De ruta en camión hasta El Musel

TPA Noticies percuerre l'accesu a El Musel per Aboño y per La Calzada

TPA Noticies acompañó a José Manuel García Gómez, tresportista, pa percorrer l’accesu a El Musel per Aboño y comparar cola salida de camiones per La Calzada, en Xixón.

Xubimos al camión pa percorrer l’accesu al El Musel per Aboño y lo primero qu’alcontramos son grandes caravanes.

Ye la ruta que’l Principáu propón agora convertir n’accesu a El Musel pa camiones. Anguaño tien rotondes, incorporaciones y munchu tráficu. José Manuel esplica que los camioneros escueyen esta ruta o la que se mete en La Calzada, según el destín de les mercancíes.

En 15 minutos llegamos a El Musel pela zona de l’ampliación, pasamos pel túnel abiertu y comprobamos que percorrer el cai per dientro lleva unos 5 minutos. La vuelta facémosla pel cascu urbanu de Xixón atravesando La Calzada.

José Manuel cree que si s’afaya con doble carril tol percorríu la ruta d’Aboño sedría un bon accesu a El Musel. Ye una ruta más directa pero tampoco los convence.

Con too tardamos unos 5 minutos en llegar a l’autopista.