El Gobiernu decretará l’estáu d’alarma

"Tamos namás na primer fase" del combate al coronavirus

El presidente del Gobiernu, Pedro Sánchez, alertó esti vienres de que "tamos namás na primer fase" del combate al coronavirus y "nun cabe descartar" que na selmana viniente los casos de contaxu superen los 10.000.

"Espérennos selmanes mui dures", dixo’l presidente nuna declaración institucional dende’l Palaciu de la Moncloa, na que dio anuncia de que mañana decretaráse l’estáu d’alarma en tol país nun Conseyu de ministros estraordinariu.

Según el presidente del Gobiernu, ye una midida pa facer frente a una emerxencia qu’amenaza la salú y el bienestar de toos.

Sánchez tamién recordó que toos "tenemos, por supuestu, un deber personal", el de "siguir dafechu les indicaciones de los espertos" y collaborar pa vencer esti virus que yá provocó la muerte de 120 persones n’España.