Vesuvius nun acepta la propuesta de los trabayadores

Los grupos del Parllamentu Européu pidirán a la compañía qu’amplíen les consultes del ERE

La dirección de Vesuvius refuga les propuestes que-yos fizo llegar el comité d’empresa pa caltener l’actividá en Llangréu.

La empresa valora les midíes qu’inclúi, pero asegura que nel contestu d’anguaño de la industria del aceru nun pue invertir p’ampliar la capacidá de la factoría llangreana.

Poro, caltién tanto l’ERE y son los sos términos lo único que ta dispuesta a negociar. Los trabayadores caltendrán les sos propuestes.

Mañana aconceya la mesa convocada pol Ministeriu qu’axunte a empresa, alministraciones y trabayadores.

Los grupos del Parllamentu Européu pidirán a Vesuvius qu’amplíen les consultes del ERE

Los grupos del Parllamentu Européu comprometiéronse güei cola plantiya de Vesuvius a escribir una carta a la compañía pidiéndo-yos qu’amplíen el períodu de negociación del ERE.

Una delegación de trabayadores tuvo güei en Bruxeles. Ellí recibiólos el europarllamentariu asturianu Jonás Fernández, que se comprometió a averiguar si Vesuvius recibió financiación comunitaria.