Animalada Xabaz en TPA a la carta, capitulo del sábado 23 de noviembre de 2024. T.2 Cap. 8

Jueves 10 de abril

Webcams Corporativo Contacto

Buscar

Síguenos en

Radiotelevisión del Principado de Asturias

Sintoniza TPA

Estás en televisión

Televisión del Principado de Asturias TPA (A7) emite en el canal 45 de la televisión digital terrestre (TDT). Además ofrece en su segundo canal (A8), la misma programación con una hora de retraso.

Emitido el sábado 23 de noviembre de 2024
Animalada Xabaz. T.2 Cap. 8

5.00 (1 voto)
Ver transcripción Momento actual

Subir al vídeo

0:00Ello yera una vez, va cuantayá,

0:02un rei que taba aburríu por demás.

0:06¿Sí? Qué chocante.

0:07Mio pá diz que los reis siempre tan perocupaos

0:10y nunca nun s'aburren.

0:12Esti taba que lu llevaba Dios

0:14de lo refalfiáu de la vida que se sentía.

0:17Reviciao... y repunante.

0:20Toi repunante, toi repunante.

0:23Nun m'aguanto nin yo.

0:25Si llueve, porque llueve. Si hai sol, porque hai sol.

0:28¡Toi repunante!

0:33Yes carne de meme, Xuacu, con eso de tar repunante.

0:36¿Y eso ye bono?

0:38Depende.

0:39¡Toi repunante, toi repunante!

0:43¡Nun m'aguanto nin yo!

0:47¡Animalada Xabaz!

0:52¿Quién ye Cellero? ¡El vieyu del cuentu!

0:55¿Quién ye Fefa? ¡La fía de Cellero!

0:58¿Quién ye Enol? ¡Un mozu neorrural!

1:01¡Animalada Xabaz! ¡Qué animalada!

1:04¡Animalada Xabaz! ¡Qué animalá!

1:11Vienen pola esllava los animales.

1:14Sabela, la osa. El xabaril, Xuacu.

1:17La cabra ye Telva. Y el trasgu.

1:20¡Animalada Xabaz! ¡Qué animalada!

1:24¡Animalada Xabaz! ¡Qué animalá!

1:27Y meten munchu ruíu los Anti-pop:

1:30el Pola y el Gallu.

1:33¡Animalada Xabaz! ¡Qué animalada!

1:36¡Animalada Xabaz! ¡Qué animalá!

1:39¡Animalada Xabaz! ¡Qué animalada!

1:43¡Animalada Xabaz! ¡Qué animalá!

1:46¡Animalada Xabaz!

1:50El casu ye que, un día, el tal rei que siempre taba aburríu

1:54púnxose a arrascar la cabeza.

1:56Y rascó y rascó...

1:58Pro nun hai qu'arrascarse, que t'encetas.

2:01Y rascó y rascó...

2:04Claro. Si taba peraburríu, polo menos, al rascase entreteníase.

2:09Y rascó per baxo la corona

2:11y paeció-y que dalgo blincaba per ellí.

2:14Garrólu y yera...

2:16¡Un pioyo!

2:18Entonces, el rei dexó d'aburrise,

2:21porque fizo al pioyu mascota real.

2:24¡Toma yá!

2:25Qué cousas mais raras fain os reises.

2:28Entós, yá nun s'aburría,

2:30porque toles mañanes, al tiempu de llevantase,

2:33daba-y de comer al pioyu.

2:34¡Mamina! ¿Y qué-y daba?

2:37¡Quésiyo! De mano, daba-y coses piquiñines

2:40tal que migayes de pan,

2:42faraguyes de galleta o bizcochu que-y sobraben...

2:46Pero, como s'aburría tanto,

2:48echaba tol día en da-y de comer.

2:51¡Cebólu! -Y él fízose un fartón.

2:54Como si lo tuviere viendo.

2:56Cómo lo sabes, ¿eh?

2:58Un fartón que yá te papaba

3:00cachopinos, pataques tostaes,

3:03fabes, pan con manteca...

3:05Y hubo que lu cambiar de xaula porque medró y medró y medró...

3:10¡Ai, mamina!

3:11Medró hasta facese un pioyón

3:13tal que asina.

3:17Y daquella, llegó'l día del so primer cumpleaños.

3:21¡Bien! -¡Bien!

3:24Chíflenme los cumpleaños.

3:26Claro, porque te dan regalos.

3:28Cala a boca, repunante.

3:30Pa festexa-y el primer añu,

3:33el rei tresnó-y una fartura, una llacuada...

3:36Úa enchentuada.

3:38De primero, una sopina, pa despistar.

3:41Pero depués, un platu fabes.

3:43Y us callos con garabanzos.

3:46¡Y un cachopu! -¡Con patates fritides!

3:49¡Y ovos con chourizo!

3:51Y, pa de postre, arroz con lleche.

3:53Y unes picatostes nunca nun sobren.

3:56Y fereixolos.

3:58Ai, madre... Y el pioyu, ¿papólo too?

4:01¡Dafechu!

4:03Ensin mazcar.

4:05Por eso, pasó lo que pasó...

4:22¡Hola, reciella! Güei voi deprendevos

4:25cómo facer un arroz con lleche selvaxe, montés,

4:30según la receta del conocíu chef H.ose Pin Corripu Montes

4:35nel so llibru Cómo facer bona esllava cada día de la selmana,

4:39de la colección Cocina xabaz.

4:42Anantes tengo que vos aclarar una cosa. Como yá veríeis,

4:46lo que, en castellán llamamos "patatas fritas",

4:49n'astrurianu decímoslo de dos maneres: patates tostaes

4:53o patates fritides.

4:54Otra cosa perimportante pa saber facer un bon arroz con lleche,

4:58que nun debemos escaecer nunca y que sin eso nun vamos a parte nenguna,

5:03ye que "lleche", n'asturianu,

5:05tamién ye de xéneru masculín.

5:07Pue dicise "el lleche" o "la lleche".

5:11Eso pasa con otres coses que tengo per equí.

5:14"El sal", non "la sal".

5:17Y pa cabu, dicimos tamién "el miel",

5:21non "la miel".

5:23Y n'asturianu ye "el sangre".

5:25Nun se diz "la sangre".

5:27Pero, de toles coses que vos dixi: el lleche,

5:30el sal, el sangre y el miel,

5:33pa facer un arroz con lleche xabaz,

5:36namás que necesitamos el lleche y, si acasu, un puquiñín de sal.

5:41Asina que'l miel dexámoslu pal requexón

5:44y el sangre, pa les morcielles.

5:47Entós, garramos el lleche de vaca,

5:49si pue ser, entero o con tola ñata,

5:53y calecémoslo na vitro pa nun tener qu'andar con fueu.

5:56O decísmos-ylo a papa y mama, que mos lo calezan.

6:00Y echámoslu na pota.

6:01Agora, tenemos falta d'endulzalo un poco.

6:04Y, como l'azucre blanco ye permalu pal nuestru cerebru,

6:10vamos facelo con una planta que se llama "stevia",

6:14que, amás, ye persaludable.

6:18Y ye perdifícil de desfacer.

6:22Asina que mira...

6:23Tamién tienen fecho

6:26stevia asina en grano.

6:29Asina que echo esta stevia que ye un poco más ellaborada.

6:34Tamién vamos innovar col arroz.

6:36Vamos facer casu a Catuxa.

6:38Pa que'l nuestru organismu furrule perbién,

6:40vamos echar arroz integral.

6:43Col arroz integral y cola stevia,

6:47yá tenemos una receta auténticamente xabaz.

6:53Agora, canela asgaya

6:57y pulgos de llimón.

7:04Y agora, queda lo más difícil:

7:06movelo dos hores.

7:11¡Ah!

7:14Queméme.

7:16L'arroz tovía ta un poco montés.

7:20Agora paez que tien más sabor.

7:22Nestos tiempos hai muncha intolerancia a la lactosa,

7:25asina que voi echar lleche vexetal.

7:28De soya, d'avena o d'arroz.

7:31Otru día, facemos arroz con lleche con lleche d'arroz.

7:35Como'l arroz integral chupa o absorbe menos lleche que l'otru,

7:40va haber qu'engordalo con fariña.

7:43¡Agora sí que ta xabaz!

7:46Voi probalo.

8:09Ta perbonu.

8:13Ye verdá que sabe un poco a industrial.

8:20Y entós, ¿qué pasó cola farturona

8:22que se pegó'l pioyu cuando'l so cumpleaños?

8:25¡Eso! ¿Qué paso depués de la llacuada?

8:28Qu'arreventó.

8:31Qué pena...

8:33A ver, ho, yera un pioyu. Nun llegaba nin a vertebráu.

8:37Los pioyos nun tienen sentimientos, nin siquiera sensaciones.

8:41Tan a años lluz de nós: los mamíferos.

8:44Claro, claro.

8:45Evidente. -Claro.

8:47El rei quedó tan amurniáu que, p'alcordase siempre d'él,

8:51fizo un gorru cola pelleya'l pioyu.

8:53¡Un pucho!

8:55Xusto.

8:56Como n'eonaviegu, n'asturianu tamién se diz "puchu".

9:00¿A que sí, padre?

9:01Sí, un puchu de piel de pioyu.

9:05Téngolu equí.

9:07Ai, padre, eso nun lo sabía yo.

9:12Yera un secretu. ¿A que nun paez de pelleya de pioyu?

9:16Home... -Bueno...

9:18Nun sé. -Va ser que non.

9:19Non. -La verdá, nun sé...

9:23El pioyu arreventó

9:25porque ye perimportante mazcar bien la comida,

9:29nun tener gota priesa en tragar too dafechu.

9:33Ello ye qu'hai que mazcar tanto la comida

9:36que tien que se facer una pastia

9:39que quede mecío y arremezao col cuspiu

9:43y que talmente paeza un puré.

9:46Porque la dixestión empieza nel cuspiu.

9:50Hai que mazcar cincuenta veces cada bocáu

9:54anantes de lu tragar.

9:56Uno, dos,

9:58tres, cuatro,

10:01cinco, seis,

10:03siete, ocho...

10:07Y lougo, ¿qué fixo el rei?

10:09Como volvía aburrise, decidió organizar un concursu.

10:14Nel concursu prometía

10:16qu'el qu'aldovinase de qué taba fechu'l gorru

10:19diba casar cola princesa.

10:21Pero cuntaba con que naide-y lo diba aldovinar.

10:23Facíalo pa entretenese.

10:25¿Quién va imaxinar qu'un gorru ye de pelleyu de pioyu?

10:29¿Por?

10:30Home, quésiyo...

10:31Un gorru, camientes que ye d'algodón, de llana, de poliéster, de cueru...

10:36Pero... ¿de pioyu?

10:38Pois a min paréceme mui posible

10:40qu'un pucho seña de peleyo de pioyo.

10:43Porque ties alma d'escritora de cuentos.

10:47Coles mesmes, salieron los pregoneros

10:49a esparder la noticia per tolos llugares del reinu.

10:54¡Faise saber qu'el qu'aldovine de qué ta fechu'l gorru

10:59casará cola princesa!

11:02Oi, Fefa, y a too esto...

11:04¿La princesa taba conforme, ho?

11:07Eso vamos velo darréu, nun t'esmolezas.

11:09Pero, de mano, voi dicite que anantes yera asina.

11:12Los reis casaben a los fíos y a les fíes

11:15con quien-yos convenía pa ampliar los reinos.

11:18Y, nun requexu d'esti, vivía un pastor,

11:22que dexó les oveyes con un collaciu y tiró pal palaciu'l rei,

11:26a ver si aldovinaba de qué taba fechu'l gorru.

11:30¿Pro sabíalo?

11:31Non, pero confiaba en que, pel camín,

11:34diba atopar la solución.

11:36Taba mui enfotáu, ¿eh?

11:38Munches veces, cuando ties problemes o nun sabes qué facer,

11:42nun ties más qu'echar a andar y apaez la solución.

11:46... venticuatro, venticinco,

11:49ventiséis, ventisiete,

11:52ventiocho, ventinueve,

11:56trenta...

11:58Diba'l pastor caleyando

12:00de la que vio daquién que lu dexó un poco plasmáu.

12:04Una moza taba cola oreya drecha apiegada al suelu.

12:08Yo soi quien curia la oveya,

12:11quien escarmena la llana...

12:18Mocina, ¿qué faes?

12:20Calla, ho, que toi sintiendo falar a dos pingüinos.

12:24¿Dos pingüinos?

12:25Pero si los pingüinos viven perlloñe d'equí.

12:29Ye que yo tengo una oreya

12:30que ye quien a sentir cualaquier cosa

12:33que se diga en cualaquier requexu'l mundu. Y tu, ¿ú vas?

12:37Yo voi camín del palaciu'l rei,

12:40a ver si soi a aldovinar de qué ta fechu'l gorru.

12:44Eso sélo yo, recontra.

12:46El puchu ta fechu de la pelleya d'un pioyu.

12:49Si quies, voi contigo. Asina, la princesa pue escoyer.

12:55Vamos ver al rei, pues sabemos más qu'un osu.

12:59Sabemos de bona llei qu'esi gorru ye d'un pioyu.

13:03Pero entós, acolumbraron alantrones un home.

13:08Semeyaba una estatua talmente.

13:11¿Qué-y pasa, hom?

13:13¿Quedó varáu?

13:14Calade, ho.

13:16Nun me despistedes,

13:17que tou participando nun concurso de tiro

13:20que ta celebrándose en China.

13:23¿China? Eso queda lloñe lloñe.

13:26É qu'eu teño un oyo que todo lo ve.

13:30El meu oyo é quen a ver cualquera cousa

13:33que pase en cualquera sito del mundo.

13:36Y vosoutros, ¿únde vades?

13:40Vamos ver al rei, pues sabemos más qu'un osu.

13:44Sabemos de bona llei qu'esi gorru ye d'un pioyu.

13:49Entoncias vou con vosoutros.

13:53Enfilaron pal palaciu'l rei,

13:55pero xelóse-yos el cantar

13:57de la que vieron otra mocina que taba na oriella'l camín

14:01amarrando un morriyu a les pates.

14:04¿Cómo fue, ho? ¿Que taba amarrando una piedrona a les piernes?

14:07¿A cuentu de qué?

14:09Eso entrugaron ellos, y contestó-yos...

14:30Mirái,

14:31ye que yo cuerro que me mato. Soi la muyer más rápida de la tierra.

14:36Güei taba enfotá en cazar una llebre,

14:38pero cuerro tanto que la paso de llargo.

14:41Asina, con un piedrón amarráu a les pates, voi más espacín

14:44y nun me queda atrás y puedo garrala.

14:47¡Carayo!

14:48A de cousas qu'aprende úa cos contos.

14:52¿Y vosotros?

14:54¿Ú vais?

14:55Imos ver al rei, pois sabemos máis qu'un oso.

14:59Sabemos de búa lei qu'ese pucho é d'un pioyo.

15:05Entós, marcho con vosotros.

15:07Asina, la princesa pue escoyer.

15:11Y asina, camina que camines, camina que caminarás...

15:15Andando, andando, diben pal palaciu'l rei

15:18de la que ablucaron a la de ver, baxando per una llomba,

15:22una casa.

15:24Ai, Fefa, yo tampoco nun paro d'ablucar.

15:27Non era un cosco, é que un paisano cargábala al lombo.

15:31Y diba diciendo...

15:35Yo davezu vivo ellí enriba,

15:37pero estos díes hai un aire xelón que me dexa esfrecíu,

15:41asina que voi posar la casa ehí embaxo, en valle.

15:45¿Y vos? ¿Ú vais?

15:50Imos ver al rei, pois sabemos máis qu'un oso.

15:54Sabemos de búa lei qu'ese pucho é d'un pioyo.

16:01¡Axúntome!

16:06Taben los cinco allegando al palaciu'l rei,

16:08yá lu víen allalantrones en pasando'l ríu,

16:11pero atoparon entós otru que taba...

16:15colos pies bien llantaos en tarrén,

16:19cola cabeza entornada p'alantre,

16:21los pantalones baxaos,

16:24el calzonciellu baxáu...

16:28Ai, ai, ¿qué facía?

16:31Soplar.

16:36¿Pasóuye daqué a usté?

16:39¿Comió llavaza en mal estáu?

16:42¿Problemes de bandullu?

16:50Non, home, non. Ye que yo soi'l fíu'l molineru,

16:53y como hoi nun hai miga d'aire,

16:55díxome mio padre que saliere equí a soplar un poco

16:58pa mover les naspes del molín.

17:01Y veíenles allalantrones moviéndose a toa velocidá.

17:06Y vosotros, ¿qué?

17:08Imos ver al rei, pois sabemos máis qu'un oso.

17:12Sabemos de búa lei qu'ese pucho é d'un pioyo.

17:19Pues voi con vosotros, ¿acuéi?

17:24... cuarenta y seis, cuarenta y siete,

17:27cuarenta y ocho, cuarenta y nueve...

17:32¡cincuenta!

17:35Y la bebida hai que la beber tan espacín

17:40que tien que paecer que la tas mazcando.

17:43Mirái.

17:58Ye perimportante

18:00beber la comida y mazcar la bebida.

18:04Asina nunca nun vas tener dolor de barriga.

18:08Dicíalo Mahatma Gandhi,

18:11pero tamién lo diz el mio mayestru de yoga: Nolami Ktuña Zananda,

18:15Nolo pa los amigos.

18:17Pero bueno, como si lo tuviere dicho Maruxa la del Tetu.

18:20La verdá ye la verdá dígala quien lo diga,

18:24el rei o el que llinda los gochos.

18:27¿O non?

18:30Entós, el soplador subió los pantalones y los calzones

18:34y entraron los seyes en palaciu.

18:36Fueron ver al rei y espetáron-y:

18:39"El gorru ye de la pelleya d'un pioyu". Y el rei quedó...

18:49Porque nun contaba que naide-y aldovinara de qué taba fechu'l gorru.

18:54Home, y si daquién-y lo descubría, camentaba que diba ser

18:58dalgún noble, un duque o un príncipe d'otru reinu,

19:02pero... ¿aquella banda, aquellos pintes, aquellos xostronos?

19:07Además, la fía averóse-y per detrás y díxo-y a la oreya...

19:14Papa, a mi nun me gusta nengún d'esos nin deses, eh.

19:17A mi tampoco nun me gusten, fía. -Pues inventa daqué.

19:22Ganestis el concursu, pero yera la primer parte.

19:26Agora tenéis que me trayer la flor de la Fantasía,

19:29la que naz nel picu cimeru de los Picos d'Europa.

19:35Pero avísovos: col que vaya de vosotros va salir el meyor de los mios galgos.

19:40Y si gana'l galgu,

19:42córtovos la tiesta.

19:44Pero podéis retiravos si queréis.

19:50De retirase, nada.

19:51La que corría tal que les llebres arrancó col galgu,

19:55que'l galgu semeyaba un cascoxu al par d'ella.

19:59La mocina allegó al picu cimeru de los Picos d'Europa,

20:02garró la flor de la Fantasía y tornó pal palaciu.

20:06Camín de vuelta pal palaciu,

20:08aparó a la vera d'una fonte pa beber un paparín d'agua.

20:12Y como facía bien de calor...

20:14quedó dormida.

20:16Y el galgu tamién aportó al picu cimeru de los Picos d'Europa,

20:20tamién garró la flor de la Fantasía...

20:23y adelantóla.

20:25¡Ai, madre!

20:27En palaciu, los collacios taben yá dalgo preocupaos,

20:30asina que'l que tenía tan bon güeyu punxo la man de visera na frente...

20:37Por ei ven el galgo.

20:40Siento ronquíos.

20:42Vou disparar.

20:45Ai, madre. ¿Matóla?

20:47Non, home, non.

20:49¿Verdá, padre?

20:50Como la corredora taba apigazando embaxo un pinu,

20:54dio-y a una piña, cayó-y na cabeza, esconsonóla

20:57y, en decatándose de lo que pasara, echó a correr pal palaciu'l rei.

21:03Allegaron tan xuntinos qu'hubo que facer photo finish.

21:06Pero como daquella nun había cámares nin móviles,

21:09tuvieron que facer el cuadru finish.

21:12¡Meca! ¿Y qué?

21:13Ganó la moza por un pelu. -¿Por un pelu?

21:16Sí, por ún. Por ún namás.

21:19Nun ganó por tol pelo de la moza, sinón por un pelu.

21:23Porque una cosa ye

21:25"el pelo"

21:27y otra ye "un pelu".

21:30Porque un pelu ye parte del pelo

21:33y el pelo ye un pelu más un pelu

21:36más un pelu más un pelu

21:38más un pelu... -Nun t'enrolles, que yá lo entendí.

21:41Porque estes melenes nun puen contase.

21:44Sí, les tos guedeyes son incontables.

21:51¡Bien!

21:53¡Ganemos! ¡Bien! -¡Ganemos! ¡Bien!

21:58Y punxéronse toos en ringlera...

22:00"¡Que escueya la princesa!"

22:02Pero la moza volvió dicir al padre...

22:06Nun me gusta nengún d'esos. Inventa daqué.

22:12Ye verdá, ganestis el concursu,

22:14pero como sois seis, voi davos otru premiu,

22:18que ye que podéis llevar del mio palaciu real

22:21tolo que una persona, una persona sola,

22:26seya quien a cargar en costazu.

22:31El forzudu.

22:32¡Yo mesmo!

22:34Fueron a pola carpa d'un circu de per ellí,

22:36cosiéronla y ficieron un sacu pergrande.

22:40Entainaron pa onde taba'l palaciu real

22:43y punxéronse meter coses:

22:44monedes d'oru, monedes de plata...

22:47Diamantes. -Coronas.

22:49Ayalgues. -Armadures.

22:52Espades. -Esmeraldas.

22:55¿Qué más coses hai nun tesoru real?

22:58Escultures. -Cuadros.

23:00Cuentes corrientes en Suiza.

23:04Y en acabando meter tol tesoru real, punxéronse desfacer el palaciu.

23:08¡Hala!

23:09Metieron pal sacón tolos muebles

23:12y darréu, desarmaron el palaciu y metiéronlu piedra a piedra.

23:16Poniéndo-yos un númberu a caúna pa poder montalu notru llugar, ¿eh?

23:22Y al rei dexáronlu namás que con una moneduca

23:25d'unes qu'había cuantayá que teníen un furacu en mediu.

23:32Pero bueno, ¿yo soi fatu?

23:34¡Veníi p'acá tolos mios caballeros!

23:37Vamos detrás d'esos seyes lladrones que me robaron el tesoru real.

23:42Y unos mil homes y muyeres armaos, a caballu,

23:45salieron detrás d'ellos, y tol mundu pensaba yá que yeren lladrones.

23:50Naide nun s'alcordaba del concursu.

23:53O seya, que la mentira espardióse.

23:56Claro, como lo decía'l rei...

23:58Pos xa taba el bulo amañao.

24:01Ellos diben tan panchos de la que'l que too lo sentía diz...

24:05Siento caballos.

24:07El que too lo ve dicía...

24:09Vein mil homes y muyeres contra nosoutros.

24:13Miraron pal forzudu, pero él dixo...

24:16Yo, si son tantos, nun puedo con ellos.

24:19De mou que namás-yos quedaba'l soplador.

24:23¡Esto ye cosa mía!

24:25Calcó los pies en suelu, abangó la cabeza,

24:29baxó los pantalones, baxó los calzonciyos...

24:37... y echó un airón...

24:40Un furacán

24:42qu'allevantó tolos piedros qu'había na caleya

24:45y fizo una polvorea...

24:50Que, cuando allegó al exércitu,

24:52punxéronse los soldaos...

24:56¡Socorro!

24:58¡Armes químiques!

24:59¡Qué fedores!

25:01¡Esto ta prohibío pol Tribunal Penal Internacional!

25:04¡Retirada! -¡Retirada!

25:12Entá aguantó un par d'hores sopletiando.

25:16Depués, subió los calzonciyos,

25:19subió los pantalones, allegaron a una cruciada

25:23y, en repartiendo'l tesoru, caún tiró pel so camín.

25:27Imos ver al rei, pois sabemos máis qu'un oso.

25:32Sabemos de búa lei qu'ese pucho é d'un pioyo.

25:41Yá fice l'arroz con lleche

25:43y cola fariña que sobró, unos frixuelos.

25:45Agora queda ver si-y gusten a Cellero, a Fefa y a tola animalada.

25:49A mi abúltame que ta too... ¡xabaz!

25:56¡Mamina!

26:00Oi, Fefa, agora que caigo...

26:02Entós, la princesa y el rei ente ellos, ¿falaben asturianu?

26:06¡Claro!

26:07¿Los reis pueden falar asturianu?

26:10¡Home, ba! ¿Nun van poder?

26:12¿En cualquera sito?

26:14En cualquier llugar: en casa y en teatru,

26:17en chigre y en palaciu,

26:19n'aldea y na capital.

26:20En Valdesoto o n'Uviéu.

26:23Y supongo que les princeses tamién puen falar asturianu, ¿acuéi?

26:27Home, ba. Sobremanera si son princeses d'Asturies.

26:33Pero callái. Callái, que yá torna Cellero

26:36y yá sabéis cómo se pon con estes coses de gafu.

26:42¿Asina que "gafu" dizse cuando daquién ta mui enfocicáu, mui enfadáu,

26:47pero tamién de los bichos venenosos y de les feríes infestaes?

26:51Talmente, Enol. ¿Por qué lo dices?

26:54Non, padre, por nada.

26:58Á Cellero. Veníemos porque olvidó esto nel nuestru llocal l'otru día,

27:03cuando nos faló del rei aquel que tenía un pioyu.

27:10Vaya chufla que gastáis.

27:13Yá que tamos equí, vamos echar un tema, Pola.

27:31Dizme Sabela: "¡Repunante!"

27:35Dizme Cellero: "¡Repunante!"

27:38Y yo pienso pa mi (¡repunante!):

27:41"¡Ye lo que hai!"

27:45Toi repunante, toi repunante.

27:48Nun m'aguanto nin yo.

27:51Toi repunante, too me paez mal.

27:54Si llueve, porque llueve. Si hai sol, porque hai sol.

27:58¡Toi repunante!

28:13Dízmelo Fefa: "¡Repunante!"

28:16Dízmelo Telva: "¡Repunante!"

28:20Y yo pienso pa mi (¡repunante!):

28:23"¡Ye lo que hai!"

28:25Ye que...

28:26Toi repunante, toi repunante.

28:29Nun m'aguanto nin yo.

28:33Toi repunante, too me paez mal.

28:36Si llueve, porque llueve. Si hai sol, porque hai sol.

28:39¡Toi repunante!

28:54Dízmelo Geli: "¡Repunante!"

28:58Enol y Nalón: "¡Repunante!"

29:01Y yo voi dicivos (¡repunante!):

29:04"¡Dexáime en paz!" Porque...

29:07Toi repunante, toi repunante.

29:11Nun m'aguanto nin yo.

29:14Toi repunante, too me paez mal.

29:17Si llueve, porque llueve. Si hai sol, porque hai sol.

29:21Toi repunante, toi repunante.

29:24Nun m'aguanto nin yo.

29:27Toi repunante, too me paez mal.

29:30Si llueve, porque llueve. Si hai sol, porque hai sol.

29:34¡Toi repunante!

Cellero y Fefa cuenten el cuentu de ‘El Gorru de Pelleya de Pioyu’ a l'Animalada, y tanto ellos como los Antipop antróxense pa contalu.

Apto para

A

Subtítulos

Sí

Pulse el botón

icono subtítulos

para visualizarlos

Mi calificación

Comparte

Publicidad

Publicidad

Lo último de Animalada Xabaz

Animalada Xabaz. T.2 Cap. 12 — T.2 Cap. 12
5.00 (2 votos)
21 de dic. 2024 32 mins.

Animalada Xabaz. T.2 Cap. 11 — T.2 Cap. 11
5.00 (4 votos)
14 de dic. 2024 28 mins.

Animalada Xabaz. T.2 Cap. 10 — T.2 Cap. 10
5.00 (7 votos)
07 de dic. 2024 30 mins.

Animalada Xabaz. T.2 Cap. 9 — T.2 Cap. 9
5.00 (2 votos)
30 de nov. 2024 28 mins.

Más de Animalada Xabaz

Animalada Xabaz 2024

8 programas

Animalada Xabaz 2021

8 programas

© 2025 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL