Les valles usaes nel crime de Javier Ardines yeren de les fiestes de Villah.ormes

Enánchase la recoyida de declaraciones a otres persones del entornu l’edil

En Llanes, enánchase la recoyida de declaraciones a otres persones del entornu l’edil asesináu pa recoyer información de los últimos díes de vida de Javier Ardines.

Los testimonios que la Guardia Civil entamó a tomar nel Cuartel de Llanes son de collacios del edil qu’entovía nun declararen énte la Benemérita.

Amás, unu de los puntos nos que se ta centrando la investigación ye les valles que l’asesín o los asesinos usaron pa bloquiar el pasu.

Los rellatos recoyíos apunten qu’eses valles nun taben na zona los díes enantes del asesinatu.

Amás, dempués los exámenes fechos, afitóse que fueron usaes el primer fin de selmana d’agostu, nes fiestes de Villah.ormes, pueblu llaniscu que ta a siete kilómetros de la casa de Javier Ardines en Belmonte de Pría.