El Gobiernu pide cesiones p'acabar cola fuelga nes ITV y amarrar el modelu públicu

El Principáu llicitará'l seguru de responsabilidá nos mesmos términos qu'en 2022

El gobiernu asturianu aseguró güei que ta abiertu al diálogu p’acabar cola fuelga que dende payares viven les estaciones de la Inspección Técnica de Vehículos, anque pidió que se dexen atrás les posiciones de máximos p’algamar una solución que dexe caltener l’actual modelu, basáu nuna empresa cien por cien pública.

Según el portavoz del Gobiernu asturianu, Guillemo Peláez, tanto la xerencia d’Itvasa, la empresa del Principáu que da’l serviciu, como l’Executivu autonómicu "tán abiertos siempres al diálogu colos trabayadores pa poner fin al conflictu".

"Pela nuestra parte, la voluntá de diálogu ye total", señaló’l portavoz y conseyeru de Facienda, qu’insistió en que poner fin a esti conflictu, que ta xenerando grandes perxuicios a los ciudadanos poles esperes a les que se ven sometíos pa poder pasar la ITV, ye una "prioridá total pal Gobiernu, lo que lu obliga a tener alternatives".