Tresportes refuga'l proyectu del túnel del vial de Xove por riesgu pa 150 viviendes

Moriyón ve "mui malu de xestionar" el nuevu cambéu del proyectu del vial

L'alcaldesa de Xixón, Carmen Moriyón, alvirtió esti miércoles de que'l Conceyu va ser "desaxeradamente esixente" énte'l nuevu proyectu de Tresportes pal vial de Xove en superficie, decisión que nun duldó en calificar como “mui malu de xestionar y dixerir".

Moriyón, acompañada pol conseyeru de Fomentu, Cooperación Local y Prevención de Quemes del Principáu, Alejandro Calvo, fixo estes declaraciones tres axuntar en Madrid col secretariu d'estáu de Tresportes y Movilidá Sostenible, José Antonio Santano Clavero.

El ministeriu de Tresportes y Movilidá Sostenible refugó güei'l túnel del vial de Xove y propunxo un nuevu proyectu en superficie, d'unos 70 millones d'euros de presupuestu. La so llicitación calcúlase tea llista en 2025 y la so finalización ente 2028 y 2029.