El TCXA anula la declaración del presuntu intermediariu del asesinatu d'Ardines

La nulidá nun afecta a les dilixencies a les que contribuyeron los datos apurríos por Muguruza

El Tribunal Cimeru de Xusticia d’Asturies (TSJA) anuló la declaración en sede policial de Jesús M., presuntu intermediariu nel crime del conceyal d’IX en Llanes Javier Ardines, al considerar que se conculcó’l so derechu de defensa.

L’altu tribunal asturianu estimó parcialmente los recursos presentaos a un autu de l’Audiencia Provincial que denegaba la nulidá de les escuches.

El TCXA ve "evidente" que la declaración prestada’l 10 d’avientu de 2018 en calidá de testigu, cuando yá taba siendo investigáu, resulta "a toes lluces contraria a los derechos qu’asisten al investigáu", de forma que "los axentes de la Guardia Civil pertenecientes a la UCO procedieron de tal forma que conculcaron manifiestamente’l derechu fundamental de defensa".