Stop Parques de Bateríes denuncia que'l Principáu va dexar instalaciones en zona rural

La patronal d'empreses considera la nueva normativa mui restrictiva

La patronal d'empreses qu'instalen parques de bateríes refuga'l plan del Principáu pa regular la instalación d'estos equipamientos. Asegura que dalgunes de les nueves condiciones son descomanadamente restrictives. Refierse, en concreto, a la distancia mínima de les bateríes a un kilómetru de núcleos rurales o 500 metros d'instalaciones ganaderes o mases forestales autóctones.

Insatisfaición tamién de los vecinos. La Plataforma 'Stop Parques de Bateríes' tacha de "traición" les palabres de la conseyera d'Industria al asegurar que los parques de bateríes van instalase "prioritariamente" en suelu industrial. El colectivu asegura que-yos prometieron que namás s'instalaríen en suelu industrial.

Amás, creen que dexales agora en suelos ociosos o degradaos abre la puerta a instalalos nel mediu rural.

Nun comunicáu, tamién critiquen lo que consideren "manifiestes contradicciones" nel Gobiernu del Principáu. Ente la Conseyería d'Industria, xestionada pol PSOE, y la d'Ordenación del Territoriu d'Izquierda Xunida.