Vecinos de Xixón protesten polos años de "retrasu" en materia d'infraestructures

Tresportes cree que'l proyectu de vial de Xove soterráu "tien de quedar atrás"

Los vecinos de Xixón manifestáronse esti llunes en protesta polos años de "retrasu" en materia d'infraestructures y pola "delda" que consideren que l'Estáu tien nesta materia.

Coincidiendo cola xunta del conseyu d'alministración de Xixón al Norte y la presencia na ciudá del secretariu d'Estáu de Tresportes y Movilidá Sostenible, José Antonio Santano, la Federación d'Asociaciones Vecinales (FAV) de Xixón manifestóse na plaza del Conceyu a la escontra d'una alternativa en superficie pal vial de Xove.

El presidente de la FAV, Manuel Cañete, resaltó qu'esta infraestructura supón una cuestión "de salú" pa los vecinos de la zona oeste de la ciudá, yá bien afectada pola contaminación.