Concentración escontra'l nuevu proyectu del vial de Xove

Los participantes corten unos minutos l'accesu a El Musel

Alredor de 500 persones participaron esta mañana nuna concentración escontra’l nuevu proyectu del vial de Xove. Los participantes cortaron unos minutos l’accesu a El Musel.

Nuna hora algamaron lo que nel futuru esperen que seya una realidá a tiempu completu. Los vehículos pesaos dexaron de circular pela avenida Príncipe d’Asturies, destaca Carlos Arias, presidente de l’AVV 'Alfonso Camín' de La Calzada

La falta de referencies al vial de Xove nel trescursu de la visita del presidente de Pedro Sánchez, medra la sensación d’abandonu na zona oeste de Xixón, espliquen Manuel Cañete, presidente de la Federación d’AVV de Xixón y Xurde Lains, presidente de l’Asociación Cultural 'Cilúrnigos' d’El Lauredal.

Una protesta qu’afita la posición de los vecinos contra un vial en superficie que corte a la metá’l valle de Xove, señala José Ramón Fernández Puerta, presidente de l’AVV 'Santa Cruz' de Xove.

Representantes del gobiernu del Ayuntamientu de Xixón y de los grupos municipales xixoneses amestáronse a la protesta.