Busquen restos d’ADN y gas pimienta en ropa atopao en casa d’unu de los presuntos asesinos d’Ardines

Una cazadora y un guante fueron unviaos al serviciu de criminalística pal so análisis

El serviciu de criminalística de la Guardia Civil yá tien nel so poder una cazadora de cueru negra y un guante, tamién negru, atopaos en casa del arxelín prindáu en Suiza pol asesinatu de Javier Ardines.

Sospechen que’l prindáu pudo utilizalos el día del crime y poro, unviáronlos al llaboratoriu con dos espráis, unu de defensa personal y otru de gas pimienta, atopaos tamién nesi rexistru.

L’análisis dexará afitar si l’esprái coincide col que s’usó p’asesinar a Javier Ardines y si quedaron restos o salpicadures de gas pimienta nesa cazadora o nel guante recoyíos.

Si se confirma qu’eses prendes tuvieron nel llugar del crime, podríen tener tamién restos d’ADN de la víctima. Too ello analizaráse nel llaboratoriu.

Na declaración que prestó l’otru presuntu autor material del asesinatu, Djilali Benatia aseguró que la ropa que llevaben esi día tiráronlo a la basura. Tamién apuntó que, polo menos él, llevaba guantes.

Al llaboratoriu de la Guardia Civil unviáronse, amás d’estos oxetos, una estera y la so funda, qu’atoparon nel rexistru al domicilio de Benatia.