Principiu d'alcuerdu nes ITV

L'alcuerdu afita'l pasu de la xornada selmanal de 37,5 a 35 hores a partir del 1 de mayu

El Gobiernu del Principáu y el comité d'Itvasa, la sociedá pública encargada de realizar les inspecciones técniques de vehículos, cerraron esti miércoles l'alcuerdu pa poner fin a los paros parciales sosteníos dende'l pasáu mes de payares, a falta namás del pronunciamientu de la plantiya nes asamblees previstes pa mañana, xueves.

Dellos miembros del Executivu autonómicu axuntáronse esta tarde col comité de fuelga na sede del Serviciu Asturianu de Solución Estraxudicial de Conflictos (Sasec) pa cerrar los últimos detalles del principiu d'alcuerdu que fuera anunciáu pela mañana pol presidente del Principáu, Adrián Barbón, nel plenu de la Xunta Xeneral.

L'alcuerdu va suponer aplicar les 35 hores selmanales a partir del 1 de mayu y allugar un complementu de compromisu venceyáu al amenorgamientu del absentismu llaboral, según conseñó'l Principáu.