El coronel Rafael Crespo cree que la guerra xeneróse a fueu lentu

L'ex-militar asitia'l fin del enfrentamientu a empiezos de mayu

En TPA Noticies falamos col coronel Rafael Crespo, qu'escribió delles publicaciones sobre'l mundu eslavu y foi delegáu del Ministeriu de Defensa n'Asturies. L’ex-militar cree qu'había evidencies d'un enfrentamientu pero non d'esta magnitú. Amás cuestiona los motivos que llevaron a la guerra ente Rusia y Ucraína, y cree qu'habría polo menos dos posibles soluciones que tendríen que tomase cuanto enantes pa rematala.

Había señales, avisos de que daqué podía pasar, pero naide esperaba esti nuevu pulsu pola hexemonía mundial. Ye lo qu'asegura'l que fuera un llustru delegáu del Ministeriu de Defensa n'Asturies y espertu nel mundu eslavu.

El coronel Rafael Crespo cree que'l conflictu xeneróse a fueu lentu pero hai que buscar y cuestionar l'orixe y los motivos. Asitia'l fin del enfrentamientu a empiezos de mayu, nuna fecha simbólica pa los rusos.

Parar cuanto enantes ye la única solución anque, pel momentu, les posiciones paecen irreconciliables y la población civil sigue sufriendo la presión y la peor cara de l'acción militar.