Podemos acusa a PSOE, IX y Foro de pactar a les sos espaldes y separtalos de les negociaciones

El PSOE asegura que trabaya pola estabilidá col únicu vetu a Vox

Podemos entá nun decidió si sofitará la investidura d’Adrián Barbón, decidirálo una asamblea pendiente de convocar, pero'l partíu sí quier entrar nun hipotéticu gobiernu d'alianza con PSOE y Izquierda Xunida. Formaciones a les qu’al empar cuestiona, tamién a Foro. Tomé acusa a los sos tres líderes de negociar a les sos espaldes la composición de la mesa de la xunta xeneral.

El PSOE, que siempres consideró a Izquierda Xunida como sociu prioritariu al que too apunta que facilitarán un asientu na mesa del Parllamentu, insiste en que ye'l secretariu xeneral de Foro’l que tien qu'amosar si'l pactu con VOX en Xixón condiciona o non el so trabayu.

Sobre la esixencia de Podemos d'entrar nel gobiernu, la vicesecretaria d'Acción Política, Adriana Lastra, llendóse a dicir que'l PSOE siempres encabeza gobiernos estables y pide al PP a nun dexar sitiu na mesa de la xunta a Vox.

A la derecha del PSOE, caltién Lastra, nun hai moderación, sinón partíos d'una derecha dispuesta a too pa ocupar un sillón.