Afitáu pola plantiya de Saint-Gobain l'alcuerdu pal ERE de Sekurit n'Avilés

Saint-Gobain ufierta la posibilidá de recolocación del 100% de los afectaos y prexubilaciones anticipaes

La plantiya de la fábrica avilesina de Saint-Gobain afitó l’alcuerdu algamáu ente la dirección y el Comité d’Empresa pal ERE venceyáu al cese de l’actividá de la llinia de fabricación de parabrises (Sekurit), que cunta con 150 trabayadores.

La robla del alcuerdu foi esta madrugada, siendo güei’l día nel que remataba’l periodu oficial de consultes, entamáu’l 24 d’abril pasáu.

L’acuerdu llega dempués de que la dirección de la compañía y los representantes de los trabayadores celebraren once xuntes, amás d’otros cinco alcuentros informales enantes del periodu de consultes.