El puertu Payares, cerráu a camiones y autobuses

Obligatoriu l'usu de cadenes pal restu de los vehículos que circulen pela N-630

La Delegación del Gobiernu n'Asturies comunicó esti martes que, por cuenta de la nieve cayío nes últimes hores, el puertu Payares (N-630) ta en nivel coloráu, que torga transitar a articulaos, camiones y autobuses y obliga al restu de vehículos a usar cadenes o neumáticos d'iviernu y circular a 30 kilómetru per hora.

Estes restricciones al tráficu taba previsto que fueren implementaes dende'l momentu en qu'empezara a nevar, de manera que los vehículos pesaos nun podríen transitar per esta vía d'altu monte mientres que los llixeros tendríen que llevar de manera obligatoria neumáticos d'iviernu o cadenes.

Asina lo decidió'l centru de coordinación tres activase en fase d'alerta'l plan de viabilidá iverniza pal Puertu de Payares, que se convirtió na principal conexón ente Asturies y la Meseta tres el corte total de l’AP-66 dende'l pasáu domingu por causa d’un argayu de tierra y roca de grandes dimensiones.

L'autopista rexistra'l pasu diariu de más de 6.000 vehículos llixeros y hasta 1.500 pesaos, un tráficu qu'agora se vio deriváu hacia la N-630.