El Xovellanos axunta a más de 250.000 persones y supera los 200 espectáculos añales

La so comunión cola sociedá xixonesaafitóse colos años, dende la so creación en 1899

Corría l’añu 1899 cuando en Xixón nazun nuevu teatru. Nomóse Dindurra en reconocencia a Manuel Sánchez Dindurra, l’empresariu que corrió colos gastos de laso construcción.

Nun sedrá hasta dempués de la Guerra Civil, cuando ye reconstruyíu dempués desufrir un bombardéu, qu’adopta’l so nome definitivu: Teatro Xovellanos.

Pa entós yá yera llugar obligáu pa los qu’esfrutaben de los conciertos, de les representaciones teatrales, y les siempresobligaos alderiques darréu.

Dende la década de los 60, y sobremanera nos 70, el teatru entra en declive. En 1987 zarra les sos puertes.

Ye entós cuando entra al rescate l’Ayuntamientu de Xixón. El consistoriu faise cola titularidá del teatru.

Finalmente, reabre en 1995 con un recital del tenor Alfredo Kraus. Dempués d’un segundu remocique en 1999, elXovellanos conviértese nun teatrumodernu capaz d’albergar espectáculos de gran formatu.

Cada añu pasen pel teatru xixonés más de 250.000 persones pa esfrutar de más de 200 espectáculos. Convertíu en llar del teatru y de la música, la so comunión cola sociedá xixonesa afitóse col pasu los años.

El Xovellanos alberga, dende les gales de Festival de Cine xixonés, FICX, hasta’l mui renomáu Concursu de Charangues, que se celebra cola llegada del Antroxu.

Los que como’l programador Toño Criado vivieron en primera persona estes últimes décades d’esplendor del teatru, tuvieron la posibilidá d’esperimentar abondos momentos d’emoción nes tables del Xovellanos. Sicasí, nenguna tan intensa como les vinientes del patiu de butaques.

Aplausos que siguirán resonando munchos años más nes paredes d’estitemplu de la cultura xixonesa.