Acaba una Fidma de récord con daqué más de 743.000 visitantes

En total 2.000 persones más que la pasada edición

La 66ª edición de la Feria Internacional de Muestres d'Asturies (Fidma) volvió batir anguaño'l récord de visitantes al certame que batió l'añu pasáu y algamó la cifra de 743.812 visitantes frente a los 741.014 rexistraos va un añu.

La Cámara de Comerciu de Xixón considera qu'estos bonos datos ratifiquen que Fidma consolídase como l'eventu económicu del añu n'Asturies, estiende los sos positivos efectos al conxuntu del Norte d'España y asítiase amás como la más visitada del nuesu país.

A lo llargo de los dieciséis díes que s'allargó l'eventu, el recintu ferial, amás de la presencia de 720 espositores, acoyó la celebración de más de 120 actos institucionales de distintos ámbitos como l'económicu, empresarial, sindical, políticu, social, universitariu, cultural, social, formativu, deportivu o científicu.