Apertura oficial del cursu na Universidá d’Uviéu

Barbón comprométese a asegurar la estabilidá financiera de la institución académica

La Universidá d’Uviéu abrió güei de forma oficial el cursu centrada en siguir trabayando en nueves titulaciones y n’acabar cola precariedá de la institución.

El rector de la Universidá d’Uviéu, Santiago García Granda, confió en que’l Gobiernu asturianu aporte mayor financiación a la institución académica porque tien "munches prioridaes que cubrir" y nun ta "na meyor situación de les posibles".

Per parte de so, el presidente del Principáu, Adrián Barbón, prometió a la Universidá d’Uviéu una collaboración "continua y lleal" y garantizó que’l nuevu Gobiernu asegurará la so "estabilidá financiera".