El PP acusa al PSOE d'usar el zarru de Sekurit como ferramienta electoral

Llamazares pide "una política industrial qu'evite más drames nel futuru"

La vocera municipal del PP d'Avilés, Esther Llamazares, declaró esti llunes que'l PSOE usó como ferramienta electoral el zarru de la división de Sekurit de la fábrica de Saint-Gobain “y engañó a los trabayadores ensin intentar solucionar el problema”.

La tamién diputada pidió nuna rueda de prensa a los gobiernos local y autonómicu “una política industrial qu'evite más drames nel futuru”.

Llamazares afeó que'l ministru d'Industria, Jordi Hereu, anunciara una xunta cola empresa que nunca se dio, y al eurodiputáu socialista Jonás Fernández qu'apurriera una carta al Parlamentu Européu pa la que nun pidió sofitu de más eurodiputaos.