Calvo insiste nel refugu del Principáu a un vial de Xove en superficie

La oposición cree que Tresportes prima la economía frente a la salú nel vial de Xove

El conseyeru de Fomentu, Cooperación Local y Prevención d’Incendios, Alejandro Calvo, insistió esti martes nel "refugu" del Gobiernu del Principáu a la propuesta del Ministeriu de Tresportes d’un vial de Xove en superficie.

Nesta llinia, Calvo insistió na necesidá de plantegar alternatives viables al proyectu y, al empar, axilizar otres de movilidá na zona, como’l desdoblamientu de Lloreda-Veriña, o la conexón col vial d’Aboño.

Calvo faló asina na so comparecencia en comisión de la Xunta Xeneral a solicitú de cinco diputaos del grupu parllamentariu popular y del diputáu del grupu mistu-Foro Asturies, Adrián Pumares.

Los partíos de la oposición na Xunta Xeneral del Principáu culparon esti martes al Ministeriu de Tresportes y Movilidá Sostenible d’anteponer condicionantes económicos a la salú de los vecinos de Xixón nel so refugu a desendolcar un vial de Xove soterráu.