco lleche de vaca,
- 13:04pues entós facíen les fariñes o les papes
- 13:08con agua.
- 13:09Y agora llega la mio innovación neorrural.
- 13:14Papes con bebida vexetal
- 13:17de soya, d'arroz o d'avena.
- 13:21Y, pa completar la innovación, podemos echar
- 13:24fariña de garbanzu.
- 13:27Y asina llegamos...
- 13:30a facer, arremezándolo too,
- 13:33el platu estrella del chef H.ose Pin Corripu Montes:
- 13:39disolución de papes con bebides vexetales,
- 13:43fariña integral y un puquiñín d'agua de manantial deshidratao.
- 13:51Les papes tamién puen llamase fariñes,
- 13:55farrapes, gaches, pulientes
- 13:59o tamién papielles.
- 14:02¿Visteis qué de sinónimos?
- 14:04Vaya llingua que tenemos, ¿eh?
- 14:08¿Queréis un puquiñín?
- 14:10Dende que soi eterna, como perpoco.
- 14:14Yo voi llevar una tartera pa un gochu amigu míu.
- 14:17Ye que va ser el so santu.
- 14:19Préstame asgaya
- 14:20que tovía haya xente que festexe los santos.
- 14:25Contra, Nalón,
- 14:28¿tu visti la mio cartera?
- 14:34Entós, el llobu corrió pa escontra una tenada,
- 14:37subió y púnxose papar pación.
- 14:40Mira que-y daba ascu, porque ye carnívoru.
- 14:43Aporta otra vuelta pa la corte, arima'l panderu
- 14:46y solmena otru fumiacu.
- 14:49Pónense golelu...
- 14:52Esto güel a peu de cabra.
- 14:56Xa nun cheira a carne.
- 14:58Primero de desatrancar, enséñamos la oreya.
- 15:03El llobu asomó la oreya.
- 15:05¿Tu? Tu yes el llobu,
- 15:07porque la nuestra madre lleva les oreyes
- 15:11dalgo royíes.
- 15:13L'amu ficiéra-y un corte na oreya a la cabra
- 15:16pa marcar que yera d'él.
- 15:19Garra'l llobu una foz, córtase un migayu la oreya
- 15:22y mete la oreya arregallada pela gatera.
- 15:26¡Home!
- 15:27Pues parez que ye la nuestra madre.
- 15:32¡Espera!
- 15:33Agora has d'enseñamos el rau
- 15:37pa ver si tas rabón como les cabres.
- 15:42¡A meter el rau pela gatera!
- 15:45La nuestra madre tien el rau rabón
- 15:49y tu tiéneslu llargu.
- 15:52¡Nun yes una cabra!
- 15:57Garra un focín el llobu y corta'l rau.
- 16:01¡Ai, madre! ¡Va matase!
- 16:04Tenéi en cuenta qu'esto ye un cuentu
- 16:08y, nos cuentos, nada nun ye lo que paez.
- 16:12Home, ba,
- 16:14¿a quién-y pue paecer fuerte o de mal gustu un cuentu milenariu
- 16:18cola de semeyes de guerres que vemos na televisión?
- 16:21Pa enriba, a la hora la xinta, colo que me gusta comer.
- 16:29Ye verdá. La educación nun pue ser una islla.
- 16:33Tien que espeyar la sociedá que quier facer meyor.
- 16:36Pero ensin pasase colo desagradable, ¿eh?
- 16:40Salgo de planu.
- 16:44Sicasí, ya sabéis que, en casa,
- 16:46nun podemos imitar lo que vemos pela tele.
- 16:49¿Y nun sangróu el lobo pol rabo?
- 16:53Un puquiñín pero, daquella,
- 16:54los animales sabíen muncho de hierbatos,
- 16:57asina que punxo la ferida nun emplastu d'ortigues.
- 17:01¿Ortigues?
- 17:04¡Ortigues, talmente!
- 17:06Les ortigues tienen propiedaes a montón
- 17:09y vitamines.
- 17:10Y previenen el gripe.
- 17:12Yo tómoles en infusión.
- 17:15Pero cuidáu, reciella.
- 17:16Nun hai qu'imitar tolo que veis na televisión.
- 17:20Y además de parar de sangrar, quedó-y el rau blancu
- 17:24y entainó pa la corte de los cabritinos.
- 17:27Y foi p'allá a enseñar el rau.
- 17:30¡Abride, qu'é a nosa madre!
- 17:32Esperái. Pa quitar la tranca
- 17:36tien que nos enseñar primero los focicos
- 17:39pol furacu de la gatera.
- 17:42Metió'l focicu, y entóncenes, los cabritinos
- 17:45miráronlu bien miráu, remiráu y requetemiráu.
- 17:50Y dicen...
- 17:51Tu nun yes la nuestra madre,
- 17:55porque la nuestra madre, la cabra...
- 17:59... namás que tien dientes na parte abaxo
- 18:03y tu ties bon dentame
- 18:06arriba y abaxo.
- 18:09Ai madre... Va'l llobu, garra un morrillu,
- 18:12ponse a pegase con él en focicu
- 18:14y queda ensin tolos dientes d'arriba.
- 18:17¡Recontra, lo que son quien a facer los llobos por comer!
- 18:21Lo que ye la fame, mamina.
- 18:24Allega otra vuelta pa la corte
- 18:26y asoma los focicos pel furacu la gatera.
- 18:29Y entós, como tenía'l focicu como la cabra,
- 18:32despiesllaron y entró'l llobu.
- 18:35¡No!
- 18:38Pero nun foi a comelos porque, de la que los diba mazcar,
- 18:42dolía-y asgaya la boca na parte arriba.
- 18:51Entós, vo acarretavos pa la mio casa
- 18:54y, en saliéndome'l dentame, trágovos.
- 18:58O sinón, fágovos papiella y como papes de cabritín.
- 19:07Pero nestes que torna la cabra.
- 19:11Aguarda un poquiñín,
- 19:13que voi facete colos cuernos siete furacos nel bandullu
- 19:16pa que los mios cabritinos puean mamar.
- 19:20El llobu, que siente aquello, entaína fuxir.
- 19:23Bastantes falcatrúes me fixeron ya los cabritinos
- 19:27pa qu'agora venga la madre y me quiera abarrenar el bandullu.
- 19:31D'hoi pa endelantre, pásome a la pación.
- 19:35Asina que si un día vais pel monte y topais un llobu rabón,
- 19:39coles oreyes arregallaes, ensin los dientes d'arriba
- 19:42y que pa encima ta fartucándose a comer pación,
- 19:46habéis de saber que ye'l llobu que quería papar a los cabritinos.
- 19:56Miseria, Nalón,
- 19:58yo pienso que, dientro de lo bederre y xabaz que ye'l cuentu,
- 20:02a la fin tien un mensaxe afayaízu.
- 20:04Y ye que un llobu
- 20:06pue facese vexetarianu ensin trauma ningún.
- 20:09Home, eso de que ensin trauma ningún...
- 20:12Tu mira lo que sufrió'l probe.
- 20:14Pero, a veces, el sufrimientu pue facenos medrar espiritualmente
- 20:18y ser meyores persones, ¿a que sí, tía Miseria?
- 20:21Tu lo dixisti. A veces.
- 20:24Tamién ye verdá que demuestra que los pequeños,
- 20:27si tán llistos y xuntos, puen ganar al grande.
- 20:31La mayoría de los cuentos demuestren eso.
- 20:35¿Sedrá porque na realidá pasa lo contrario?
- 20:39¡Mirái! Los picos d'Europa.
- 20:43Aterriza yá, nin,
- 20:46que voi amoriáu.
- 21:16Sigo pensando que'l llobu nun tien por qué ser siempre'l malu.
- 21:20Nun hai que escaecer que ta en peligru estinción.
- 21:24Home, pero si ye un animal carnívoru.
- 21:27Nun sendo este del conto que se fexo vexetariano.
- 21:32Nun siendo esti,
- 21:33pero tolos demás son carnívoros y ataquen, ne.
- 21:37Nun yes quedará outra.
- 21:39Ye la so naturaleza, claro.
- 21:41Nun é que seña mala persona.
- 21:44¿Eh?
- 21:46¿Por qué nun ponemos un raposu en cuentes?
- 21:49Eh, ¿qué vos paez?
- 21:52Podemos poner l'animal que queráis.
- 21:54Lo importante ye entender por qué los cuentos son como son.
- 21:59¿Y por qué son como son?
- 22:02Los cuentos guarden la memoria de milenios d'historia humana.
- 22:07Camuden col tiempu,
- 22:09pero hai dalgo n'ellos que nos lleva a cuantayá.
- 22:13Cuando había munchos llobos y yeren un peligru pa los humanos.
- 22:17Y yera too monte.
- 22:18Ah, por eso los montes y los llobos nos cuentos
- 22:22representen el peligru.
- 22:25Agora, el peligru somos los humanos.
- 22:28Dalgunos más qu'otros, ¿eh?
- 22:30Mesmo pa los llobos,
- 22:32los humanos somos más peligrosos pa ellos qu'ellos pa nosotros.
- 22:36Pois pra outro conto, poñemos un humano nel sito del lobo.
- 22:41¡Bien dicho! ¡Hai qu'evolucionar, contra!
- 22:44¡Eso, eso! En cuenta'l llobu, ponemos un especulador
- 22:48que quier echar a los cabritinos de la corripia.
- 22:52Y todos os vecíos amañan úa cadía humana pra defendelos.
- 22:56Berrando: "¡Xente sin cases
- 22:58y cases sin xente!"
- 23:00¡Xente sin cases y cases sin xente!
- 23:04¡Xente sin cases y cases sin xente!
- 23:09¿Qué vos parez, ho?
- 23:11Parezme perbién,
- 23:13pero eso yá...
- 23:15tenéis que lo facer vosotros, la reciella.
- 23:19Cellero y yo contentámonos con tresmitivos la tradición.
- 23:23Anque seya a la nuestra manera.
- 23:25Ameyorala ye xera vuestra.
- 23:29Bueno... -Bueno...
- 23:31Pero... -Nun sé...
- 23:34Eso sí, nosotros podemos tar
- 23:37na sombra, asesorando.
- 23:44Y nun dexar nunca coses ensin contar
- 23:47por xabaces que paezan.
- 23:55¿Mareástete, Nalón?
- 23:58Sí, los trasgos somos más bien terrestres,
- 24:02non como les bruxes, que son aérees.
- 24:06Qué interesante.
- 24:08¿A que sí, Miseria?
- 24:09A les muyeres, munches veces,
- 24:12nun nos quedó otra qu'escapar pelos aires.
- 24:15¿Cola imaxinación?
- 24:16O cola escoba. O colo que fuere.
- 24:19Y entós, Miseria,
- 24:22¿cómo ye eso de ser eterna?
- 24:24Ye como ser neña siempre y nun medrar.
- 24:28¿Y nun t'aburres?
- 24:30¿Tu ves a los neños aburrise?
- 24:32Home, algún sí que lu veo...
- 24:34Los neños empiecen a saber lo que ye l'aburrición
- 24:38cuando-yos das un móvil.
- 24:40Entós, empieza'l tiempu vacíu,
- 24:43que ye aguardar pola prósima vez que-yos lu deas.
- 24:46Y la prósima y la prósima...
- 24:49Ensin pantalles, nun hai aburrición.
- 24:52Pero yo, a veces, téngome aburríu
- 24:54y nun tengo teléfonu móvil nin ordenador nin televisión.
- 24:59¿Y a qu'en pasando un pocu tiempu póneste a facer daqué cosa?
- 25:03Sí, a inventar o xugar...
- 25:07O enredar.
- 25:08Enredar ye lo que más me presta.
- 25:11Porque nun hai refalfiu.
- 25:13Ensin pantalles pues aburrite,
- 25:15pero nun tas refalfiáu.
- 25:18Entós, ¿tar refalfiáu ye tar aburríu
- 25:20y nun pensar en otra cosa que nun seyan les pantalles?
- 25:23Pal casu, sí.
- 25:25Entós, un refalfiáu ye un aburríu repunante.
- 25:40¿Cómo se llama esto que tamos tomando, Enol?
- 25:43Kombucha. Ye perbono pal estómadu.
- 25:47Y que lo digas.
- 25:49¿Ta sentándote bien? ¿Quitóte les voltures?
- 25:56Paez que sí.
- 25:59Perdón.
- 26:07Dixisiti que dibes mirar una cosa pel móvil y lleves media hora.
- 26:11Tas pasando de mi, el to amigu.
- 26:14Perdona. Diba mirar el significáu d'una palabra nel diccionariu,
- 26:18pero empecé a da-y al deín p'abaxo, saliéronme colorines
- 26:22xuegos, notificaciones,
- 26:25dibuxos animaos, canales de YouTube, vídeos de Roblox...
- 26:29Y ye que nun sé dicir que non.
- 26:36Y pensar que hai xente que pasa la vida estudiando y echando perres
- 26:41pa facer que nosotros nun nos podamos despegar del móvil...
- 26:47Con esti aparatu ye perdifícil concentrase.
- 26:56¡Mira, Gallu!
- 27:04Ye murniu ver unos mozos
- 27:06que tando xuntos nun bancu
- 27:08nun falen, y algún paez mancu.
- 27:11Silenciu de calabozos.
- 27:13El móvil fae-yos estrozos
- 27:16en pescuezu, deos y mentes.
- 27:19Víctimes de delincuentes
- 27:21qu'amarguen la mocedá
- 27:23causándo-yos ansiedá
- 27:25con chismes tan absorbentes.
- 27:32¡Viva'l mal!
- 27:34¡Viva'l celular!
- 27:38Ye murniu ver unos mozos
- 27:42que tando xuntos nun falen... ¡Y algún paez mancu!
- 27:46Viva'l mal, viva'l celular.
- 27:49Viva'l mal, viva'l celular.
- 27:52El móvil-yos fae estrozos en pescuezu,
- 27:56en deos y mentes. Son títeres... ¡d'otres xentes!
- 27:59Viva'l mal, viva'l celular.
- 28:03Viva'l mal, viva'l celular.
- 28:06Qu'amarguen la mocedá, el silenciu ta presente.
- 28:09Apegaos a la pantalla, víctimes de delincuentes.
- 28:13Viva'l mal, viva'l celular.
- 28:16Viva'l mal, viva'l celular.
- 28:27Viva'l mal, viva'l celular.
- 28:30Viva'l mal, viva'l celular.
- 28:33Les redes sociales enguedeyen les mentes.
- 28:37Pendientes d'otru "Gústame", el tiempu se va y nun vuelve.
- 28:40Viva'l mal, viva'l celular.
- 28:44Viva'l mal, viva'l celular.
- 28:47El fluxu costante de pitíos con alertes.
- 28:51El móvil echa fumu pa que nun lu dexes.
- 28:54Viva'l mal, viva'l celular.
- 28:57Viva'l mal, viva'l celular.
- 29:01Problemes de sueñu, atención y memoria.
- 29:04Causándo-yos ansiedá, ¡maldita nomofobia!
- 29:08Viva'l mal, viva'l celular.
- 29:11Viva'l mal, viva'l celular.
- 29:21Viva'l mal, viva'l celular.
- 29:25Viva'l mal, viva'l celular.
- 29:28Viva'l mal, viva'l celular.
- 29:32Viva'l mal, viva'l celular.
- 29:45Viva'l mal, viva'l capital.
Nesti capítulu faise un homenaxe a La Bola de Cristal: a la Tía Miseria cruciárense-y los cables, y el trasgu Nalón ta más elléctricu de lo habitual; Cellero y Fefa cuenten el cuentu tradicional de los cabritinos d’una manera distinta, Enol cruza los cielos d’Asturies, y Antipop fálennos sobre l’usu excesivu del móvil.
Apto para
A
Subtítulos
Pulse el botón
Sí
para visualizarlos
Mi calificación
Comparte
Lo último de Animalada Xabaz
T.2 Cap. 12
5.00 (2 votos)
21 de dic. 2024 32 mins.En reproducción
T.2 Cap. 11
5.00 (4 votos)
14 de dic. 2024 28 mins.En reproducción
T.2 Cap. 10
5.00 (7 votos)
07 de dic. 2024 30 mins.En reproducción
T.2 Cap. 9
5.00 (2 votos)
30 de nov. 2024 28 mins.En reproducción
Más de Animalada Xabaz
Animalada Xabaz 2024
8 programasAnimalada Xabaz 2021
8 programas© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL