Siero va aprobar el llunes el primer trámite pa la construcción d'Amazon

Calcúlase que la empresa va tar funcionando en Bobes a finales de 2022

El Conceyu de Siero va aprobar el llunes en Xunta de Gobiernu'l primer trámite pa la construcción de la empresa d'Amazon nel polígonu de Bobes.

Ye la llicencia de movimientu de tierra p'acondicionar la parcela, que va executar Sogesproa, la responsable del desenvolvimientu y comercialización del polígonu.

L'acondicionamientu de la parcela tien un costu de más de tres millones d'euros y ye necesariu pa preparar el terrén pa la construcción de la futura empresa.

Calcúlase que va tar funcionando a finales de 2022.