Too preparao p'asfaltar les dos carriles que dexarán reabrir El Güerna

Tresportes supervisa unos trabayos que fai la concesionaria Aucalsa

Na Autopista d’El Güerna ta yá too preparao p’asfaltar el bypass, el pasu temporal que dexará salvar l’argayu. Entamóse col espardimientu d’una capa de piedra triturao pa estabilizar el tarrén pa dar pasu llueu a les amiestos bituminosos.

Los trabayos avancen a bon ritmu anque enagora’l ministeriu nun afita plazos pa l’apertura del bypass. Ye Tresportes el que supervisa unos trabayos que fai la concesionaria, Aucalsa. Les carriles tarán separtaes per una barrera de formigón y sedrán más anches que davezu, unos 4 metros caúna, pa dexar el pasu de les máquines quitañeve.