Barbón saca alantre'l primer presupuestu de la llexislatura ampliando los sos sofitos

CCOO pide aprovechar los presupuestos pa impulsar el cambéu de modelu granible

El Gobiernu de coalición ente PSOE y IX sacó alantre esti vienres el so primer presupuestu de la llexislatura amestando a los sos ventidós diputaos el sofitu de los dos de Podemos y Foro de manera que namás PP y Vox refugaron nel parlamentu asturianu unes cuentes que xuben a 6.348 millones, un 6,3% más que les d'anguaño.

El presupuestu salió alantre dempués de que'l plenu de la Cámara autonómica refugara la pasada selmana les enmiendes de totalidá del PP y Vox y que güei fixera lo propio coles 168 parciales acutaes polos populares, que queríen movilizar 55 millones de la cifra total pa "solliviar la inercia" del mesmu "mal" presupuestu que'l PSOE vien aprobando p'Asturies va años.

Trátase, según el diputáu popular Luis Venta, d'unes cuentes ellaboraes a partir d'una "farsa". El so conteníu taba primeramente "negociáu" con "ayudantes" qu'incluyen dalgún tránsfuga, afirmó n'alusión a Covadonga Tomé, a la que la dirección de Podemos pidió espulsar.