El Güerna tendría que tar abiertu en 10 díes o menos si s'axilicen tolos procesos, según García-Arango

L'ex-xefe de la Demarcación de Carreteres d'Asturies asegura que'l pasu sedrá seguru y que tendría qu'invertise más en mantenimientu

El pasu per El Güerna tendría que tar abiertu en 10 díes o menos si s’axilicen tolos procesos. Ye la opinión d’Ignacio García-Arango, inxenieru y ex-xefe de la Demarcación de Carreteres d’Asturies qu’amiesta que’l pasu sedrá seguru y que se tien qu’invertir más en mantenimientu.

Ye un tarrén complicáu, con pizarra y arena entemecío, xunío al agua fai d’esa zona una suerte de milfueyes que pue acabar moviéndose. Ignacio García-Arango recuerda que ye una zona controlada. Agora toca abrir el pasu, con esi bypass, la seguridá ye total y los plazos nun s’atreve a dicilo Ignacio García-Arango, inxenieru y ex-xefe de la Demarcación de Carreteres d’Asturies.

Señala García-Arango la importancia del mantenimientu, pa evitar, por exemplu, que l’agua llegue a les lladeres y puea desgastales. Pa mantenimientu tendría que dedicase un 2% del presupuestu.

Nesti sen plantea abrir el debate sobre una reforma de l’autopista d’El Güerna, con túneles y viaductos que la alloñen de la lladera, calcular si compensa más esa reforma o siguir gastando na llucha escontra los argayos.