Clave de fondo en TPA a la carta, capitulo del domingo 13 de noviembre de 2016. Xosé Ramón García Fernández

Jueves 10 de abril

Webcams Corporativo Contacto

Buscar

Síguenos en

Instagram

Radiotelevisión del Principado de Asturias

Sintoniza TPA

Estás en televisión

Televisión del Principado de Asturias TPA (A7) emite en el canal 45 de la televisión digital terrestre (TDT). Además ofrece en su segundo canal (A8), la misma programación con una hora de retraso.

Emitido el

Ver transcripción Momento actual

Subir al vídeo

0:00"Xosé Ramón García Fernández, conocíu por toos por Monchu'l Cura,

0:04ye un sacerdote asturianu. Durante muncho tiempu foi'l capellán

0:09del hospital d'Asturies y nes sos pallabres atopamos

0:15una gran sabiduría. Sabiduría que va dende'l

0:19so conocimientu d'Asturies al conocimientu que tien

0:22del alma humana. Conforme, inconformista.

0:26Esi ye Monchu'l Cura, una persona que ye, como él mesmu

0:32se define, un versu llibre".

0:36(SINTONÍA DEL PROGRAMA)

1:46Monchu, bienllegáu a mio casa, bienllegáu a Clave de Fondo.

1:50-Gracies. Muncho me presta falar contigo.

1:53Gracies. Eh... Tu fuisti...

1:56Fuisti y yes, qu'esa condición nun se pierde, sacerdote.

2:00Yes un cura asturianu. Soi cura.

2:02Soi cura y voi siguir siéndolo hasta que muerra.

2:08Y yes un cura asturianu. ¿Hai maneres d'entender

2:10la relixosidá d'una manera distinta n'Asturies a otros sitios?

2:17Tendría qu'haber, pero la ilesia n'Asturies nun s'inculturizó.

2:23Siempre foi una ilesia castellanizante.

2:27Y sigui siéndolo.

2:29Pero hubo una época, toi convencíu, una época anterior al sieglu XI

2:35na qu'había una ilesia asturiana, evidentemente.

2:39O una ilesia galaica, si quies.

2:42Sí. La Gallaecia Tasturia, ¿non? Exactu.

2:46Una ilesia galaica.

2:49D'eso toi convencíu. Y la ilesia...

2:54llocal, que debiera ser la ilesia asturiana, tien una deuda

2:59con Asturies. Porque despreció la so cultura.

3:03Entós incumple un mandatu evanxélicu fundamental.

3:09(CITA) "Id a todos los pueblos y predicad el Evangelio".

3:12Y eso significa que l'evanxeliu tien qu'inculturizase

3:17en cada pueblu.

3:20Dios nun fomenta l'imperiu. Tolo contrariu.

3:23Tolos pueblos son iguales en dignidá, y toles cultures

3:28y toles llingües. La división fixéronla los homes,

3:31los homes d'ilesia y los d'estáu.

3:34Y la ilesia n'Asturies nun cumplió. Asturies nun ta evanxelizada

3:40nel sentíu plenu de la pallabra según l'espíritu d'evanxeliu.

3:44Ta colonizada.

3:47Cuando falabes de la ilesia antes del sieglu XI,

3:51una ilesia asturiana o galaica... Anterior.

3:54¿Tas refiriéndote a Prisciliano?

3:57Bono, Prisciliano... Evidentemente Prisciliano

4:02taba desarrollando un tipu d'ilesia carismáticu.

4:05Que la ilesia tamién ye carismática. Una cosa curiosa qu'eludió'l

4:09conciliu de Nicea. El conciliu de Nicea pon notes

4:13de la ilesia y escluyó'l términu

4:18carismáticu. Punxo: una, santa, católica,

4:21pero tamién ye carismática. Pero la idea de carisma borróla.

4:26Porque, claro, lo qu'intentaba Nicea yera acoplar l'evanxeliu

4:31a la filosofía del imperiu, a la ideoloxía del imperiu.

4:35Y el carisma rompe cola estructura xerárquica, y por eso eludióla.

4:40Seguro que por eso. La ilesia tendría que revisar

4:43incluso'l conciliu de Nicea. Ye una cosa que paez dura y tal,

4:48pero tendría que revisar dalgunes cuestiones del conciliu de Nicea.

4:51Por exemplu, la idea esaxeradamente xerárquica nun ta nos evanxelios.

4:59Nun ta nos evanxelios con esa claridá.

5:01Eso ye una construcción doctrinal. Como otres munches coses.

5:06Sí, pero hai munches coses que nun tán nos evanxelios pero que sí

5:10tán na tradición de la propia ilesia, ¿non?

5:12La ilesia pon como aspiración tamién la tradición siempre qu'esa tradición

5:16nun contradiga los valores fundamentales del evanxeliu,

5:19que'a veces los contradiz. Y la tradición tampoco ye repetir

5:23el pasáu, sinón inspirase nel pasáu pa dir creando,

5:28porque'l mundu va evolucionando y hai coses qu'hai que cambiar,

5:34mui importantes. Pero... ¡Uf!

5:37El que ta nel poder nunca quier cambiar nada.

5:41(ASIENTE) Fuisti munchos años capellán del Hospital Xeneral

5:46d'Asturies. Sí. Nun sé si 14, 15.

5:49Tengo mui bonos recuerdos. Eso quier dicir que muncha xente

5:53pasó los últimos momentos contigo. Sí, sí.

5:58Falé con muncha xente.

6:01Nun significa que tol mundu confesara nin poco menos.

6:06Pero, bono, el tema de la trescendencia y tal

6:09siempre quedaba ehí.

6:12Vivimos nun misteriu, eh.

6:16Y posiblemente los que tengáis fíos sepáislo meyor que los que

6:20nun los tenemos. Lo que ye una vida nueva,

6:22una criatura, lo qu'ehí s'abre, lo qu'ehí se proyecta ye tremendo.

6:27Digo yo. Nun sé. Sí, sí.

6:29La vida ye tremenda, ¿non? Sí.

6:33Y... Home,

6:36nun se puede demostrar la esistencia de Dios pero tampoco...

6:41se puede... Demostrar la so inesistencia.

6:44Entós... Y hai xente más propensa a ser teísta

6:50y hai xente... Yo nunca tuvi problema

6:54de la esistencia de Dios. Nun comprendo munches coses

6:57qu'ocurren, desgracies y tal, pero... Nunca, xamás.

7:02Gracies a Dios, nunca. (RI)

7:05Un asuntu que preocupa y muncho nesti momentu de la hestoria

7:10ye cómo la relixón otra vez vuelve a ser materia de disenso,

7:16de violencia. Eh...

7:19Vemos, por exemplu, cómo nel Islám apaecen

7:25movimientos que nos recuerden muncho a otros movimientos

7:29cristianos qu'hubo n'otres époques, ¿non?

7:32Sí. Hai una diferencia esencial, que na revelación cristiana

7:37nun apaez la violencia. N'otres relixones sí apaez.

7:42Cristo fala más bien de la misericordia, del perdón.

7:46Incluso eh.... del increyente...

7:51(CITA) "Nun arranques la yerba mala, nun vaya ser qu'al llau

7:55de la yerba mala arranques la bona, porque ¿quién puede xuzgar?

7:59Al final de los tiempos será Dios el que xuzga".

8:01La ilesia traicionó tamién esi espíritu.

8:04Pero hai relixones que na so revelación tienen esi fallu.

8:09(ASIENTE) Non el cristianismu.

8:11El cristianismu nun tien esi fallu. Fixímoslu los homes d'ilesia.

8:16Utilizamos el cristianismu a veces como arma de represión

8:20y de crueldá. Pero eso nun ta nel evanxeliu.

8:23Traicionamos munches veces l'evanxeliu.

8:26Volvemos un pocu, si te paez, a esi calter asturianu.

8:30Creo qu'un asturianu ye un... L'asturianu creyente

8:35ye un ser que cree pero que dulda, frente a la fe del castellanu,

8:39que ye una fe dura, férrea, que nun...

8:44que nun la aballa nengún vientu.

8:47El gallegu, que ye creedor, que quier creer.

8:52L'asturianu ye dalguién que por sistema dulda.

8:55Bono, hai muncho mitu alredor d'eses coses.

8:58Vi muncho castellanu que yera mui relixosu en so pueblu

9:05y vino p'acá y dexó de selo. L'asturianu que ye relixosu

9:09ye equí y onde vaya. Equí y onde vaya.

9:14Habrá tamién de tou. Nun digo que non.

9:17Pero vi muncho castellanu que yera mui relixosu en so pueblu

9:20y vino equí y acomodóse a otres coses.

9:23Agora...

9:26L'asturianu tien una relixón...

9:31¿Cómo te diría yo? Hasta ciertu puntu un pocu panteísta.

9:37Somos panteístes. Yo considérome un poco panteísta.

9:40Non nel sentíu de que tou ye Dios, sinón nel sentíu de que tou

9:45manifiesta'l poder de Dios y la imaxe de Dios, que ye distinto.

9:50Un Dios únicu que se manifiesta al traviés de la naturaleza,

9:55que ye distinto a convertir a la naturaleza en Dios.

9:57Nesi sentíu. Y creo que sí, creo que sí.

10:02Tenemos apegu a llugares

10:05que tienen una connotación relixosa especial que vien

10:09d'antes del cristianismu incluso. Por exemplu, Llugás. Ye un santuariu

10:15que vien de muncho antes del cristianismu.

10:18Y la mayor parte de los santuarios que tenemos per ehí: Cuadonga...

10:21Sí. Ta rellacionáu cola naturaleza,

10:25cola cueva, col agua, con munches coses.

10:31Sí, sí. Pero yá te digo, tamos nuna ilesia,

10:35la llocal, que nun güel estes coses, que non...

10:40Vive n'otru mundu. Otros parámetros. Entós...

10:45Tamién esta ye una sociedá que nos últimos 20-30-40 años

10:50dio pocos cures, ¿non? Quiero dicir, la...

10:54La crisis de vocaciones ye xeneracional.

10:58Creo que tamién se da en más sitios. Ye un peligru tamién traer vocaciones

11:04de sitios subdesarrollaos porque puede tamién ser

11:07una salida de la miseria.

11:10Les salides de la miseria siempre tán bien.

11:14Sí, pero non al traviés d'una vocación, sinón al traviés

11:16d'otra cosa, qu'haya posibilidaes pa que puedas ameyorar,

11:19pa que puedas trabayar. Pero non... Facete cura o fraile

11:22porque vas a... Eso falla.

11:24Traer monxes de nun sé ónde. Qu'a veces tamién resulten bien,

11:28nun cabe dulda nenguna. Pero... non.

11:30Y claro, tampoco puede haber munches vocaciones cuando

11:34nes families nun s'inculquen valores relixosos, de piedá

11:38y de tal. Y la sociedá, por supuestu,

11:41tampoco los tien. Recuerdo cuando yera guah.e,

11:44vivíemos en torno a la parroquia. Y mio padre nun diba a misa porque

11:48yera taxista y nun podía dir. Cumplía tolos años con Pascua,

11:52col preceptu, con tal. Pero mandábanos a misa y había

11:56que respetar les coses de la ilesia. Y l'ambiente tamién.

12:00Y güei eso desapareció. Güei los nuevos dioses

12:04son los futbolistes y los artistes. Y tol mundu quier imitar a esa xente.

12:10Y claro, ye mui difícil que... Ye mui difícil qu'haya vocaciones.

12:16Pero dalguna tamién hai. Porque la xenerosidá

12:20ta nel corazón del ser humanu, y cuando a veces hai problemes

12:25de tipu social o de tipu...

12:30surden vocaciones para ayudar a la xente, a misiones y...

12:37Da la impresión que la ilesia católica cambió,

12:40que'l Papa ye fundamental. Quiero dicir, que nun ye lo mesmu

12:45un papa qu'otru. Evidentemente.

12:47Los papes lleven una política... Porque, claro, la ilesia católica

12:52ye una ilesia tremendamente xerarquizada.

12:56Entós, lo que diz la cabeza... Ves que los obispos cambien

13:00de postures según sía'l papa. Dalgunos. Hailos qu'esti papa

13:03nun-yos gusta. Y amás manifiéstenlo más o menos.

13:07Pero normalmente...

13:10Que yo creo que ye un fallu, esa xerarquización tan absoluta.

13:15Eso tamién se presta muncho a corrupción y a muncha falsedá.

13:19A muncha corrupción y falsedá. Y vese a tolos niveles.

13:25L'adulación al obispu. Porque sinón adules al obispu

13:28nun caes bien. O si non sigues la llinia

13:32que te marquen nun promociones. La xente, si ta de cura nun llau,

13:36gústa-y dir pa otru. Y eso ye tremendo.

13:40Ye una fonte de corruptela grande. Tu, con 80 años que tienes,

13:44¿quies caer bien? Non. Nunca quixi caer bien.

13:49Siempre intenté dicir lo que pensaba. Quizá nun siempre me porté

13:54de manera correcta nesi sentíu, pero sí puedo dicir qu'a mi

13:59la xerarquía de la ilesia nunca me llamó l'atención.

14:01Xamás, xamás.

14:04Nun esistía prácticamente tampoco. Porque yo yera un versu sueltu.

14:11Pero nunca me llamó l'atención. A mi nunca me llamaron l'atención.

14:14Tampoco creo que teníen por qué llamámela.

14:18Pero nunca me la llamaron. Y siempre opiné lo que quixi.

14:22Eh... Por exemplu, critiqué muncho a don Gabino.

14:26Na prensa y tal. Y don Gabino, que ye una persona

14:30intelixente, nunca me llamó l'atención. Xamás me la llamó.

14:35Nun contó conmigo nunca para nada tampoco. Ye verdá, eh.

14:39Pero non.

14:41Ensin dulda hai otros tipos d'espiritualidá, ¿non?

14:44Una vez falasti... Recuerdo mui bien que me falabes de la ilesia

14:48ortodoxa y cómo... aquelles ilesies, aquel ritu, aquella forma

14:53d'entender la espiritualidá. De dalguna manera interesábate

14:58muncho, ¿non? Sí. Sí, sí.

15:00Yo tuvi... (TUS) agora en xunetu

15:05en Kiev. Y vamos a ver aquellos monasterios

15:09y tal... Nun vi yá tanta...

15:12Porque facía nueve años que tuviera la primer vez.

15:15Nun vi tantu movimientu de xente en torno a les ilesies

15:21y a los monasterios, pero tovía hai una gran participación de la xente.

15:26Y hai fervor, qu'equí se perdió'l fervor.

15:29Equí antes había fervor, había xente que diba a la misa y a la elevación

15:34casi se sentía como un murmullu de, de...

15:36Tu yes xoven. Quizá nun lo percibieras.

15:39Yo sí. Un murmullu cuando... D'oraciones

15:42cuando s'elevaba la hostia na eucaristía y tal.

15:46Pues esi fervor lo... percíbeslu tovía nesi tipu d'ilesies.

15:52Claro, munches ilesies d'eses salieron d'una persecución

15:56y la xente llevaba una devoción

16:00más enraigonada, profunda, convincente.

16:03Aquí hai xente que va a la ilesia

16:06porque tien que cumplir con esa obligación.

16:10Pero que si dura cinco minutos más yá protesten de mala gana:

16:15"El cura fala nun sé cuántu...". Allí, non.

16:19Y hai una cosa tamién mui curiosa: participen muncho nos cantos.

16:25Sabes que la ilesia ortodoxa tien prohibíos los instrumentos musicales

16:30pal cultu. Pero la xente va a los cantos. A mi gústame.

16:34Ye una ceremonia mui barroca, de manera escesiva.

16:39Pero vívenlo tovía como se vivía aquí va munchos años.

16:44¿Y t'interesen otres ilesies?

16:47Sí, home. A mi interésame porque creo

16:52qu'hai munches ilesies y toes son lexítimes,

16:57toes son ilesies cristianes. Y eso de qu'haya unes ilesies

17:02meyores o superiores qu'otres, como nacionalidaes, non.

17:07L'imperiu nun me va.

17:11Y l'imperiu tampoco diba col evanxeliu.

17:13Hai munches ilesies. Otra ilesia por exemplu interesante

17:17ye la d'Etiopía.

17:20Mui probe.

17:21Vi, por exemplu, en Jerusalén, nel templu del Santu Sepulcru,

17:25tán allí arrinconaos los probes, anden d'alpargates, con una miseria.

17:30Ves tamién un contraste, ilesies prepotentes, riques.

17:34Y a los otros... eh. Qu'eso nun cuaya col evanxeliu.

17:38Nos primeros sieglos del cristianismu,

17:42y dempués tamién esistió,

17:44pues había multitú d'ilesies y d'interpretaciones

17:48del misteriu de la redención.

17:50Toos proclamen que Jesucristo ye señor y salvador,

17:54y que ta a la diestrade Dios Padre. Polo tanto, que ye Dios.

17:57Creíen na Trinidá. A partir d'ehí había munches confesionesde fe,

18:02nun había una sola. Pero Nicea impone una norma única.

18:07Y claro, a partir d'ahí confúndese unidá con uniformidá.

18:12Que tamién se fai en política. Fálennos muncho d'unidá

18:15cuando lo que tán pretendiendo ye que seyamos uniformes.

18:18Ponenos un uniforme a veces. Tán... Tán troquelándonos, eh.

18:24Y por eso tolo que seya identidá,

18:29personal,

18:31nacional, cultural, tou eso ye bonu.

18:35Porque eso ye precisamente un antídotu

18:39contra esa voluntá que tien el poder de troquelanos,

18:43de facer homoxénea tola sociedá, de que toos vistamos igual,

18:47tengamos los gustos iguales. Por eso ye importante fomentar

18:51tolo que signifique pluralidá. Porque amás el Creador

18:54quixo la pluralidá.

18:56Hai una interpretación tamién errónea de...

19:00de la idea de Babel.

19:02Dios nun castiga al multiplicar les llingües,

19:07sinón tolo contrario.

19:09Nun ye un actu punitivu de Dios, sinón un actu

19:13pa que la xente rompa.

19:16Ahí hai una llucha ente lo centrípeto y lo centrífugo.

19:22Dios quiere lo centrífugo. La uniformidá.

19:26Lo que ye malu ye que tol mundu fale la mesma llingua.

19:30Y polo tanto... Piensen igual. Pero eso ta

19:33na tradición permanente de la ilesia. Dempués vien Pentecostés:

19:37Cada unu oyó-y na so propia llingua. Dempués ta tamién l'Apocalipsis:

19:41Al final de los tiempos Dios llamará a tolos pueblos, llingües,

19:45cultures pa xuzgalos. Entós, ye una traición

19:48nun desarrollar la voluntá de Dios

19:51tu como persona, como pueblu, como identidá.

19:55Tolos pueblos tenemos que vivir hermanaos. N'harmonía, eh.

19:59La unidá ye l'harmonía. Equilibrar tou eso.

20:03Non que toos pensemos igual, non.

20:06Ye harmonizar lo distinto. Esa ye la verdadera unidá.

20:10La ilesia nun la fomentó, por desgracia.

20:13¿Cómo ves la sociedá actual?

20:16Yá sé que ye una pregunta calculadamente grande, ¿non?

20:20Yá, yá. Home, yo veo

20:24una sociedá

20:26sin horizontes, l'asturiana.

20:31Nun hai horizontes. La prueba ye

20:33que la xente xoven marcha porque nun hai horizontes.

20:37Dempués, ye una sociedá

20:40onde cada vez hai menos valores. Y yá nun digo valores morales,

20:44que la moral vien de costumes y puedes tener una moral cristiana,

20:49una moral comunista, una moral... Porque hai que respetales toes.

20:53Sinón d'ética.

20:56Nel momentu que...

20:59qu'entra en crisis la relixón cola so moral...

21:03Munches coses hai que, evidentemente, tienen qu'evolucionar.

21:06Respetando la tradición pero evolucionar.

21:09Nun puede concebise güei les rellaciones sexuales

21:13como se concebíen cuando nun había... Porque'l mundu cada vez

21:16se va humanizando más a pesar de qu'haya pasos atrás.

21:21Y tu y yo -yo al menos-, toi aquí agora falando d'estos temes

21:26gracies a esa evolución.

21:28Porque posiblemente fai seis xeneraciones

21:32una persona nacida nuna familia mio nun podía espresase

21:36como lo faigo yo agora porque nun tendría la cultura que tengo.

21:40Ameyoróse, evidentemente. Entós, lo que falla ye

21:44que nun hai una ética.

21:46Por exemplu, de los derechos humanos. Nel momentu que tán fallando valores,

21:52referencies morales: Señor, hai qu'inculcar muncho

21:56los valores éticos que, son fundamentales y la base de too.

22:00Y nun nos los inculcan. Veo que tol mundu fala muncho

22:04de los derechos humanos. Llega diciembre, cuando se conmemora

22:08la fecha na que se fundaron... bono, que se promulgaron,

22:13y pásase desapercibíu. Ye fundamental.

22:17Ye que tou debe fundamentase sobre los derechos humanos:

22:21constituciones, lleis. Si non, eso nun funciona.

22:25La Constitución puede ser mala.

22:27Constituciones teníen tolos gobiernos.

22:29Inclusive les dictadures teníen la suya.

22:33Los derechos humanos, íntegros amás.

22:35Non los que nos convienen y los que non, non. Íntegros.

22:39Y obligaos a toos.

22:41Y eso sería un referente éticu fundamental pa la sociedá.

22:46Pero güei nun tenemos namás que superficialidá, el dineru,

22:51el pasalo bien. Y tampoco ye eso, eh.

22:56Tampoco. Digo yo.

22:59Una preocupación tuya a lo llargo del tiempu que te conozo,

23:02que ye dende que yo tenía 15 años. Yeras un guah.e cuando te conocí.

23:07Una preocupación que vienes manteniendo ye por Asturies.

23:10Bono, yes asturianista. Non.

23:13Nun me gusta'l términu asturianista. Al meyor toi equivocáu.

23:18Un hispanista puede ser un inglés. Pero un español ye español,

23:22non hispanista. Un asturianu nun ye asturianista, ye asturianu.

23:26Asturianista pue ser un andaluz que-y interesa'l tema d'Asturies.

23:29Soi asturianu y cuando me dicen eso, nun soi asturianista. Soi asturianu.

23:33A lo meyor nun soi bon asturianu porque nun llucho tolo que tendría.

23:37Y eso nun significa que seya chovinista.

23:40Yo voi a Andalucía y admiro a aquella xente.

23:43Bono, yo bauticé, di-yos la comunión, casélos, toi bautizando a los neños.

23:49Y, según va, Dios quiera que pueda tamién casalos.

23:52Pero yo asistí a bautizos n'Andalucía

23:55y la güela diba vistida d'andaluza. Y pa mi ye ridículu.

23:59Una muyer vieya vistida d'andaluza, con aquel...

24:02Porque aquí tenemos esi complexu. L'asturianu tien unos complexos

24:06terribles. Ye que lu machacaron constantemente.

24:09Fíxate lo que ye qu'un asturianu falte a otru llamándo-y aldeanu.

24:13Pero si ye que somos aldeanos.

24:15¿Acaso un castellanu insulta a otru llamándo-y campesinu?

24:19Ye una cosa que... Pero metiérontelo porque ye

24:22que nos fueron machacando. Robáronnos la historia.

24:26Robáronnos les riqueces. Robáronnos la identidá.

24:29Y metiéronnos el complexu d'inferioridá,

24:33de vergüenza de ser asturianu.

24:36¿Qué asturianu pon una montera picona nuna fiesta?

24:39Agora ponen un pañuelu nel pescuezu. Oi, y ves un catalán...

24:45El pintor esti Dalí andaba col gorru aquel que paecía que tenía

24:50una media na cabeza, cola categoría que tenía.

24:53Somos un pueblu acomplexáu, pero ye que nos machacaron.

24:56Inclusive en casa.

24:58La mio madre, que yera más aldeana que'l cuchu, llegaba a casa

25:01y si falaba pallabres asturianes correxíame:

25:04"Fíu, paez mentira tu que teas estudiando

25:06y digas estes pallabres". Ye que nos machacaron.

25:09Metiéronnos complexos. Y siguen faciéndolo, eh.

25:13A muncha zapa, eh.

25:14Y siguen faciéndolo porque lo d'Asturies ye increíble.

25:18Nun hai país nel mundu

25:20nel que los que lu representen

25:23odien tanto la cultura del país como lo que tenemos aquí.

25:28Ye increíble. Nun lo hai.

25:31Tal vez tenga que ver, mirándolo pel llau bonu si lu tien,

25:36a esa... Los asturianos realmente a la hora de creer

25:40utilizamos demasiáu la dulda metódica.

25:43Duldamos de tou pero tamién de nós.

25:46Bonu, eso ye bono. Eso nun ye malo.

25:49L'asturianu ye reflexivu, eh.

25:52La mio madre dicía: "L'asturianu ye llistu pero alcuérdase tarde".

25:56Díxolo la mio madre. L'asturianu xeneralmente ye reflexivu.

26:00El que seya burru, nun lu hai más. La verdá que tamién somos...

26:04damos la nota. El que ye burru nun lu hai más burru.

26:08Pero l'asturianu ye reflexivu. Y la prueba ye que tenemos

26:13xente mui importante, eh, que salió de tolos sitios.

26:18Premios Nobel. Xente mui importante.

26:22Dende llueu, a pesar de tener munches dificultaes pa poder estudiar,

26:28porque quién podía salir d'un pueblu a estudiar si había guah.inos

26:32que diben de madreñes a lo meyor trés kilómetros pa dir a la escuela.

26:38L'asturianu ye reflexivu. Claro que lo ye.

26:41Y ye intelixente.

26:43Pero alcuérdase tarde xeneralmente.

26:46Y nun tamos... Tamos mui acomplexaos.

26:49Porque ye que nos metieron

26:52droga pa matanos, eh.

26:55Y dempués hai muncha demagoxa.

26:58Pero creo que va evolucionar, va meyorar.

27:01Nun lo sé.

27:04Agora tas pintando. Bono, yá lleves pintando muncho tiempu.

27:08Yá de guah.e gustábame garabatiar.

27:11Siempre. Cuando taba nel seminariu,

27:13sobre tou pola época d'exames, poníame nerviosu y nun facía más que

27:18garabatiar y nun estudiaba. Taba nerviosu polos exames.

27:22Tu estudiasti nel seminariu d'Uviéu. Sí.

27:25Y díxi-y al rector, Olaizola, cuando tendría 17-19 años,

27:30díxi-y que quería dir a la escuela d'Artes y Oficios.

27:33¿Y sabes lo que me contestó? Pa ser cura sólo tienes que saber

27:37teoloxía y moral. Hasta güei.

27:39Soi autodidacta. Pero siempre que viaxo voi a museos,

27:42suelo traer catálogos, veo muncha pintura.

27:45Siempre me gustó muncho la pintura. Pero soi autodidacta.

27:48Soi un aficionáu. Tienes unos cuadros preciosos.

27:52Bono, son mios. Eso sí, son mios.

27:55Y gústenme muncho los espresionistes franceses.

28:00Edvard Munch ye tremendo. ¡Tien unes nueches átiquescon una fuerza!

28:05Y los espresionistes alemanes. Son l'acabose.

28:10Sí, esa pintura ye la que me gusta.

28:15Tengo bastante y vi muncho porque cuando viaxo

28:20pues voi a los museos.

28:22Tien mui bonos pintores tamién Rusia.

28:25Nun digamos Kandinski, pero dempués la Goncharova.

28:29Lariónov.

28:31Esi tipu de pintores gústenme muncho.

28:35Dempués los alemanes:

28:37Kirchner, Rudolf.

28:40Son nomes raros pero yo veo los cuadros. Encántenme.

28:49Tamos falando de pintures, bono, del sieglu XX fundamentalmente.

28:55Sí. Tamién me gusta muncho l'arte bizantinu y románicu.

28:59Por eso te diba... El románicu encántame.

29:02Y ye un arte tamién mui profundu, relixosu, con muncho simbolismu.

29:08Preciosu.

29:10Por exemplu, la virxe románica ye'l tronu del señor.

29:15Tienlu nel centro, eh. Y nuna mano representa un pomu,

29:20que puede ser una manzana, una pera, una bola, que significa'l pecáu.

29:24Pola manzana entró'l pecáu. Y nel otru sitiu muestra a Cristu:

29:29per equí entró la gracia. Una pura teoloxía.

29:34Nel románicu. Nel góticu yá s'empieza

29:37a humanizar de tal manera que yá ye amaneráu.

29:42La virxe empieza a movese. Empieza ariral neñu. Por exemplu,

29:46el parteluzde la portada de la catedral de Toledo,

29:50la Virxe Blanca yá la ves ahí movida. A veces vese al neñu tomando'l pechu.

29:55Pero'l románicu ye maraviyosu.

29:58Y l'arte popular asturianu tien muncho de románicu.

30:02Esos santinos qu'hai per ehí

30:05que nun se valoraben. Por exemplu, nel seminariu a nosotros

30:09cuando nos enseñaben arte nun nos falaben del arte popular,

30:13falábennos de Velázquez, Goya. Como si fuéramos encontrar Velázquez

30:17a montones poles sacristíes. Nun nos falaben de lo que teníes allí

30:21qu'amás son santos de devoción.

30:23N'Asturies xeneralmente al santu de devoción llámase-y el santino,

30:27la santina. Son pequeñinos, nun tienen nada que ver con eses virxes,

30:31esos mocetones de per Andalucía. Non, son santinos.

30:34Son el santín, la santina.

30:36La santina del llugar, la santina del requexu.

30:40Agora ye grande. Antes yera pequeña. Taba ahí nun fanal.

30:44Tamién desapaeció porque va desapaeciendo tou.

30:47Esi ye'l problema del patrimoniu asturianu, ¿non?

30:50Ye un abandonu. Y dempués tán tirando dineru en museos cartón-piedra.

30:55Un muséu xurásicu. Ta bien.

30:57Pero yo si quiero ver bichos de verdá voi a Oslo.

31:02De cartón-piedra. Eso ye un crime.

31:05Y ta'l patrimoniu cayendo tou.

31:08Cayendo tou.

31:10Y a veces vale más que nun lo toquen.

31:13Porque cuando lo toquen...

31:15Monchu, con esta reflexón quedamos. Gracies por tar na mio casa.

31:20Gracies por participar en Clave de Fondo.

31:24Foi realmente un placer. Diome muncho gustu tamién. Gracies.

31:28'Subtítulos, TIPOGRÁFICA CB'

Xosé Ramón García Fernández, a quien tou el que lu trata llama Monchu'l Cura, ye un sacerdote asturianu qu'entiende la xubilación como xúbilu llaboriosu.

Apto para

SC

Subtítulos

Sí

Pulse el botón

icono subtítulos

para visualizarlos

Mi calificación

Comparte

Publicidad

Publicidad

Lo último de Clave de fondo

Clave de fondo. Gerardo Iglesias — Gerardo Iglesias
3.67 (9 votos)
23 de mar. 2017 33 mins.

Clave de fondo. Jon Juaristi — Jon Juaristi
4.54 (26 votos)
16 de mar. 2017 39 mins.

Clave de fondo. Alberto Rodríguez — Alberto Rodríguez
4.76 (17 votos)
09 de mar. 2017 32 mins.

Clave de fondo. José Manuel Legazpi — José Manuel Legazpi
4.50 (8 votos)
06 de mar. 2017 38 mins.

Más de Clave de fondo

Clave de fondo 2017

9 programas

Clave de fondo 2016

16 programas

Clave de fondo 2015

25 programas

Clave de fondo 2014

32 programas

Clave de fondo 2013

39 programas

Clave de fondo 2012

28 programas

© 2025 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL