El Principáu rebaxa'l nivel del protocolu escontra la contaminación

Uviéu y Llangréu tán en nivel preventivu, a pesar de la meyora de la calidá del aire

El Principáu constata un ameyoramientu na calidá del aire na zona central. N'Uviéu caltiénse activáu'l protocolu por contaminación anque esti baxó de nivel 1 a nivel 0.

L'otru puntu d'esmolición ye Llangréu onde se caltién el nivel 0.

La cantidá de particules PM 2,5 y PM 10 en suspensión menguaron a esgaya nos dos últimos díes y espérase que se caltenga esa llinia por cuenta de la predicción de lluvies fecha por Aemet.

En Xixón, el Conceyu reclama la intervención del Principáu y que s'active'l protocolu de contaminación, dempués de superar la llende de particules PM 10 ocho díes consecutivos.