Seis centros educativos zarraos nel Principáu

Un total de 39 afectaos de coronavirus n'Asturies

A última hora del miércoles el númberu de contaxaos n'Asturies xube yá a 39, de los que la mayoría, 24, tán venceyaos a tres centros educativos d'Uviéu: el Colexu La Inmaculada, qu'ayeri nun tenía casos y que tamién va cerrar les sos puertes, el Colexu Fundación Masaveu que concentra la mayoría de los positivos, y el San Ignacio. Los centros van tar ensin actividá 14 díes.

Van cerrar otros tres centros hasta'l llunes 16 de marzu: l'IES Monte Naranco y el colexu Santu Domingu de Guzmán, dambos d'Uviéu, y l'IES Ramón Areces de Grau.

Estos tres últimos nun tienen casos postivos y van tar zarraos preventivamente, anque se consideren de baxu riesgu.

El Sespa reforzó l'atención sanitaria cola incorporación de 139 profesionales.