El Principáu y l'Ayuntamientu d'Avilés piden a Saint-Gobain un plan industrial

Isaac Pola apuesta por productos de mayor valor amestáu pa la fábrica d'Avilés

El viceconseyeru d’Industria y Transición Xusta, Isaac Pola, pidió esti martes un plan industrial pa la fábrica de Saint-Gobain n’Avilés, que vaya más allá de los dos años de vida útil que tien l’actual fornu de les instalaciones de Glass.

Pola pidió respetu al espaciu de diálogu afitáu ente la empresa y los sindicatos “onde tán surdiendo propuestes interesantes na llinia que manifestó’l Principáu”.

“Entendemos que, independientemente de la situación puntual qu’enagora puea plantease, lo que daveres cunta ye l’habilitación d’un plan industrial pa la planta d’Avilés que tenga un horizonte más allá d’un par d’años que ye la vida útil del actual fornu”.