Los trabayadores de la ITV refuguen que'l Principáu vaya vender una empresa pública que da beneficios

IX alvierte a Barbón de que nun contempla "nin como hipótesis" privatizar Itvasa

Los trabayadores de la ITV acusen al Principáu d'aconceyase con ellos ensin querer negociar y cola idea perpensada, dicen, de privatizar el serviciu.

Asina lo aseguró'l presidente del comité d'empresa, en respuesta a les declaraciones del presidente Adrián Barbón qu'ayeri s'abrió a un cambéu de modelu n'Itvasa.

Recuerden que la ITV ye una empresa pública con beneficios y que la solución nun ye vendela.

Pela so parte, Izquierda Xunida, sociu de gobiernu del PSOE nel Gobiernu rexonal onde ocupa la Conseyería d'Ordenación del Territoriu, alvirtió güei al presidente del Principáu, Adrián Barbón, de que nun afita "nin como hipótesis" la posibilidá de llevar alantre un cambéu nel actual modelu de xestión de les inspecciones técniques de vehículos n'Asturies.