Nueva concentración en Xixón escontra la guerra

Asturies pola paz refuga l'unviu d'armes a Ucraína

Nueva concentración esta mañana en Xixón a la escontra de la guerra d’Ucraína. Decenes de persones concentráronse a favor del fin de les acciones armaes y pa reclamar l’usu de la vía diplomática, pa poner fin al enfrentamientu bélicu.

Asturies pola paz, colectivu qu’axunta a diferentes entidaes sociales, quixo amosar asina’l so refugu al unviu d’armes a Ucraína.

La remilitarización de la rexón, aseguren, nun fai otra cosa qu’empeorar el conflictu, espardelu a otros países d’Europa y abrir l’escenariu a una posible guerra nuclear.

D’ehí, que defendan avanzar pela vía de la negociación ente les partes implicaes y el sofitu decidíu a les víctimes d’esti conflictu.