La nieve torga la circulación per El Güerna y per Payares

Asetra llamenta los "serios" daños causaos pol temporal al sector

El temporal de nieve dexó la pasada nueche na autopista AP-66, principal vía de comunicación ente Asturies y Lleón, la mayor acumuladura de nieve de los postreros 10 años, según informó la concesionaria de la infraestructura, Aucalsa.

El presidente d'Asetra, Ovidio de la Roza, afirmó esti vienres que'l temporal de nieve xeneró problemes “serios” pal sector, porque un camión paráu 24 hores xenera unes perdes de 500-800 euros.

El presidente de los tresportistes, qu'aseguró que la coordinación cola Xefatura Xeneral de Tráficu meyoró “enforma” nos últimos años. Afirmó qu'escontra una climatoloxía d'estes característiques “hai que tener medios abondos pa qu'Asturies nun quede bloquiada dafechu”, anque hai momentos en que les truenes superen a los trabayos de llimpieza.

El vicepresidente y conseyeru d'Infraestructures, Mediu Ambiente y Cambéu Climáticu, Juan Cofiño, afirmó que se tán dando les incidencies "propies del iviernu y d'Asturies”, polo que “nun hai nada novedoso”.