El CSIC investiga cómo meyorar la rentabilidá de les bodegues del suroccidente

Busca aprovechar los desfechos de la vendimia p'arriquecer los viñeos

Aprovechar los desfechos de la vendimia p'arriquecer los viñeos ye la llinia d'investigación na que trabaya'l CSIC, dientro de la plataforma pa combatir l'abandonu del mediu rural que creó'l Conseyu Superior d'Investigaciones Científiques.

L'oxetivu ye llograr, gracies a estes meyores, empreses más sólides qu'asitien población, nesti casu, nel suroccidente asturianu.

Yá consiguieron estrayer de los desfechos de la ellaboración de sidra y vinu carbonu p'almacenamientu eléctricu, ente otros productos, y agora seis investigadores del CSIC tienen ente manes el retu d'aprovechar los desfechos de la vendimia.

L'oxetivu ye consiguir un material de carbonu qu'ameyore les propiedaes del suelu y aumenten la rentabilidá de les sos plantaciones.

Pa ello tán analizando la poxa de la ellaboración del vinu. Col compuestu que busquen podrá consiguise un suelu más ventiláu o con óptimes condiciones d'humedá. Asina medraría meyor la vide y consiguiríase una bodega más rentable. Amás aforraría un costu importante: el de desfacese d'estos desfechos.

La cosmética ye otru de los posibles derivaos de la poxa.