Un argayu obliga a cortar l'AP-66 ente Asturies y Lleón

La delegada del Gobiernu diz que "en principiu" nun hai coches atrapaos sol argayu

La Guardia Civil acabó los llabores d'evacuación de los 161 vehículos que tuvieron bloquiaos, en sen Lleón, más de dos hores pola mor del argayu de tierra de grandes dimensiones qu'obligó a cortar totalmente l’AP-66, la principal vía de comunicación ente Asturies y La Meseta.

Según informó l'Institutu Armáu, hasta les 12:30, tuvieron bloquiaos na parte asturiana de la citada vía un total de 145 turismos, 14 camiones y dos autobuses con pasaxeros que yá fueron evacuaos.

La Guardia Civil nun ve probable qu'atrapara nengún vehículu sol argayu, anque pa refugalo dafechu movióse a la zona un perru de busca de persones desapaecíes en grandes árees.