Webcams
Buscar
Reproductor de Vídeo is loading.
Ver transcripción Momento actual
Subir al vídeo
- 0:09Si hai un edificiu que representa'l S. XX n'Asturies
- 0:13pue que seya la Llaboral, en Xixón.
- 0:16Foi un sieglu llenu de llucha y conquistes pa les muyeres.
- 0:20"Voi siguir el viaxe pa conocer cómo llegamos hasta güei.
- 0:24Y cómo escribieron y vivieron les muyeres asturianes nel S. XX
- 0:28hasta'l Surdimientu, nos años 70 del sieglu pasáu.
- 0:32Esti ta siendo un viaxe apasionante
- 0:34al traviés de les vides y les obres de les muyeres
- 0:37que punxeron el so trabayu y el so talentu
- 0:40al serviciu de la lliteratura asturiana.
- 0:42Escribiendo n'asturianu y en gallego-asturianu.
- 0:45Y colo visto hasta agora nel S. XVIII y XIX,
- 0:48nun quiero imaxinar cómo pudo ser un sieglu, el XX,
- 0:52que foi'l más movíu de la hestoria recién n'Asturies.
- 0:56Tenemos una revolución, monarquíes, una república, una guerra,
- 1:00delles dictadures.
- 1:01Un camín complicáu nel que les muyeres escritores
- 1:05diben tener muncho que cuntar.
- 1:07¿Descubrímoslo xuntes?".
- 1:09SINTONÍA DEL PROGRAMA
- 1:13'Subtítulos, TIPOGRÁFICA'
- 1:17-Yo creo que na época del Rexonalismu
- 1:21la verdá ye qu'apaecen mui poques muyeres,
- 1:26pero ye qu'esto tendría que ser un discursu mui llargu,
- 1:29porque siempre ta la pregunta:
- 1:32¿qué ye qu'había poques muyeres escribiendo o ye que'l canon,
- 1:36la hestoria que recueye'l canon lliterariu,
- 1:39da igual del asturianu que del castellanu,
- 1:42excluyó a eses muyeres?
- 1:44Porque cuando s'empieza a investigar apaecen siempre munches muyeres.
- 1:49La época de, por exemplu, María Balbín
- 1:53ye una época...
- 1:55Tamos falando del Rexonalismu, los años 20.
- 2:00Hai que tener en cuenta que hasta 1857,
- 2:05cola llei Moyano,
- 2:07nun se regula la enseñanza.
- 2:11Sobre too, pa muyeres.
- 2:14Ye ahí cuando se pon obligatoria de los 6 a los 9 años.
- 2:18Ahí sí que ye verdá que se pon obligatoria pa homes y muyeres.
- 2:22Eso sí, diferenciada.
- 2:24Pa les muyeres ye les cuatro regles,
- 2:28bordar, llevar la casa.
- 2:30Colo cual nun ye estraño que poca xente escriba.
- 2:35MÚSICA SUAVE
- 2:45Nesta casa en Tornón, Villaviciosa,
- 2:48ñació una de les muyeres más desconocíes
- 2:51hasta agora de la lliteratura asturiana.
- 2:54Toi falándovos de Tuxa Villaverde, a la qu'esti añu
- 2:57-y dediquen la Selmana de les Lletres Asturianes.
- 3:00-Esa etapa
- 3:03qu'a mi me presta llamar el Rexonalismu lliterariu,
- 3:06al que perteneceríen autores como Pachín de Melás,
- 3:10Pepín de Pría, Constantino Cabal, Fabricio
- 3:15o un autor que ta nel remate del Rexonalismu,
- 3:20como Fernán Coronas,
- 3:22conoció la presencia de muyeres escritores.
- 3:26Muyeres que quedaron un poco relegaes
- 3:29d'esa llista oficial
- 3:33d'autores que consideramos canónicos,
- 3:36pero que realmente teníen presencia n'aquel tiempu
- 3:40y que poco a poco vamos rescatando
- 3:44y valorando na midida en que podemos dir accediendo a los sos testos.
- 3:49Ye'l casu de María Teresa Villaverde, Tuxa,
- 3:54la escritora de Villaviciosa.
- 3:56Rigurosamente contemporánea de Pachín de Melás y de Fabricio.
- 4:01O tamién, de María Balbín,
- 4:04que ye de la mesma edá que Constantino Cabal
- 4:07y que tien una presencia lliteraria per periódicos y revistes
- 4:10d'enantes de la guerra.
- 4:13La so obra nun desamerita pa nada
- 4:17de la obra de los sos contemporáneos, de los sos coetáneos,
- 4:21d'esos autores colos que munches veces compartieron
- 4:26publicaciones, revistes,
- 4:30porfolios de fiestes.
- 4:33Lo que sí ye verdá ye que faltó
- 4:37una obra,
- 4:39un trabayu de recuperación d'esos testos
- 4:43y de publicación dientro d'esi contestu del Rexonalismu,
- 4:48pero creo que son autores,
- 4:50este muyeres, plenamente recuperables pa esi canon que vamos construyendo
- 4:56de la lliteratura asturiana.
- 4:58-A lo llargo del S. XX vamos conociendo
- 5:01cada vez más nomes de muyeres,
- 5:03a midida que les muyeres van teniendo accesu
- 5:07a la publicación, al mundu cultural, lliterariu.
- 5:12Nun pienso que la presencia de muyeres na lliteratura asturiana
- 5:17seya menor que n'otres lliteratures
- 5:20o n'otros ámbitos del saber, de la cultura, de la Filoloxía,
- 5:25en cualquier otra llingua.
- 5:27-Pienso que foron les mesmes dificultaes
- 5:31que tuvieron que vivir el resto de les muyeres.
- 5:33La principal dificultá pa una escritora
- 5:36nesi tiempu y nesti
- 5:38ye la dificultá propia de la época pa cualquier persona.
- 5:42Esa ye la básica.
- 5:44Una vez que saltes ciertes
- 5:47situaciones mui determinantes,
- 5:50la escritura ye un campu de llibertá enorme.
- 5:55Lo difícil ye que nesi momentu
- 5:58s'atrevieren a trespasar esa barrera y s'atrevieren a escribir.
- 6:02-Sí. Ye interesante'l protagonismu
- 6:06que tienen les muyeres actrices
- 6:09y non sólo actrices, sinón tamién productores
- 6:13y en cierta forma tamién directores de teatru
- 6:18costumista asturianu, como pueden ser Clara Ferrer,
- 6:22Aurora Sánchez o Rosario Trabanco,
- 6:25que formen les sos propies compañíes nos años 50 y 60.
- 6:30Nunca esisten escritos d'elles.
- 6:34Nun s'empobinen por escribir les sos propies idees.
- 6:41Caltienen lo que vien siendo la tradición
- 6:45d'autores masculinos.
- 6:48Como pueden ser Eladio Verde o Pachín de Melás.
- 6:52Eloy Fernández Caravera. Pero nunca
- 6:56va existir esi...
- 6:58esi tipu de...
- 7:01d'atrevimientu por parte de les muyeres pa esponese
- 7:05más de lo que yá taben espuestes. Son muyeres que trabayen en casa.
- 7:10Y llueu, trabayen fuera y saquen alantre un tipu de teatru
- 7:14dando vida a unos personaxes
- 7:18propios y típicos non sólo del teatru asturianu,
- 7:22sinón de lo que puede ser el "pueblu asturianu".
- 7:26-El S. XX nun ye...
- 7:29Nun creo que fora mui fácil dedicase a escribir n'asturianu,
- 7:33una llingua que nesi momentu
- 7:36taba desprestixada. Una llingua minoritaria.
- 7:40Col puxu del castellán.
- 7:43Diglósica.
- 7:46L'atrevimientu d'estes muyeres, como Elvira Bravo y Nené Losada,
- 7:49de dexanos el so testimoniu de lliteratura n'asturianu,
- 7:53creo que pa los escritores n'asturianu foi mui grande.
- 7:56Animónos tamién anque viviéramos notra época,
- 7:59porque la época na que vivieron elles nun yera fácil.
- 8:03Tampoco pa nosotros foi fácil. Nin ye, porque la muyer...
- 8:07Nun tenemos la mesma visibilidá que los escritores.
- 8:11Tovía tenemos camín por andar.
- 8:15Paezme qu'hai qu'agradecer a estes autores
- 8:18esi testimoniu lliterariu que nos dexaron, la so obra.
- 8:23Mui valoratible y mui importante.
- 8:27Y tuvimos más accesu a ella qu'a les anteriores
- 8:30porque vivieron otru sieglu.
- 8:32Entós, podemos disfrutala y sofitanos n'ella.
- 8:37MÚSICA SUAVE
- 8:47Poques cais nel conceyu de Caravia lleven el nome d'una persona.
- 8:51Equí pusiéron-y al so parque'l nome d'ella: María Balbín.
- 8:55"Una autora, qu'anque entama a escribir n'asturianu
- 8:58enantes de la guerra, nun dexa ver la so obra
- 9:01n'un volume hasta los años 50, que representa mui bien
- 9:04esi llabor silenciosu de les muyeres escritores n'asturianu
- 9:08neses décades".
- 9:10MÚSICA SUAVE
- 9:12"María Balbín ñació en Caravia la Baxa'l 17 de marzu de 1877.
- 9:18Fía d'una familia numberosa con pocos recursos,
- 9:21el so hermanu Urbano, emigráu a Cuba,
- 9:24unviaba perres pa qu'ella pudiera estudiar Maxisteriu n'Uviéu.
- 9:28En 1891 casa n'Uviéu con Enrique Rodríguez González,
- 9:33profesor de Belles Artes y estraordinariu tallista,
- 9:37col que tuvo cuatro fíos.
- 9:39Magar esta circunstancia y los vezos del momentu,
- 9:42ella nunca dexó la so profesión de maestra.
- 9:45Exerció nes escueles rurales de Cabranes, Cuideiru y Valdés.
- 9:50Hasta qu'en 1939
- 9:52llega destinada a Uviéu de forma definitiva.
- 9:55Trabayando hasta 1947, cuando fixo 70 años.
- 10:01Los testimonios falen d'una muyer con vocación
- 10:04y bones capacidaes pa la docencia.
- 10:07N'Uviéu fai amistá con un matrimoniu asturianista del momentu,
- 10:11el formáu pol escritor Constantino Cabal,
- 10:14autor de 'L'alborá de los malvises',
- 10:17y pola su muyer, Mercedes Valero.
- 10:20Nesos años escriben nel diariu Región, que dirixe Cabal.
- 10:24Conozse tamién l'interés de Balbín pola situación de la muyer,
- 10:29llegando a dar una conferencia na escuela de Maxisteriu d'Uviéu
- 10:32con temes feministes.
- 10:34Teniendo noticies tamién de dalguna manifestación pública
- 10:38de Balbín y Valero en favor de la igualdá de la muyer".
- 10:44"La so obra n'asturianu foi recoyéndola en periódicos
- 10:48y regalándola en manuscritos.
- 10:50Foron les sos fíes quien la axuntaron
- 10:53nun volume editáu en 1957 col títulu 'Tríptico'.
- 10:59Ente los temes de la so poesía, la cultura tradicional,
- 11:03la emigración que vivió na so familia,
- 11:06el fechu poéticu y, sobremanera, los neños.
- 11:09Colos qu'usabe les sos creaciones nes clases.
- 11:13Balbín muerre a la fin n'Uviéu en 1961.
- 11:17Dexando una obra de la que entá hai muncho por afayar,
- 11:21pero que mos fala d'una muyer escritora culta
- 11:24y con una vida bien interesante".
- 11:28MÚSICA SUAVE
- 11:39-María Balbín ye maestra.
- 11:44Prácticamente, tol trabayu lliterariu que fexo, que foi
- 11:48más abundante de lo que conocemos, porque bona parte d'él perdióse,
- 11:53la verdá ye que...
- 11:57enfocólu, esi trabayu lliterariu,
- 11:59a crear testos que pudiera utilizar nes escueles.
- 12:06Ye una autora que pertenez,
- 12:09por edá y pola manera que tien d'escribir,
- 12:13a esi Rexonalismu emerxente.
- 12:17Y la verdá ye que ye un exemplu
- 12:21pa los enseñantes, pal profesoráu,
- 12:24de cómo se puede,
- 12:27dende'l Maxisteriu, implicar
- 12:30na creación lliteraria y na utilización del asturianu
- 12:34con vocación al mesmu tiempu de serviciu
- 12:39al alumnáu y tamién, pa crear
- 12:42una obra curiosa n'asturianu.
- 12:44-¡Home, vamos a ver! Ye que la dictadura franquista
- 12:48supunxo un retrocesu non sólo nes llibertaes,
- 12:51sinón pa toles llingües minoritaries. Yo recordaré tola vida'l mio hermanu,
- 12:56que ye unu de los pioneros del asturianu,
- 13:00cuando él yera un neñu y mio güela vivía,
- 13:03mi güela lloraba, y eso vilo yo,
- 13:06diciéndo-y que cómo yera posible que falara n'asturianu
- 13:09cuando ella vieno del pueblu a servir a Xixón
- 13:12y dáben-y hos*** y reíense d'ella por falar n'asturianu.
- 13:16Y, de repente, el nietu va y convierte l'asturianu
- 13:19en toda una esencia y una política y una forma de vida.
- 13:24Ye que la represión ye tremenda, anula y fai que desapaeza.
- 13:28Por eso agora hai quien tien la impresión de que nos lo inventamos
- 13:31y partimos de cero. Aquí ye facemos el pasáu mui fácil.
- 13:34-Dalgunes escritores asturianes,
- 13:38oílo daqué vez a Esther García,
- 13:43manifiesten siempre
- 13:45qu'ún de los raigones más fonderos pa escribir n'asturianu ye
- 13:49la familia y el pueblu.
- 13:51Y a estes autores páse-yos igual. A estes escritores.
- 13:55Esi raigón personal, familiar, fai que,
- 13:59pese a la presión del castellán social y familiar,
- 14:02ella caltenga'l...
- 14:07el so xuramentu de fidelidá, la so emocionalidá
- 14:11cola llingua de nacencia.
- 14:13Eso ye mui importante, anque socialmente eso
- 14:15nun vaya a nengún sitiu.
- 14:18-María Balbín, yo creo que ye
- 14:21otra señora representativa de la época.
- 14:24Creo que tien un poema que ye "Suañando co' la pluma",
- 14:29que ye significativu de cómo la muyer escribe.
- 14:33Ella, nel propiu poema, va cuntando "agora que yá
- 14:38fice tolos llabores de la casa, yá tán durmiendo tolos neños,
- 14:43tou en casa yá ta reposáu,
- 14:46agora tengo un minutu pa mi y póngome a escribir".
- 14:50Queda reflexáu que nesa época
- 14:54la cuestión de la escritura de la muyer
- 14:57ye secundaria.
- 14:59-De les muyeres qu'escribieron n'Asturies
- 15:02na época del Franquismu tengo que dicir
- 15:05que lo que más se -yos reconoz ye'l valor y l'enfotu puestu
- 15:10nuna época tan dura, tan difícil.
- 15:13Tanto por ser muyeres como por escribir n'asturianu.
- 15:19Si pa daqué son un referente,
- 15:22pa mi personalmente,
- 15:24ye por eso, por el tar dispuestes a saltar perriba los pilancos
- 15:31y sacar alantre lo que llevaben dientro.
- 15:34Fuere o nun fuere bien visto'l fechu de qu'escribieren.
- 15:37Fuere o nun fuere bien visto la llingua que decidíen utilizar.
- 15:41-María Balbín yera la mio bisgüela. Toi mui arguyosa d'ello.
- 15:47Foi de los mios primeros contactos cola llingua asturiana porque
- 15:52teníemos un llibru de poesíes suyes.
- 15:55Ella escribía tanto en castellán como n'asturianu.
- 15:58Y teníen fechu una pequeña edición familiar.
- 16:02Cuando diba a casa del mio güelu, sacábemos aquel llibru.
- 16:06Yo lleíalu, deprendíame les poesíes.
- 16:11N'aquella dómina yo nun yera consciente
- 16:14de que yera una autora que...
- 16:18clásica na llingua que yo pudiera tener una influencia o cierta fama.
- 16:25Toi mui arguyosa.
- 16:27Sí influyó porque dientro de casa... Claro, imaxínate.
- 16:31(LLEE) "Cuerre un regatu per equí cerquina
- 16:33que s'acolumbra desde mio ventana.
- 16:36Y n'él finxen los rayos de la lluna per entre los manoxos d'espadaña
- 16:40cintes brillantes de cristal cuayáu y madexines qu'asemeyen plata.
- 16:45Tán durmiendo tranquilos los mios fíos.
- 16:48Cola risa esparcía pela cara.
- 16:50Que ye'l reflexu de los anxelinos con quien suañando tán en na so cama.
- 16:55Cuasi rindía de los mios llabores, que son abondos, sin mentir migaya,
- 17:00sentéme a descansar xunto a la mesa que tengo na salina de mio casa.
- 17:04Y como si fose obra d'un ensalmu nun pudi remediar la pigazada
- 17:09y alcomencé a sueñar co' unos neñinos tirándome cada unu pela saya.
- 17:14Cantábenme veyures a la vez quitándose unu al otru la pallabra".
- 17:20MÚSICA SUAVE
- 17:27Pasiar per Torazu ye entrar pela obra de María Xosefa Canellada.
- 17:32En tolos requexos d'esti pueblu de Cabranes
- 17:35atopamos señales del so pasu y de la so llabor.
- 17:39"Nos años más duros del Franquismu, María Xosefa Canellada
- 17:43consiguió algamar importantes fitos pa la llingua asturiana.
- 17:47El so llabor como llingüista, el papel como escritora
- 17:50y la so capacidá d'evolucionar colos tiempos
- 17:54llévanos a tar delantre d'una de les figures más importantes
- 17:58de la lliteratura asturiana de posguerra.
- 18:00María Xosefa Canellada ñació en L'Infiestu
- 18:04el 12 de payares de 1913.
- 18:07La so infancia pasó ente esta villa y el pueblu de Torazu, en Cabranes,
- 18:12d'onde yera la so familia.
- 18:14De grandes capacidaes intelectuales, estudia'l Bachilleratu en Madrid.
- 18:18Y en 1933 accede a la facultá de Lletres
- 18:22de la Universidá Central de Madrid,
- 18:24güei conocida como Universidad Complutense.
- 18:27Ellí coincidió con profesores como Rafael Lapesa
- 18:30y Ramón Menéndez Pidal, autor de 'El dialecto leonés',
- 18:34que foi una importante influencia pal so interés
- 18:37pola Filoloxía asturiana.
- 18:39La guerra obligóla a parar los sos estudios,
- 18:42que diba retomar en 1940.
- 18:45En 1943 remata la so tesis doctoral, dirxía por Dámaso Alonso
- 18:50y titulada 'El bable de Cabranes',
- 18:54que foi premiu estraordinariu del doctoráu
- 18:57y modelu darréu pa les monografíes sobre l'asturianu
- 19:00que se fixeron n'Asturies nes siguientes décades.
- 19:03Foi profesora n'universidaes estatales ya internacionales.
- 19:07Llegando a poner clases nos Estaos Xuníos, Méxicu
- 19:11y n'otros países en numberoses ocasiones.
- 19:14A la so obra filolóxica, sumó tamién
- 19:17una curtia pero perimportante obra lliteraria n'asturianu.
- 19:20Con especial interés en llegar a la reciella.
- 19:23D'esi interés ñaz 'Montesín',
- 19:26la primer novela xuvenil n'asturianu.
- 19:29Escrita en 1979 y asoleyada al otru añu".
- 19:33-Una muyer...
- 19:35Creo que singular dientro
- 19:39de la lliteratura n'asturianu.
- 19:41Probablemente ye la primer muyer que podemos dicir que...
- 19:47Escritora qu'esportamos y que -y da ciertu
- 19:53rangu a la lliteratura asturiana y a la escrita por muyeres.
- 19:57Esplícome.
- 19:58Ella ye una llingüista que ta en Madrid.
- 20:03Tien un nome, tien una serie d'estudios
- 20:07que son estudios que la época ye mui dada a los estudios dialectales.
- 20:12Ella fai'l de Cabranes.
- 20:17A fin de cuentes ella yera d'ellí.
- 20:20Amás, escribe n'asturianu una señora culta
- 20:25dende la corte. Y creo qu'eso da un pesu específicu
- 20:31al asturianu, anque tampoco ye que -y ficieran nesi sentíu muncho casu.
- 20:35-Pa la Filoloxía asturiana ye la descripción
- 20:40de la fala de Cabranes.
- 20:46Con unes descripciones mui minucioses de los...
- 20:50oxetos, aperos.
- 20:52Un léxicu mui ricu.
- 20:55Unes trescripciones fonétiques perfectes.
- 20:59Y una definición fonética tamién perfecta.
- 21:02-Tol trabayu que fai de recopilación de la lliteratura popular
- 21:07ye estraordinario.
- 21:10Fai un trabayu impagable.
- 21:13Pero tamién,
- 21:15como dialectóloga, como estudiosa de la llingua asturiana.
- 21:20La so monografía sobre la fala del conceyu de Cabranes
- 21:25foi la primera que se fexo
- 21:28y sirvió en bona midida de modelu
- 21:31pal resto de trabayos que se fixeron nesi sentíu.
- 21:35"En castellán tien tamién una obra de prestixu,
- 21:38la novela 'Penal de Ocaña', premiu Café Gijón en 1954.
- 21:44No personal, tuvo casada con Alfonso Zamora Vicente,
- 21:47dialectólogu de gran prestixu, col que tuvo dos fíos.
- 21:51Magar que venía d'otra xeneración,
- 21:53supo sumase al asturianismu modernu dende mui pronto.
- 21:57Y ye una de les persones que participa como miembru fundadora
- 22:00de l'Academia de la Llingua Asturiana en 1981.
- 22:04Amás, en 1986 foi nomada miembru de la Real Academia Española.
- 22:11Morrió en Madrid el 7 de mayu de 1995 a los 83 años.
- 22:17En 2002, la Selmana de les Lletres Asturianes dedicóse a la so figura.
- 22:21En Torazu, l'autora y el so personaxe Montesín
- 22:25son parte clave de la identidá y la marca cultural y turística
- 22:29del conceyu de Cabranes".
- 22:33MÚSICA SUAVE
- 22:38-El "Montesín" de María Xosefa Canellada
- 22:42ye, como sabemos toos,
- 22:45yá Severino Antuña, que ye'l máximu especialista teóricu
- 22:48de la lliteratura infantil y xuvenil,
- 22:51aportó'l datu de que foi la primer obra pa neños.
- 22:56"Montesín" ye un cuentu difícil de lleer
- 23:00pol léxicu, etc.
- 23:02Ye complicáu pa los neños. Habría que lleelo con ellos.
- 23:07Pero nun cabe dulda de que foi una muyer,
- 23:10la fundadora, por decilo de dalguna manera, del xéneru.
- 23:13-Como escritora, creo que tien
- 23:17algo fundamental, que ye la primer autora d'una novela
- 23:21xuvenil n'asturianu, que ye "Montesín".
- 23:25Creo que ye de 1980.
- 23:30Nun dexa de ser,
- 23:32vamos a comparar, el "Platero y yo" asturianu.
- 23:37-"Montesín" ye una maraviya.
- 23:42Estilísticamente, llingüísticamente.
- 23:46De conteníos y de tonu.
- 23:49Amás, al publicase tan pronto, nos años del Surdimientu,
- 23:55pa munchos de los que d'aquella yá tábemos
- 23:58trabayando pola cuestión llingüística, foi una referencia.
- 24:03-María Xosefa Canellada ye una autora
- 24:07que xunta mui bien
- 24:09la conocencia de la tradición popular con una obra culta.
- 24:14Ella...
- 24:16seguramente ye l'autora
- 24:19con mayor voluntá de construyir un estilu lliterariu
- 24:24culto n'asturianu nesi momentu que -y toca vivir.
- 24:28Tanto la parte poética qu'escribe
- 24:33como la prosa, con esi estraordinario "Montesín",
- 24:37que ye una pieza mayor de la lliteratura asturiana,
- 24:41pues realmente
- 24:44esa voluntá d'estilu, esa manera d'escribir n'asturianu,
- 24:50podemos dicir que ye
- 24:52alta prosa, ye alta lliteratura por voluntá.
- 24:57-Quixera facer
- 24:59un agradecimientu cuasi personal a Canellada pol so llibru "Montesín".
- 25:04Foi'l primer llibru que tuvi n'asturianu.
- 25:09Marcóme muncho porque me dio
- 25:14la posibilidá de ver
- 25:16qu'aquello que yo falaba, que yo escribía,
- 25:19podía ser editáu n'un llibru de verdá, con tapes dures.
- 25:22Como decíamos: un llibru de verdá. Eso fízome ver:
- 25:26ye lliteratura real lo que facemos, nuna llingua real y ta equí.
- 25:31Yo tendría...
- 25:335 o 6 años d'aquella. Foi pa mi una emoción mui prestosa.
- 25:38-María Xosefa Canellada,
- 25:40autora de cuentos, recopiladora de lleendes y de costumes,
- 25:45paezme mui importante la so figura como precursora
- 25:48de toa esta lliteratura infantil
- 25:51que güei tanto xorreez na nuesa llingua.
- 25:54Pienso que tien un gran valor
- 25:57pa los nuesos neños, que son el futuru.
- 26:00Tenemos que facer por que nes escueles, en tolos llaos,
- 26:03la llean. Ella tenía visión de futuru.
- 26:07Y heredamos esa gran riqueza de les coses d'ella.
- 26:10Del folclor, tolo que fue recopilando.
- 26:13Y de los sos escritos, los sos cuentos.
- 26:16Ye muncho de valorar.
- 26:19-Que me paez que ye un modelu pa toles que vinimos detrás.
- 26:23Sobre too, les que vinimos de manera inmediata,
- 26:25que coincidimos en vida con ella.
- 26:28María Josefa ye un modelu d'esto que toi diciendo de muyer culta,
- 26:32muyer informada y muyer trabayadora.
- 26:35Como escritora, nun ye que fuera
- 26:38mui relevante porque nun tuvo muncha obra,
- 26:41pero abrió la puerta a la lliteratura infantil.
- 26:46Y abrióla d'una manera
- 26:49más que digna, que ye dicir que la lliteratura infantil
- 26:53ye gran lliteratura.
- 26:57"Montesín" pue lleese como una gran obra.
- 27:00(LLEE) "Escurro que buscaben una campera más tebia
- 27:03y más afayaíza que los picaños de la sierra onde venín.
- 27:07Pero l'espaciu la llosa yá tenía la marcación d'otru amu.
- 27:11Los cuestibayos d'acullá quedaren ensiguida averbenaos de cuerves.
- 27:16Pero les pegues yá teníen esa propiedá.
- 27:19Andaben per endi les pegues bien fachendoses.
- 27:23Faciéndose les apoderaes.
- 27:25Y teníen la llosa bien enferronada.
- 27:28De toa la vida y pa toa la vida de les pegues venideres.
- 27:32Ah, con que venir agora echando ronques.
- 27:35Con qu'agora veníen les cuerves acorviando con aquella pecunia
- 27:40de que queríen aposentase.
- 27:42Aquelles arbolaries desgraciaes.
- 27:45Y non veníen pedigüeñando. Que veníen señoriando.
- 27:50De secute, peles carrerines del aire corrieren apellidíos de sofoquina.
- 27:55Voces de gargüelos secañosos
- 27:57acordiaben cola voz un pocu sedada (...)
- 28:03Retiñíen los apellidíos de les cuerves.
- 28:05Dándose un semeyu coles grandes tarrañueles
- 28:08de llata de les tribus n'aguas de Marruecos.
- 28:12Taba bien claru que les cuerves querín axorizar y apavoriar
- 28:16a les pegues a pura h.uercia arroíu".
- 28:20MÚSICA SUAVE
- 28:28Equí en Cuideiru
- 28:29cada 29 de xunu y a lo llargo de cuasi 40 años
- 28:33la lliteratura d'una muyer yera protagonista
- 28:36de la fiesta más importante del conceyu.
- 28:39"Nesti viaxe pela lliteratura asturiana fecha por muyeres
- 28:42a lo llargo de la hestoria ye parada obligada Cuideiru,
- 28:46onde esta muyer, Elvira Bravo,
- 28:48consiguió rescatar una tradición
- 28:50que tenía a la variedá del asturianu d'esi pueblu,
- 28:53el pixuatu, como forma d'espresión.
- 28:56Y a la creación lliteraria más popular como protagonista.
- 29:00Elvira Bravo ñaz el 3 d'avientu de 1892 en Cuideiru.
- 29:05Dende neña na so familia tien l'exemplu del pá,
- 29:09el boticariu ilustráu Agustín Bravo,
- 29:12Roque, qu'escribe en prosa y en versu.
- 29:15Muyer interesada pola música y la cultura, fórmase
- 29:18como profesora de pianu nel Conservatoriu de Madrid.
- 29:22Entornando a Cuideiru, dirixe delles agrupaciones folclóriques,
- 29:26coles que fai un intensu llabor de recuperación y difusión
- 29:30de la cultura asturiana.
- 29:32Con especial aportación a les tradiciones de Cuideiru".
- 29:36-Elvira Bravo representa
- 29:39dientro de la lliteratura asturiana
- 29:42esi amiestu ente lo popular y lo culto.
- 29:46Ella ye una persona
- 29:49formada lliterariamente,
- 29:51pero que vuelca tol saber a recuperar
- 29:54la tradición oral de Cuideiru.
- 29:57Y queda na lliteratura asturiana, per una parte, como eso,
- 30:03como la muyer que rescata la lliteratura pixueta pa nós,
- 30:09pero tamién la qu'escribe en pixuetu
- 30:13esos pregones de L'Amuravela que formen,
- 30:17xunto colos pregones de La Regalina de Cadavéu,
- 30:20la manifestación pública n'asturianu a lo llargo de tol Franquismu.
- 30:26-Elvira Bravo véola más nesa tradición
- 30:31de lliteratura de tradición oral, anque nesti casu escrita,
- 30:37que nun hai que despreciar pa nada porque si...
- 30:42si pensamos un poco
- 30:45na escritura de les muyeres, sobre too n'asturianu,
- 30:49al final acaben bebiendo
- 30:52de la lliteratura oral porque nun teníen
- 30:55otros referentes.
- 30:57La poca lliteratura o muncha qu'hubiera
- 31:00yera masculina. Y eso,
- 31:03cuando alguien entama a escribir, busca...
- 31:06Cuando un llector o una llectora busca qué lleer,
- 31:10busca algo onde se reflexe, onde se vea.
- 31:14Y eso nun lo teníen les muyeres.
- 31:17-Elvira Bravo. Doña Elvira Bravo, porque son estes muyeres, eh.
- 31:22Elvira Bravo yá
- 31:24nos garra más p'acá, yá ye d'esi periodu
- 31:28de la dictadura,
- 31:30pero au nun tenemos que velo negativo too.
- 31:33Hubo muyeres como Elvira
- 31:35qu'anque vivieron n'aquella época,
- 31:40echaron andar repertorios.
- 31:44Gracies al trabayu d'Elvira Bravo, de Cuideiru,
- 31:49conocemos güei un bon puñáu de cantares
- 31:55del repertoriu pixuatu.
- 31:58Habrá xente que la critique: "Pero yera del antiguo réxime".
- 32:03Non. Hai que dar valor
- 32:06a tanta xente tocára-y vivir la época que -y tocara vivir.
- 32:10Y hai qu'entender a esa xente nesi contestu.
- 32:13"Ente les sos obres tán dellos escritos
- 32:16sobre dialectoloxía pixueta. En 1946,
- 32:19tres la recuperación de L'Amuravela, un pregón laicu que nun se facía
- 32:24lo menos dende 1902 na villa pixueta,
- 32:27Bravo ayuda yá al primer autor y recitador, Antón de la Colona,
- 32:32que lu fizo en castellán n'aquella primera edición.
- 32:36Dende 1947, yá recuperando l'usu del asturianu na variedá pixueta,
- 32:42Elvira encárgase del testu hasta la so muerte en 1986.
- 32:47Magar que nunca baxaba al puertu nel día de San Pedro
- 32:51pa ver cómo Totó recitaba los sos testos.
- 32:54L'Amuravela, que se celebra cada 29 de xunu,
- 32:58conviértese nel Franquismu n'unu de los escasos exemplos
- 33:01d'actos onde sa fai usu públicu del asturianu".
- 33:06-Elvira Bravo tien unes magnífiques
- 33:09instantánees del añu
- 33:12colos pregones de L'Amuravela.
- 33:15Mui bien contaos.
- 33:18Mui bien versificaos.
- 33:20Con muncha gracia. Muncho aciertu.
- 33:22Pinta mui les situaciones, les persones.
- 33:25Pero pasa lo mesmo, ¿non?
- 33:27Nun ye culpa d'ella.
- 33:30Nin del pixuetu.
- 33:31La culpa ye que la sociedá, acude allí toa Asturies,
- 33:36toma les sos sidres depués y velo como un suceso ocasional
- 33:40-voi a exaxerar un poco-, que se-y permite
- 33:44porque vien dientro del ámbitu de la fiesta.
- 33:48Pero llueu eso nun provoca que se convierta
- 33:52n'un impulsu pa l'actuación d'otres muyeres
- 33:55o d'otres persones o pa la valoración de la lliteratura asturiana.
- 33:59-Hai que resaltar eso, qu'Elvira Bravo foi una muyer
- 34:05que s'atrevió
- 34:06a escribir n'asturianu nesi momentu, nel pixuetu,
- 34:10que ye como l'asturianu occidental, mui asemeyao al que yo falo
- 34:15na mio tierra, na mio llingua materna.
- 34:19Las obras, sobre too L'Amuravela, llega hasta los nuestros díes
- 34:23porque va repitiéndose cada añu de L'Amuravela.
- 34:26Creo que ye una precursora de lo que ye la recuperación
- 34:30y l'afitamientu de la llingua asturiana en Cuideiru.
- 34:34Y con una obra guapa.
- 34:36Lo que s'escribía n'aquel entós.
- 34:39Los mesmos temes, les mesmes coses, de lo cotidiano,
- 34:42les fiestes, les celebraciones.
- 34:45Paezme que tien un valor importante.
- 34:49MÚSICA SUAVE
- 34:53"En 1985 faen a Elvira Bravo Fía Predilecta de Cuideiru.
- 34:59Un añu más tarde muerre.
- 35:01Dexando la recuperación y revitalización de L'Amuravela
- 35:05nel momentu de más altor.
- 35:07Siguiendo depués el so fíu, Totó,
- 35:10como escritor d'esti sermón que llega hasta los nuesos tiempos
- 35:14como unu de los elementos culturales más orixinales y conocíos
- 35:18de Cuideiru.
- 35:20La vida d'Elvira Bravo fálanos del compromisu cola cultura
- 35:24y la llingua asturiana dende la obra d'una autora popular".
- 35:34-Esos casi 40 años nos que ta
- 35:39faciendo los pregones de L'Amuravela
- 35:42la verdá ye que consigue mui bien
- 35:46xuntar lo popular colo culto
- 35:49acercándolo a la sociedá
- 35:52y faciendo que la sociedá s'identifique
- 35:55con esa espresión, con esa manera de dicir popular
- 35:59de la que munches veces ta tan necesitada la cultura asturiana.
- 36:04-Tien gran importancia porque consiguió...
- 36:10Ye por ella pola que se conserven tolos pregones de L'Amuravela.
- 36:15Incluso pola que se conserva'l pixuetu.
- 36:18Sin ella nun se daría esi casu.
- 36:24RECITA EN PIXUATU
- 37:13Cómo presta venir a L.luarca.
- 37:16El conceyu de Valdés tien escritores a esgaya.
- 37:20D'ente elles, dalgunes de les muyeres más importantes
- 37:24na hestoria de la lliteratura asturiana.
- 37:27La figura de Nené Losada Rico rescampla non sólo en Valdés,
- 37:31sinón en tol Occidente d'Asturies.
- 37:34"Con Balbín, Canellada y Bravo percorrimos la xeografía d'Asturies
- 37:38y conocimos a muyeres de gran sonadía,
- 37:41pero nun fueron les úniques.
- 37:43Nestos años de posguerra un importante grupu de muyeres
- 37:46escribió, y paga la pena parase a conoceles un poquiyín más.
- 37:50Son muyeres como la valdesana Nené Losada.
- 37:53La lleonesa Eva González.
- 37:55O la exiliada en Francia y dempués en Méxicu
- 37:58Ángeles López Cuesta.
- 38:00Muyeres que tovía anguaño siguen resonando na lliteratura asturiana".
- 38:04-Los problemes que suel tener la muyer na vida social
- 38:09vense acentuaos nel Franquismu.
- 38:13Depués d'esi periodu de normalización
- 38:18que ye la República, el Franquismu supón un pasu atrás
- 38:24pa la sociedá en xeneral, pero n'especial pa la muyer,
- 38:30que queda relegada
- 38:32a les tarees doméstiques
- 38:36y relegada tamién, supeditada al home.
- 38:41Nesi sentíu, nun ye mui distinto
- 38:44lo que vamos alcontrar na lliteratura asturiana,
- 38:48onde hai poques muyeres escribiendo
- 38:53y onde seguramente
- 38:57les poques qu'hai, les poques que conocemos
- 39:01son muyeres escepcionales.
- 39:04Florina Elías, por exemplu.
- 39:06Elvira Castañón, Nené Losada Rico.
- 39:10Consiguieron, nadando a contracorriente,
- 39:14facese un sitiu d'honor na lliteratura asturiana.
- 39:18Nesi sentíu, creo que -yos debemos reconocencia.
- 39:23-Estes autores, especialmente Nené Losasa,
- 39:26que pue interesar un poco más, tienen un papel,
- 39:29que ye'l mantenimientu de la llingua lliteraria anque seya mui típica,
- 39:32recoyendo muncho los tópios rexonalistes y demás.
- 39:36Tienen esi interés, que ye que son voces de muyer
- 39:39que recueyen muncho les fórmules de la oralidá,
- 39:41incluso los tópicos de personaxes y demás,
- 39:44que n'un momentu dáu pueden valinos o bien pa ver cómo s'articulaba
- 39:48esa sociedá o pa subvertilos, que ye daqué que se fai
- 39:51muncho na lliteratura femenina contemporánea: garrar un tópicu,
- 39:54un modelu de muyer, y subvertilu. O reinterpretalu,
- 39:57que tamién da frutos mui positivos. Sin falta de da-y la vuelta,
- 40:01lleelu d'otra manera, colo que se llama la llectura resistente
- 40:04de les muyeres.
- 40:06-Nené Losada, la escritora de Valdés,
- 40:09ye un casu curiosu dientro de la lliteratura asturiana.
- 40:13Empieza a escribir na posguerra.
- 40:17Normalmente, como yera d'esperar.
- 40:20Siempre s'escribe como hai tradición d'escribir.
- 40:24Y los sos primeros poemes, "Los cantares valdesanos",
- 40:30formen parte d'esa tradición
- 40:33mui rellacionada colo popular, cola poesía
- 40:38de tradición oral.
- 40:40O poemes como "El dengue de la abuela"
- 40:44formen parte d'esa tradición popular.
- 40:48Pero nos años 80
- 40:52ella conoz la nueva lliteratura que se ta escribiendo,
- 40:57lo que toi escribiendo yo, lo qu'escribe Sabela Fernández,
- 41:02la poesía de Taresa Lorences un poco depués.
- 41:06Y la verdá ye qu'entiende
- 41:10qu'hai otra manera d'escribir n'asturianu
- 41:13y empieza a escribir una obra mui distinta
- 41:17d'esa tradición popular que se conocía d'enantes.
- 41:23"Entre apigarzos" ye
- 41:27el primer llibru d'esa nueva manera d'escribir de Nené Losada Rico.
- 41:31-Recuerdo'l casu de Nené.
- 41:34Nené escribió
- 41:36lo que -y salía del corazón ya del alma n'unos años
- 41:41de dictadura, onde la muyer yera l'apendiz del home.
- 41:45Dába-y vergüenza porque yera muyer y porque taba en llingua asturiana.
- 41:51Diba guardando. Diba guardando. Hasta que
- 41:55vio'l cielu gracies a estes muyeres xóvenes
- 42:00que -y abrieron el caxón onde guardaba
- 42:04esa poesía tan bona qu'ella facía
- 42:07y que nun s'atrevía a mostrar al públicu polos dos motivos.
- 42:11Porque taba n'asturianu. Nun taba bien visto n'aquella dómina.
- 42:15Y porque yera muyer. Y tampoco taba bien visto que les muyeres
- 42:19escribieren como que pintaren
- 42:21o como que participaren na vida social.
- 42:25-Empieza a escribir mui pronto, pero depués enllaza
- 42:29colo que ye la reivindicación y con tolo demás.
- 42:32Anque posiblemente tampoco ye que fueren reivindicatives
- 42:37al nivel que lo pudimos ser los de Conceyu Bable,
- 42:40pero sí que supieron entender el procesu y apoyalu.
- 42:45-Un exemplu de lliteratura
- 42:48de muyeres n'asturianu occidental tenémoslo
- 42:52n'autora valdesana Nené Losada. Creo que ye un exemplu lliterariu.
- 42:57Onde s'axunten la calidá,
- 43:00l'humanismu, la tenrura.
- 43:03Y depués, el saber utilizar los ritmos de la llingua.
- 43:06Siempre digo -nun sé si ye un poco de xovinismo-,
- 43:10que l'asturianu occidental tien una sonoridá especial.
- 43:13Creo que Nené Losada sabía sacalo
- 43:16y, por tanto, ye un puntu de referencia pa toos nosotros.
- 43:20-Ye de los pocos exemplos
- 43:22que tenemos na lliteratura asturiana de cómo una escritora tradicional,
- 43:27una escritora qu'escribe según esa escritura...
- 43:34que conocemos de...
- 43:36de los sieglos anteriores, de posguerra,
- 43:39conecta de manera vivísima col Surdimientu
- 43:43y da un xiru completu a la so manera d'escribir.
- 43:47-De Nené Losada tengo que falar con muncho cariño,
- 43:51porque ye valdesana como yo.
- 43:54Compartimos munches velaes
- 43:57xuntes de poesía, de tertulia,
- 44:00de falar de coses.
- 44:02Yera una muyer mui cariñosa.
- 44:07Cuando ella recitaba, que recitaba tan bien,
- 44:10creo que nos tresmitía la llingua. Y tresmitíanos les ganes de facer.
- 44:16Tenemos que agradecé-y a Nené
- 44:18too eso que nos dexó. Esa herencia tan guapa de los versos.
- 44:24Yera una muyer mui enfotada no que ye la lliteratura asturiana.
- 44:30Seguro que me ta oyendo.
- 44:32-Yo traté a Nené.
- 44:34La conocí. Non por ser de L.luarca,
- 44:37sinón porque pertenecíemos a una asociación.
- 44:40Munches tardes pasé na so casa.
- 44:45Gran anfitriona.
- 44:48Recibí munchos conseyos d'ella. Aprendí muncho d'ella.
- 44:52Anque xeneracionalmente nun yéramos
- 44:56de la mesma época,
- 44:59yera como mio güela.
- 45:01Como la güela que te da conseyos. Como la güela que quier
- 45:05que sigas...
- 45:09Que sigas cola llabor qu'ella entamó ensin sabelo, ensin pretendelo.
- 45:14Ensin saber lo que taba faciendo. Abriendo un camino a la xente xoven.
- 45:19Inculcándonos l'amor
- 45:22pola nuesa cultura y pola nuesa llingua.
- 45:25Yo -y toi mui agradecía non sólo nel planu
- 45:30de les lletres, sinón como persona,
- 45:33como ser humanu, como la güela.
- 45:36-De les clásiques, el mayor referente ye Nené Losada Rico.
- 45:41Tuvi'l placer amás de compartir con ella
- 45:44espaciu, una comida.
- 45:46Y vela non sólo recitar, sinón actuar como escritora.
- 45:51Dexóme impresionada.
- 45:53Pa mi foi una de les mayores esperiencies que tuvi
- 45:57como conceyala de Muyer: conocer a esa muyer.
- 46:00Y vela una hora y media firmar llibros
- 46:04con una dignidá y una atención a les llectores que...
- 46:08Dexóme impresionada.
- 46:09Siempre voi con un llibru de Nené nel bolsu.
- 46:12-Eva González nació en Palacios del Sil, en Lleón.
- 46:16Cuando yá yera madura, entamó a escribir
- 46:19na so llingua, la que siempre sintió.
- 46:24Los temes qu'escoyía yeren temes tradicionales.
- 46:30Pero col pasu del tiempu, vémoslo nos últimos poemes d'ella,
- 46:35yá yera una poesía más del Yo.
- 46:39Una poesía interior. Y tamién
- 46:42vémoslo nel resto de la obra lliteraria, que ye mui estensa.
- 46:45Tanto en cuantes a cuentos, l'autobiografía incluso,
- 46:48porque ella abarcó munchos temes. Incluso conservo una...
- 46:53un númberu importante de cartes, de correspondencia de gran interés.
- 46:56Col tiempu ella diba desprendiéndose d'esa
- 47:00tradición folclórica y diba afondando más na creatividá personal.
- 47:06Eva dexónos una obra mui estensa. Ta too yá espublizáu, menos
- 47:10la correspondencia.
- 47:12Son más de 50 cartes que conservo. Que tienen una gran frescura.
- 47:17Tanto na correspondencia como n'autobiografía, que salió
- 47:21va un añu, cuando se cumplíen los cien años de la so nacencia,
- 47:25como los cuentos que tovía tán inéditos,
- 47:28ehí vemos una autora onde...
- 47:31s'axunten los rasgos propios de la lliteratura de muyeres,
- 47:35una muyer que nun pudo estudiar porque los pas
- 47:37namás estudiaben a los fíos d'aquella.
- 47:40Pero que col so esfuerzu personal
- 47:42y el so conocimientu que tenía de la tradición
- 47:45foi construyendo una auténticu universu lliterariu
- 47:48que creo que nos val en munchos sentíos.
- 47:51Valnos como testimoniu llingüísticu,
- 47:55como testimoniu cultural y tamién como
- 47:58exemplu de creatividá lliteraria
- 48:01nun contestu mui determináu de llingua minorizada
- 48:04y d'ambiente popular y rural.
- 48:07-El casu d'Ángeles López Cuesta, yá posterior,
- 48:11nieta de Teodoro Cuesta, qu'escribe nos años
- 48:16de la posguerra española,
- 48:19creo que ye un exemplu singular.
- 48:22Singular porque nun tenemos edición hasta que Antón García
- 48:27saca eses "Cartes a la catedral d'Uviéu" nel añu 1995.
- 48:34Tenemos esos testos ehí que tienen una calidá mui notable.
- 48:39Sobre too, tenemos a una autora
- 48:43que m'interesa muncho porque podemos valorala, podemos estudiala
- 48:48dende varios puntos de vista.
- 48:51Ún d'ellos ye'l de la cuestión de xéneru.
- 48:54El tema la maternidá ta presente.
- 48:57Otru ye'l de la cuestión de la lliteratura asturiana,
- 49:00l'estatutu de la lliteratura asturiana,
- 49:02por qué esos poemes nun apaecen enantes.
- 49:05Y otru -y equí nun se profundizó nada-,
- 49:08ye la cuestión de les redes del exiliu.
- 49:10Cómo Ángeles López Cuesta escribe dende fuera d'Asturies.
- 49:14Escribe como exiliada. Y cómo eses obres...
- 49:19tán a l'altura o van rellacionase
- 49:23coles qu'escriben otros exiliaos españoles n'otres llingües.
- 49:27Puen ser les llingües propies,
- 49:30les de la Península Ibérica o puen ser
- 49:34les llingües d'acoyida, como pasa en Francia,
- 49:37que munchos y munches pasen al francés.
- 49:42-Ángeles López Cuesta
- 49:45ye una muyer secreta
- 49:47que prácticamente nunca publicó nengún poema.
- 49:51Y que llega a nós -creo que parcialmente-,
- 49:55gracies a los manuscritos que la familia punxo
- 49:59a la nuesa disposición, pero creo que queda obra inédita d'ella
- 50:04por atopar.
- 50:05Ye una muyer
- 50:08que tien nel sangre la tradición lliteraria.
- 50:11Nieta del gran Teodoro Cuesta.
- 50:14Ella llévalo siempre a gala, esi parentescu,
- 50:17esa tradición familiar.
- 50:19Y a lo llargo de la so vida,
- 50:22que sepamos nesti momentu, a lo llargo de 40 años,
- 50:26ella mantién un compromisu
- 50:28cola lliteratura asturiana onde quiera que ta.
- 50:31Escribe n'asturianu n'Asturies. Escribe n'asturianu
- 50:35en Francia, cuando se tien qu'exiliar por mor de la guerra civil.
- 50:39Y escribe n'asturianu tamién en Méxicu
- 50:43y en Washington nos sitios onde tuvo
- 50:46a consecuencia d'esi exiliu.
- 50:50Creo que ye una obra mui interesante. En dalgunos casos
- 50:55pue ponese en rellación con esa lliteratura neopopular
- 51:00que conocemos bien gracies al trabayu
- 51:03n'español de García Lorca o del primer Alberti.
- 51:08Ye una autora qu'emparienta mui bien
- 51:12con "Romancero gitano" de Lorca, con esi tipu de llibros.
- 51:17Y depués va creando una obra
- 51:21que ye...
- 51:23prácticamente'l rellatu de la so vida,
- 51:26de los acontecimientos principales: la vida nel exiliu,
- 51:32bodes familiares. Pero siempre con esi
- 51:35compromisu cola llingua asturiana,
- 51:39que llega hasta los años 70,
- 51:42cuando yá ye una muyer mui mayor,
- 51:45pero que sigue reverdeciendo
- 51:49siempre que conoz que dende Asturies se pon en marcha dalguna cosa
- 51:54a favor del asturianu, de la so lliteratura,
- 51:57de la so llingua.
- 51:59-Ángeles López Cuesta... Ocurre lo mesmo
- 52:02que con otres autores anteriores, otres escritores anteriores.
- 52:07Tien una lliteratura mui interesante.
- 52:10Ye un poemariu, fundamentalmente.
- 52:15Que va escribiendo amás a lo llargo de muncho tiempu,
- 52:20pero otra vegada ocurre como con tanta lliteratura d'esa época,
- 52:25que se queda nel planu familiar, íntimu.
- 52:28Tolo más, nel planu ocasional de dalguna publicación.
- 52:32-El modelu d'Ángeles López Cuesta paezme
- 52:36triplemente interesante,
- 52:38porque abri esi espaciu
- 52:40pa los estudios culturales, los estudios de xéneru.
- 52:44Y ábrenos un camín que ta tovía totalmente ensin esplorar del too.
- 52:47-Préstame nombrar a Elvira Castañón, que yá ye otru estilu, otra manera,
- 52:52pero mantuvieron tamién esa llamina
- 52:56nos años del Franquismu y hasta los 70.
- 53:01Quiero face-yos una reconocencia porque de dalguna manera
- 53:05mantuvieron encesa esa velina.
- 53:08Escribiendo como...
- 53:10tal, pero con un conocimientu llingüísticu importante que teníen.
- 53:15O esta otra... Florina Elías.
- 53:17Tamién que nombrar a Eva González.
- 53:22De Palacios del Sil.
- 53:24Creo que ye estraordinaria porque n'ella axúntense lo que ye
- 53:28la cultura popular y un montón más de coses.
- 53:33Eva supo escribir unos poemes
- 53:36estraordinarios, de lo más cenciello a otros
- 53:40d'otru nivel.
- 53:41Eva tien que tener esa reconocencia.
- 53:45-Ye mui prestoso pensar
- 53:48na xenealoxía familiar de Sofía Castañón,
- 53:52qu'empieza cola güela, Elvira Castañón,
- 53:55mierense, poeta n'asturianu,
- 53:57reconocida nel so momentu,
- 54:00que tien una fía tamién escritora que ye Laura Castañón.
- 54:04Y que como pasa nel resto los asturianos, la fía renuncia
- 54:07al usu de la llingua asturiana
- 54:10porque supongo -habría que preguntá-y-, que
- 54:12por un tema de diglosia, de que se-y enseñe que l'asturianu
- 54:16nun ye una llingua de cultura. O por falta
- 54:19de ferramientes pa escribir n'ello cuando tovía nun ta normalizáu.
- 54:23Y depués apaez Sofía, la nieta,
- 54:26y recupera la escritura n'asturianu.
- 54:29Esti día, lleendo la última novela de Laura Castañón,
- 54:33dime cuenta que ye una novela
- 54:37llena d'asturianismos,
- 54:40con paráfrasis y con enunciaos n'estilu directu
- 54:45onde mete frases enteres n'asturianu, que da la sensación
- 54:49de qu'esa xeneración que renunciara al asturianu
- 54:52ta reconciliándose cola llingua.
- 54:54-Sí. Ye curioso...
- 54:57nesa tensión de llingües.
- 55:00Ye curioso cómo, si miro la mio xenealoxía lliteraria,
- 55:03muyeres na mio familia qu'escriben o qu'escribieron,
- 55:10ta'l referente d'Elvira Castañón escribiendo n'asturianu
- 55:14a la so valiente manera.
- 55:18Tengo'l referente lliterariu narrativu de Laura Castañón,
- 55:24qu'escribe en castellán.
- 55:27Y yo, que nun lo concibo como que tea faciendo
- 55:31una fusión de dambes influencies
- 55:35familiares, sinón más bien que toi reflexando
- 55:41la mio esperiencia nel mundu y nel tiempu nel que vivo.
- 55:46Nel que me siento bastante a gustu
- 55:50con esa tensión billingüe
- 55:55y con esa pulsión.
- 55:59Sí que...
- 56:00nun se me pasa pola cabeza
- 56:03que mio madre pueda ponese a escribir n'asturianu,
- 56:07pero ye verdá que sí que veo prestoso
- 56:10los momentos nos que los sos personaxes falen
- 56:14l'asturianu qu'ella conoció y que ye un asturianu mui paecío,
- 56:18y esto tien tol sentíu del mundu por una cuestión xeográfica,
- 56:22del Centru d'Asturies hacia'l Sur.
- 56:29Los sos personaxes falen mui paecío al asturianu
- 56:33de los poemes de mio tía Elvira.
- 56:36-Na mio mesma familia pueo comprobar
- 56:40cómo ye, cómo foi y cómo será
- 56:43la continuidá de la creación lliteraria.
- 56:46Mio ma fizo una lliteratura mui valoratible,
- 56:49con unos rasgos determinaos.
- 56:51La mio fía, Irma González-Quevedo Pedralles, escribe...
- 56:56En munchos casos tien fecho coses
- 56:58n'asturianu occidental, siguiendo la pauta de la buela,
- 57:02pero yá son otres les perspectives -mui interesantes-,
- 57:06otres les referencies.
- 57:08Siempre hai'l mesmu amor a la llingua, el mesmu interés
- 57:12por afondar nestes cuestiones del espíritu qu'hai
- 57:16dientro de la nuesa cultura,
- 57:18pero son perspectives diferentes. Irma nació n'Uviéu.
- 57:21Ye más urbana. Tien otru tipu de connotaciones.
- 57:26Lo interesante ye que cambien les xeneraciones,
- 57:29el tiempu, les referencies,
- 57:31pero la llingua ye la que da continuidá a la mesma lliteratura.
- 57:34-Florina Elías ye una poeta
- 57:38qu'escribe n'español y n'asturianu.
- 57:42Ye una sonetista estraordinaria.
- 57:47Que tien una obra más curtia n'asturianu.
- 57:52Y más curtia de lo que yo creo que merecía porque...
- 57:57ye una autora esencial dientro de les nueses lletres
- 58:02por esa carga intelectual que tien.
- 58:07Ella ye amiga d'un escritor
- 58:10tan conocido como Agustín de Foxa
- 58:14y comparte con él munchos de los presupuestos
- 58:18qu'esa xeneración de poetes de posguerra
- 58:22españoles teníen.
- 58:24Nótase sobre too na parte de la lliteratura
- 58:27que fai en castellán.
- 58:29La so vinculación con Asturies y cola lliteratura asturiana ye
- 58:35mui importante. Sabemos que participa
- 58:39con Antón García Oliveros na redacción
- 58:43del so "Diccionario Bable de la Rima".
- 58:46Ye la persona que trabaya con Oliveros na redacción.
- 58:50Y a lo llargo de tola posguerra, esos sonetos que va publicando
- 58:57o les traducciones que fai yá nos años 70
- 59:00de Juan Ramón Jiménez al asturianu, "Platero y yo", por exemplu,
- 59:05son un claru exemplu de superación
- 59:08d'esa diglosia na que se movía en munches ocasiones
- 59:13la lliteratura asturiana de posguerra.
- 59:15Creo que ye una muyer qu'amerita una mayor atención crítica
- 59:20y recuperar la so obra pa la lliteratura asturiana.
- 59:25-Sí. Florina Elías yera
- 59:29una persona
- 59:32un poco curiosa na so proyeición social.
- 59:39Agora bien, el so paisanu ye tamién escritor n'asturianu.
- 59:44Y muévense dientro d'eso que va ser depués los Amigos del Bable.
- 59:50Hai un momentu nos años
- 59:5360 y llargos,
- 59:55camín de los 70,
- 59:58qu'un grupu de ciudadanos asturianos,
- 1:00:02dalgún de los cuales fai una cosa tan guapa como la mina La Camocha,
- 1:00:06muévense...
- 1:00:09dientro de... Tien que ver col Pueblu d'Asturies tamién,
- 1:00:13qu'hai munchos aconceyaos en torno a ello.
- 1:00:16Muévense siguiendo les pautes de la poesía asturiana,
- 1:00:19de la lliteratura fundamentalmente oral.
- 1:00:22¡Perdón! Fundamentalmente, en versu.
- 1:00:25Tradicional.
- 1:00:27Esa xente conocíla yo. A casi toos.
- 1:00:32Personalmente. Digo "conflictivamente".
- 1:00:36Non no personal, sinón en cuanto que llegamos depués
- 1:00:40cola perspeutiva nueva del Surdimientu.
- 1:00:43Ellos permanecíen aferraos al pasáu. Nun acababen de ver
- 1:00:47que la lliteratura tenía que convertise n'otra cosa,
- 1:00:50como faen les escritores contemporánees.
- 1:00:53Nuna lliteratura universal, por decilo asina.
- 1:00:55-Al final acabamos viendo cómo les muyeres
- 1:00:58apaecen mui poques,
- 1:01:00pero tienen una gran importancia.
- 1:01:04MÚSICA SUAVE
- 1:01:09Nesta casa ñació José Caveda y Nava.
- 1:01:12Autor de la primera Antoloxía de la Lliteratura Asturiana.
- 1:01:16N'ella había yá una muyer, Xosefa Xovellanos.
- 1:01:20Y nel sieglu XX vimos cómo esta presencia va medrando
- 1:01:24pasu ente pasu.
- 1:01:25"Magar les dificultaes pa la muyer, nel Franquismu apaecen
- 1:01:28autores relevantes.
- 1:01:30Pero'l viaxe que vien agora va ser revolucionariu.
- 1:01:34Nel próximu episodiu
- 1:01:35voi siguir viaxe pa conocer a les autores que güei escriben
- 1:01:39y que nos 40 años caveros supieron revolucionar
- 1:01:42el panorama lliterariu d'Asturies con una gran calidá
- 1:01:45y una presencia pública cada vegada más firme.
- 1:01:48Sigo na carretera. Vémonos mui pronto".
Nel capítulu d’Elles, muyeres na lliteratura asturiana, Sonia Avellaneda percuerre’l sieglu XX, hasta l’apaición del Surdimientu y el cambiu de paradigma que supón nos años setenta.
Apto para
SC
Subtítulos
Pulse el botón
Sí
para visualizarlos
Mi calificación
Comparte
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL