Clave de fondo en TPA a la carta, capitulo del jueves 09 de marzo de 2017. Alberto Rodríguez

Martes 1 de abril

Webcams Corporativo Contacto

Buscar

Síguenos en

Radiotelevisión del Principado de Asturias

Sintoniza TPA

Estás en televisión

Televisión del Principado de Asturias TPA (A7) emite en el canal 45 de la televisión digital terrestre (TDT). Además ofrece en su segundo canal (A8), la misma programación con una hora de retraso.

Emitido el

Ver transcripción Momento actual

Subir al vídeo

0:00"Alberto Rodríguez ye una de les persones más conocíes

0:04nestos momentos n'Asturies. Ye un actor impresionante.

0:08Conocémoslu sobre tou na so faceta d'humorista, al traviés d'esta casa,

0:14al traviés d'esta televisión. Pero ye fundamentalmente

0:19un gran actor, capaz de representar cola mayor de les convicciones

0:24los personaxes de William Shakespeare.

0:28Con él falamos d'humorismu, con él falamos del oficiu del actor,

0:32con él falamos de la vida. Esta nueche con nós

0:36en Clave de Fondo Alberto Rodríguez".

0:39(SINTONÍA DEL PROGRAMA)

0:44'Subtítulos, TIPOGRÁFICA CB'

1:49Bienllegáu a Clave de Fondo y bienllegáu a la mio casa.

1:52Muncho me presta que teas equí. -Díxitelo off de record,

1:55dígotelo otra vez. Vaya casa más guapa que tienes.

1:58Vaya casa más prestosa. Y tienes una bola d'espeyos,

2:01que m'encanten. Ye una bola de Navidá.

2:05Tengo que poner l'árbol porque la mio guah.a ta fozando

2:10pa que lu ponga, la probe. Alberto, yes un actor.

2:13Conózsete últimamente como actor en televisión y como una persona

2:19que...

2:21qu'investiga eso tan difícil de... d'espresar y de definir

2:27qué ye l'humor. Pero fundamentalmente yes un actor.

2:30Vite representando a Shakespeare, vite... Y yes un gran actor.

2:38Esto ye... pa mi ye como un oficiu. Fai pocu escuché una canción

2:42de Los Enemigos que dicía: "Odio los number one".

2:45Entós toa esta cosa... Y sobre tou en materies artístiques

2:49creo que yes más gran actor cuando pasa'l tiempu,

2:54y vas garrando posu, y vas aprendiendo técnica,

2:57y vas faciendo... pues a Shakespeare nun llau, otres veces una boda

3:01o una comunión... Date tou como un caldu...

3:04Yes como un pastel... ¿Alcuérdeste los negritos, estos pasteles

3:06de Cuenca que cueyen de tou y al final tán riquísimos?

3:08Pues ye un pocu asina. Vas faciéndote con esi sedimentu.

3:11La mio formación ye d'actor. El mio plan de vuelu dende

3:15los 25 años yera faceme actor. Y dende qu'entré na escuela de teatru

3:18voi dicite... más ser actor de teatru que de cine, que ye lo que más

3:21me gustó tola vida porque m'enganchó'l teatru d'una manera...

3:25como engancha'l teatru, ¿sabes? Hai una rellación col espectador.

3:30Evidente. Y un pocu enfermiza tamién.

3:33Agora que faigo muncho humor en... monólogos per ehí, llámenme pa facer

3:39monólogos y tal, y ye la hostia porque sales tu solu,

3:43nun sitiu qu'al meyor nun ta preparáu.

3:45Hai veces que te van a ver pero otres non, que son una comida

3:48o tal. Y normalmente...

3:53creo que casi nun 90% consígolo, empatizar, engarriar y qu'acaben

3:57riéndose conmigo, cantando conmigo, faciendo la chanza

4:00y nun gran aplausu, sía onde sía, que ye l'oxetivu.

4:03Y eso a unu présta-y. Cuando faces a Shakespeare non,

4:07hai una cuarta paré clara, nun te vas rellacionar col públicu,

4:10que ta fuera. Y ehí hai un trabayu como d'artesanu,

4:13vas trabayando'l personaxe tranquilamente, sin prieses,

4:16empezando polo más básicu, aprender la lletra,

4:19siguiendo polo siguiente, nun tropezar colos muebles.

4:22Y llueu pues eso, robándo-y los andares a unu que te prestó,

4:25o imaxinándote cómo podría ser, o en bolos como los últimos

4:30que fiximos viendo cómo trabayen los demás tamién, porque onde más

4:34aprendes ye cola esperiencia de los demás.

4:36La tuya asimílesla o asimílatela'l cuerpu, como la comida,

4:39pero la de los demás ye riquísima.

4:42Tuvi la suerte de trabayar la última vez con Pepe Mieres,

4:46tamién con Carlos Dávila, con xente mui mozo.

4:49Cuando se fai un bolu d'estos... Esti añu tuvi a Shakespeare...

4:53perdón, a Hamlet y a Ricardo III, un lluxu asiáticu.

4:56Y los dos elencos son mui grandes, y ahi xente dende 7 años que tien

5:02el rei Ricardo xoven, l'hermanu del Príncipe de Gales,

5:07hasta los 60-70-80 que tendría Apolonio, que lu interpretó

5:13José Lobato. Nesi rangu tan grande trabayes

5:17con xente que más o menos... Lobato fai d'un paisanu de 60

5:20pero nun tien 60. (RI)Tendrá 55 o los que tenga.

5:23Esi rangu de personaxes fai que trabayes d'otra manera

5:26porque se crea un microcosmos. Nun ye como cuando sales solu.

5:29Tol mundu retroalimenta. El que fai un papel más pequeñu

5:34retroalimenta col que más. Teníemos figurantes de la escuela

5:38de teatru, qu'al final faen les sos cosines, fundamentales

5:41nun bolu grande. Y aprendes de tou, del figurante que

5:44lu ves enfotáu en facer les coses bien...

5:47Dicis tu: "Cuando marche él per ehí, voi dir per detrás y voi tal".

5:51Va creciendo tou como un panín, con cuidáu.

5:54Eso ye lo guapu que tien el teatru, aparte de la rellación col públicu.

5:57Cuando trabayes en cine o televisión ye tou como la comida rápida,

6:01métesla al microondes, das-y al tal, ¡clin! Hala, pa casa.

6:06Hai una cosa guapa, que'l teatru tien una aceptación mayor.

6:12Recuerdo na década de los 80 que se dicía que'l teatru taba

6:17en crisis, organizábense obres y la xente diba o nun diba,

6:21diba más bien pocu. Pero agora ye mui llamaderu, ¿non?

6:26Dame la impresión de qu'igual... Siempre soi mui negativu.

6:30La mio muyer llámame'l doctor non. Paezme que'l teatru nun -y interesa

6:34a naide, el teatru como fenómenu. Llueu a la xente gústa-y dir a ver

6:38al Tricicle, Els Joglars o al que tea de moda que vien al teatru,

6:43bien vestíu, bien maquilláu y pagando unes perres curioses.

6:46Llevo venti años trabayando con compañíes asturianes

6:50y unes veces van más, otres menos... Nun sé si agora ta de moda,

6:56pero sería lo normal. Ye normal tamién que nos 80 y 90

6:59entrara en crisis col aluvión de televisiones, de plataformes...

7:03Foi tou creciendo hasta qu'agora prácticamente tiéneslo tou

7:06al alcance la mano. ¿Pa qué vas dir al teatru?

7:09El teatru tienes que conocelu pa que te guste.

7:12Como públicu yo tamién. Cuando la mio muyer constrúi

7:17un bolu nel que nun toi yo, si nun tengo que facer producción

7:20garro y digo: "Nun me cuentes nada. Cuando me toque'l pase xeneral...

7:25-suel tocame porque'l día del bolu al meyor tengo otra cosa-,

7:27esi día quiero velo como un espectador".

7:29Porque'l disfrute del teatru como espectador ye casi lascivu.

7:33Pa mi ver a la xente ehí delantre cuntándome una mentira,

7:36que sé que ye mentira... Pero cuando ta a un nivel...

7:39Ye como dir a ver ópera, rediós. Ye imposible nun sensibilizase.

7:44Nunca debería perder esa posición. Entiendo qu'al meyor ye más cómodu

7:49ver la tele, dir al fútbol... Nun sé si agora hai un resurdimentu.

7:55Oxalá. Pero nun sé si ye más porque

7:58los 'mass media' véndente que vayas velo coles cares d'esti

8:02y del otru, que non que de verdá t'apasiones pol teatru.

8:05Anque tamién cuando de repente ponse de moda un estilu de música...

8:10al meyor valte pa qu'enganches y llueu sigas engancháu.

8:12Cualquier escusa ye bona pa que la xente vaya'l teatru.

8:15Sería feliz viéndolos llenos. Esti añu cumpliéronse los cien años

8:20del nacimientu de Buero Vallejo. Poques obres representáronse d'él,

8:25por desgracia. Tuvi muncha suerte de que cuando

8:29empecé a aficioname a esto foi nel institutu, en primeru.

8:31Una profesora que tuvi, los vienres, -de llingua castellana-, dábemos

8:36en vez de clase una llectura dramatizada.

8:39Yéremos mui pocos, catorce. Yéremos un cursu asina como...

8:43¿Cómo se llamaba na mili, escedentes de cupu?

8:46Pues igual. Cada unu tenía un papelín.

8:49La primera que lleímos foi 'El tragaluz', de Buero Vallejo.

8:51Tocóme facer el güelu. ¡Una maraviya!

8:53Yo yera un guah.e de 14 años, nun tenía nin idea.

8:56Lo que viera de teatru fuera pa tocar les narices, p'armala.

9:00O a fumar pitos a escondíes ellí. Y tocóme facer el güelu.

9:05Alcuérdome que la profesora dixo: "Oi, mui bien. Faeslo mui bien".

9:09Yera una cosa d'eses que dicis tu: "Yá sabía yo que lu facía bien".

9:13Esa soberbia que tienes cuando yes guah.e y dicis: "Pégo-y bien

9:16cola derecha a la escuadra y lleo bien a Buero Vallejo, namás".

9:21Ehí dscubrílu. Y paecióme fantásticu.

9:23Llueu la movida ye que debe ser complicáu de representar,

9:26pocu agradecíu. Porque 'El tragaluz' yera mui amargu,

9:29mui amargu. Sólo vi una cosa representada

9:34que me recordara a ello, que yera 'La reina de la belleza',

9:37de Leenane, que la vi representada por Vicky Peña en...

9:42Anque nun yera'l mesmu rollu... aquellos personaxes taben

9:46tan agobiaos, tan con una carga encima, con un pasáu detrás...

9:50Y vivíes esi momentu, que ye una cosa que nun tien el cine,

9:52que garras momentos más llargos. El teatru va a esa cosa personal.

9:58Esti añu fiximos 'El método Gronholm',

10:01con Saltantes Teatro, una compañía xoven.

10:03Y yo viera la película, que tenía un montón de llicencies

10:08cinematográfiques. Fixérala Marcelo Piñeiro y taba

10:11coyonuda. Pero la obra de teatru

10:15nun tien nada que ver. O seya, tien que ver pero a la vez

10:18nun tien que ver. Y sobre tou hai menos personaxes,

10:21menos aditamentos pa que seya más vendible, pero a la vez hai

10:26más crudeza, porque...

10:30porque la crudeza nun necesita d'aditamentos.

10:33Cuando maten a un paisanu... ¿Alcuérdeste d'una película

10:35que se llama...?

10:37'La noche de San Lorenzo', una película italiana.

10:39Una maraviya. ¿Visti que maten a un guah.e?

10:42Y ta en planu xeneral, nun ta en curtiu, nun tas viendo

10:44al guah.e como nel cine modernu, ye como un documental.

10:46Llega... nun m'alcuerdo, al camisa negra y máta-y al fíu ellí, ¡pum!

10:52Nun planu xeneral. Veslo y quedes p'allá.

10:55Ta... como brechtianamente... ¿Cómo se dici en Brechtcuando rompes

11:00la...? Nun m'alcuerdo.

11:02¡Distanciáu!

11:04Ta distanciáu. Yá lo dicía Aristóteles.

11:06Sí. Ye aristotélicu tamién. Pero como lo de Brecht ye tou nuevu...

11:10Ye como que lu inventó otra vez. Pues nel casu esti pasóme eso

11:15al lleer 'El método'. Digo: "Ta muncho más crudu,

11:17nun necesita más. Nun necesita tolo que tien el cine".

11:20Y mira que la película prestóme abondu, pero la obra ta meyor.

11:24Tamos falando de la traxedia, ¿non? Yo véote en papeles tráxicos,

11:28sin embargu cultives l'humor. Hai una frase de Mark Twain

11:32que dicía que...

11:36que los humoristes yeren persones desesperaes, por eso nel cielu

11:39nun había humoristes. Puede ser.

11:41Fai pocu nun sé quién me dixo que yo yera mui seriu.

11:43Díxi-y: "Lo primero, el trabayu, sía'l que sía tienes que facelu

11:47en seriu". Y seriu nun ye poner cara avinagráu,

11:49ye concentrase y marcase l'oxetivu. Y non... nun desviate d'él,

11:55siguir ehí al pie.

11:59Casi tolos humoristes que conozo que me gusten...

12:03son xente que tienen el so conflictu internu importante,

12:08y la so paranoia y la so cosa mala per dientro.

12:11Munches veces falábalo cola mio madre.

12:14Creo que de dalguna manera col humor depures esa cosa que tienes dientro,

12:20pa que nun encallezca.

12:25Nun sabría dicite... Tolos que conozo son asina.

12:29Hai xente llueu que tien muncha enerxía, que ye mui simpática,

12:32pero son coses diferentes. Los que más me gusten suelen tener

12:35una dinámica negra.

12:37Y suelen... pues un pocu rise d'unu mesmu.

12:40Pero rise d'unu mesmu tampocu ye... la imaxe esta de: ¡Guah.a!

12:44Rise d'unu mesmu nel mio casu ye... cuando facía de Toño nel chigre

12:49pues facer del mio padre de prexubiláu, cola cadera esgonciada

12:52y nun salir guapu. Por eso ye difícil ser humorista

12:55si yes guapu. Nun hai humoristes guapos.

12:57(RI) Home, Alberto. Busca y nun los hai.

13:01Woody Allen ye feu como un cuernu, Seinfield ye feu como un cuernu,

13:04eh... la mayoría de los que ves agora mesmu... estos con tanta fama

13:08del Comedy son feos. Son feos porque xeneres empatía.

13:13Y si yes guapu... Una guapa... ¿conoces dalguna humorista guapa?

13:17Mui difícil. Porque en cuanto sal una moza curiosa

13:20yá nun xenera empatía, yá xenera o deséu...

13:24o si ye otra moza curiosa, envidia.

13:26Entós ye mui difícil que veas a una moza curiosa humorista.

13:29Al meyor quieren facete comulgar con ruedes de molín y pónente

13:32a la guapa que ta saliendo na tele faciendo un monólogu...

13:34que se ri porque les rises van en lata.

13:37Pero de los de verdá de cara perru y poneme delantre de ti, feos.

13:40Sal un feu y diz: "Un home atractivu como yo". Y yá ta muerta la platea,

13:44yá lu reventó. Salió'l magu Xulín, d'Avilés,

13:46a facer un monólogu en Xixón... (RIN) El probe... delgadín, feu...

13:50*Yo quiérote muncho, Xulín, pero yes mui feu*.

13:52Y salió p'allá y diz: "El problema que tien ser un home atractivu...".

13:55Y calló... empezaron a rise toos. Nun dixera namás.

13:58Sólo l'apariencia d'él. Ye fundamental.

14:02Cuando aprendes l'oficiu... Cuando te dicin: "Tu faes comedia, traxedia".

14:06Coño, un carpinteru fai un armariu y fai una puerta.

14:08Lo nuestro ye un oficiu. Les armes son les mesmes.

14:11Alguien dixo qu'humor yera traxedia más tiempu, fai pocu.

14:15Ye una cosa cola que tengo muncha discusión, porque ye como que

14:19si pasa un fechu tráxicu y fales d'él col tiempu necesariu

14:23yá puedes rite d'él y que tenga gracia.

14:26Pa mi esi ye un tema espinosu. ¿Quién pon la...?

14:31La marca. ¿Quién pon la marca?

14:35Fai pocu una muyer vasca salió quexándose porque nun sé quién

14:37fixera un chiste... Y equí voi a otru puntu

14:40que m'interesa dicite. Por 'Ocho apellidos vascos', la peli.

14:45Que nun-y gustaba, que diba a los clichés vascos...

14:48Yo pensaba: "Al resto'l país gustó-y muncho".

14:51Sal Karra Elejalde, que ye d'ellí. Y ella defendía que lo que-y gustaba

14:55yera 'Vaya semanita'. Ehí entramos nel rollu de:

14:59"Al mio hermanu nun-y pongas la mano encima, pero yo pégo-y

15:02tolos díes", ¿sabes? Que ye: "Si yes de casa...".

15:05Qu'esto pasábanos equí cuando empezamos col humor n'Asturies

15:08na tele. ¿Alcuérdeste? Qu'hubo otra xente

15:11que lu intentó y dáben-yos caña y de repente con nosotros...

15:14Ye como: "Yes el mio hernamu, puedes metete conmigo", ¿sabes?

15:17A la vasca prestába-y lo de 'Vaya semanita', que son d'ellí,

15:20pero nun-y gustaba lo que facía la película cazurra.

15:24Ye entendible. Nun me pongo nin a dicir qu'ella ye chunga.

15:28Ye lo normal. L'humor, en cada sitiu...

15:31Si te fixes, l'humor nacional ta ehí. Pero en Galicia ¿qué ven?

15:35A 'Os Tonechos'. ¿En Cataluña? 'Polònia'.

15:39¿Y en País Vascu? 'Vaya semanita'. Llueu ven lo nacional,

15:43pero primero ven lo d'ellos. Porque ye normal.

15:46Yo tengo táu en monólogos con monólogu de Paramount

15:49y anque vienen a velu a él acaben riéndose conmigo

15:52porque los referentes... Y con él, tamién. Nun quiero quitá-y méritu.

15:56Pero tengo ventaxa. Xuego en casa. Los referentes d'equí téngolos yo.

16:00Si -yos digo qu'hai una embaxada rusa na carretera Santander, el Moscú,

16:04sabe tol mundo de qué toi falando. (RI)

16:07Que ye una broma que faigo munches veces y rinse como demonios.

16:11A lo meyor faes humor d'aeropuertos y non. Alguna vez -y lo dixi

16:14a algunu: "Qué vas facer humor d'aeropuertos d'esto cool, elegante

16:18y modernu si la peña n'Asturies...". ¿Cuántu va al aeropuertu, por Dios?

16:21Amás ye un aeropuertu pequeñu que nun val dos duros.

16:24Nun caben dos aviones unu entrando y otru saliendo.

16:27Eso ye como mui madrileño. En 'Polònia' falen de la so movida

16:30catalana, métense colos cazurros. Y los vascos con metese colos d'ellos

16:35yá tienen bastante. Amás, son mui bonos lo de 'Vaya semanita'.

16:38¿Hai dalguna manera de facer humor asturianu distinta?

16:43Hai munches maneres. Nosotros crecimos col monologuista

16:47clásicu de: "Bienveníos dames y caballeros. Güei vamos tener...".

16:53Y la xente mayor, a nosotros, muerre d'escándalu.

16:57Muerre d'escándalu. Rinse colo llocos.

17:00A mi nun me fai nenguna gracia, pero ehí ta.

17:02Y funciona. Y yo, cuando funciona, igual me da lo que seya,

17:06siempre que tampoco seya pegá-y bofetones a alguien

17:09o dir a rite d'unu que te meta un guantazu. (RI)

17:12Pero él ta ehí currándoselo. Tien poca cabeza, pero ye lo qu'hai.

17:15Tamién ye que'l mundu seguramente -y enseñó qu'eso funcionaba.

17:18Pero a nivel del humor, esi funcionaba.

17:22Cuando nosotros empecemos la nuestra trayectoria

17:25y facíemos... Yo tenía una aspiración que yera

17:28siguir faciendo una cosa como asturiana, pero que yá nun falare

17:32de praos, vaques. O sí falare d'ellos pero non siempre como que somos

17:37los más guapos y los más salaos y xanines. Y al final acaba'l cuentu

17:40con que'l mozu se casa cola moza y canten: "Cuando unu de Tinéu ama,

17:44ama'l mundu enteru". Ta mui bien. Ye'l clasicismu asturianu,

17:48ya seya pa traxedia o pa comedia, pero eso nun me presta.

17:52Préstame que se fale de drogadicción, de prexubilaos,

17:55de xente que se queda colos Fondos Mineros,

17:58de si'l líder sindical resulta que tien un calcetu.

18:01D'eses coses me paez qu'hai que facer humor.

18:04Jerónimo Granda un día díxome: "Berto, somos humoristes.

18:07Tenemos una responsabilidá. Nun podemos casanos

18:10nin cola Derecha nin cola Izquierda. Tenemos que da-y a los dos".

18:13Y tien tola razón.

18:15Esi yera'l nuestru enfotu cuando trabayamos. Y ye siempre...

18:20el nuestru, pero tamién otra xente. Alba Cellero trabaya

18:23los sos monólogos tamién con muncha grasa.

18:26Y n'asturianu. El principal hándicap creo que ye,

18:30como siempre, llegar al interlocutor.

18:35Que nun te digan: "Esto ye mui asturiano. Nun lo entiendo.

18:39Esto ye mui cazurro. Nun ye asturiano".

18:41¿Ónde ta la marca?

18:44Yo falo la llingua habitualmente

18:47con bastantes menos cultismos que cuando salgo pola tele.

18:50Cuando salgo pola tele faigo un esfuerzu por meter alguna pallabra

18:53que nun ta nel mio vocabulariu normal, pero porque tas na tele

18:57tamién tienes una responsabilidá y dices: "Vamos a...".

18:59¿Por qué nun vamos ser un poco llúdicos? Aprendo yo y tu.

19:03Pasámoslo bien. Y nun tenemos que dir a la Universidá. Nun ye un cursu.

19:06Y nel humor, tamién. Pero siempre tenemos la barrera de que hai

19:10que llegar a una... ¿Cómo dicite? A un... públicu más heteroxéneu.

19:15Y que'l to productu tienes que facelu tamién pa poder sacalu

19:18nun momentu dáu y pegá-y un cepilláu y qu'en vez de tar n'asturianu,

19:22poder facelo en castellanu. Siempre trabayamos

19:25les dos vertientes.

19:26Entós, tampoco creo que l'humor asturianu ye'l que sal d'equí.

19:29La diferente xente que tome'l tiempu, como na lliteratura ponese a escirbir

19:34pues ponese a facer humor será lo que lu cree.

19:36Nosotros tuvimos la suerte de tener la plataforma de la tele.

19:39Y nun momentu nel que nun se nos metía tanta prisa.

19:42Agora paez que tien que ser un productu que funcione.

19:45Y ye complicáu.

19:46Sí. Pero hubo ehí un momentu qu'eso foi fundamental pa la evolución

19:50de les artes escéniques y pa la proyección del humor asturianu

19:54y la renovación. Pal repertoriu. Claro. Claro.

19:57Amás nosotros siempre miramos muncho a la Compañía Asturiana de Comedies.

20:00Yo trabayé con La Máscara faciendo a Valle-Inclán.

20:03En... ¿Cómo se llama esti sitiu? N'Arousa.

20:06En Vilanova.

20:08Pol so aniversariu.

20:10Que son paisanos mayores que yo, asturianos, supercachondos.

20:14Y cuando voi con estos ye que me siento intimidáu.

20:17Siempre ye como qu'esperen que seya yo'l simpáticu. Y digo:

20:20"Pero si vais muncho más sobraos que yo. Yo toi equí pa escuchar.

20:24Llueu yá lo mezclo y lo cuento a la mio manera".

20:27Creo que foi fundamental pa que se diere a conocer.

20:30Cuando me vienen col rollu del monologuista del Paramount...

20:33Una vez preguntóme un periodista: "¿Esto de 'Ocho apellidos vascos'

20:36podría facese equí?". Digo: "Lleva faciéndose tola vida equí

20:39pero nun miráis pa ello. Tien qu'envolvese nuna porción cazurra".

20:42Nun hai cosa más antigua que'l monólogu del paisanu del pueblu

20:46que va pa la capital y que nun acierta col taxi.

20:50O seya, la confrontación del mundu rural col mundu modernu,

20:54del asturianu col cazurru. Y vien l'otru y pregúntame

20:57que si esto ye posible. Y digo: "¡Claro que ye posible!

21:00¿O ye una pregunta como estes de qué proyectos tienes?".

21:03Estes que son estándar pal actor. O ¿cuál ye'l to próximu llibru?

21:06¿De verdá me vas preguntar eso? ¡Lleva tola vida siendo asina!

21:10Cuando te pregunten qué proyectos tienes, ¿qué faes?

21:13Dicir que sobrevivir. Home, si lu tengo, non.

21:17Si tengo la suerte de dicir: "Voi facer pa la Fundación

21:20Príncipe de Asturias 'Hamlet'". O voi retomar con Higiénico Papel

21:24'Ricardo III', o toi faciendo... Yá me dicen agora:

21:27"¿Cómo nun sales na tele?". Digo: "Salgo los martes y los xueves.

21:31Faigo el de bodes y faigo la folixa. La movida ye que nun lo ves".

21:34"Sí. Yo véote. L'otru día nun lo vi porque esperé a qu'acabara GH".

21:38Digo: "¡Anda a rascala!". (RI)

21:40Asturies ye'l sitiu onde más fútbol y 'realitis' se consumen.

21:46Digo: "¿Será que somos asina?". Será que creemos que somos mui xanines

21:50y que nos gusta lo nuestro, pero préstanos más 'Sálvame'.

21:53Productos audiovisuales pa una clase trabayadora cansada.

21:57Claro. Si tampoco lo digo pa xuzgalo.

22:00Fai poco nun sé a quién -y lo punxi, que yéramos los que tal.

22:05Y decíame esta persona, por Facebook, "Me niego a pensar que somos

22:08más casposos que los andaluces". L'error ye pensar que somos

22:12meyor que los demás. Yá sean andaluces, rumanos o quien seya.

22:15Digo: "Somos los que más caspa".

22:17Igual tamos nel Norte y nos creemos mui cool y mui anglófilos, pero non.

22:22La xente trabaya. Ta cansada. Hai pocu curru.

22:25Y busca un 'entertainment' que te disipe.

22:29A mi cuéstame, cuando toi preocupáu, ver una película d'estes sesudes

22:33que tenga qu'atender al diálogu y a l'acción.

22:37Munches veces pones algo que nun meta muncho ruíu pola nueche pa falar

22:40cola to muyer, pa tar colos guah.es y que la cría se duerma.

22:43Y como yo fará tol mundu porque nun me siento mui diferente a los demás.

22:47De toes formes, el trabayu del humorista

22:50tien muncho d'observador de la realidá.

22:53Eso sí. Eso ye la parte más guapa del mo trabayu.

22:56Creo que soi una especie de...

23:00ciruxanu del alma humano pero sin títulu. Un curanderu.

23:03Porque me gusta muncho observar les debilidaes, les potencies.

23:11Mirales en mi. Nun sé cómo dicite.

23:15Pa trabayar paezme fundamental. Pa trabayar nel trabayu d'humorista.

23:19Siempre al final el chiste faeslu con alguien que sufre.

23:22Por eso ye traxedia más tiempu.

23:24Mira cualquier chiste que recuerdes, cualquier historia,

23:28y ye d'un payasu tontu que recibe del payasu llistu o al revés.

23:31El payasu llistu cai na mesma trampa que-y tendió al tontu.

23:35Ye siempre asina. Entós, gústame muncho cómo reacciona la xente a eso.

23:40Hai un estándar de cómo reacciona la xente.

23:42Faciendo 'El método Grönholm' ficimos una charla.

23:45Y preguntáronnos.

23:47Y una moza decía qu'ella esperaba que'l mio personaxe,

23:50depués de que lu desmontaran,

23:52tuviese una reacción muncho más... ¿Cómo dicite?

23:57Espectacular.

23:58Y díxi-y: "Mira, non. Trabayamos dende la verdá.

24:03Y la verdá ye que cuando a una persona la desmonten

24:06o pása-y una cosa d'estes como que -y muerre un familiar cercanu,

24:10pása-y una traxedia de verdá, de les gordes, nun creo que se rasgue

24:14les vestidures. En Hollywood igual sí.

24:16Lo que creo ye que la descoloques, la desenchufes.

24:19Y la traxedia va llegando col tiempu.

24:21Cuando cueyes la taza que yera de to madre o de to padre.

24:25Ehí sí, a lo meyor tas asina y rompes...

24:28Recuerdo a un chaval que cuando yéramos chavales morrió-y el papá,

24:31y esti rapaz...

24:33desconectó y marchó dos díes al monte y volvió. Nun cayéron-y llárimes.

24:40Nun lloró. Nun dixo... Quizá sí na so intimidá,

24:44pero lo que quedes ye descolocáu. El nuestru final de 'El método' yera

24:47que'l personaxe se sentaba, intentaba respirar,

24:51coses mui pequeñes, pero yera lo qu'encontráremos de verdá.

24:56La xente, cuando -y pasa algo asina, desconecta. Nun ye capaz a creyelo.

25:00Nun yes capaz a creyer qu'una persona que lleva diez años contigo...

25:04Val. Yá nun ta. Morrió. 10, 20, 30, 40. Imaxina que ye

25:07to ma, to pá o un amigu. Na Cuenca un montón d'amigos

25:11morrieron por vía vena.

25:15Y nun quies creyer qu'eso pasa. Vas dándote cuenta col tiempu.

25:18Y col tiempu vas llorando.

25:20Llores en catarata en Hollywood porque hai que dar final

25:23y la peli dura hora y media.

25:25Pero creo que llores per dientro muncho más.

25:29Y eso ye una cosa que me pon muncho:

25:32ver cómo reacciona la xente y estudiar la reacción de verdá.

25:35A veces, non. Tienes que trabayar con...

25:38Estereotipos. Sí. O si ye broma, utilices

25:41l'estereotipu pa deformalu, como si fuere una caricatura

25:45valleinclanesca. Pero cuando ye traxedia

25:50o comedia burguesa, préstame muncho... Ibsen.

25:54Estos testos que son más realistes, Chéjov. Gústame buscar la reacción.

25:59Que puede ser mui cómica tamién. Anque seya mui tráxica,

26:02les persones somos mui ridícules. Dende cómo nos vistimos les mañanes

26:06hasta los nuestros hábitos. Entós, facemos muncha gracia.

26:11O faime muncha gracia la xente. Fai poco Marga tenía en casa

26:15un Pinón y Telva coles viñetes. Y tábemos mirándolo y yera

26:19fantásticu. Y taba Telva colgada nuna rama.

26:22Y ella: "Pinón, Pinón, trai algo pa echame un gavitu".

26:27Y llegaba Pinón y decía: "Atopé esta cuerda na ferretería.

26:31Val 6 euros, Telva. ¿Cómprola?". (RIN)

26:38(RI) Vime reflexáu diciéndo-y a la mio muyer:

26:42"Esto ¿fáigolo asina o asina?".

26:45Y claro, ye mui ridículo.

26:48Yes un señor de 44 años con unos estudios hasta más o menos

26:52nivel superior, ¿nun sabes apañar esto sin preguntá-y a la to muyer?

26:57Faen muncha gracia les rellaciones ente les persones, ente los homes

27:01y los homes, ente les muyeres y les muyeres.

27:03Eso ye lo que me presta observar y facer chistes sobre ello.

27:06Y los xuegos de pallabres, tamién. Como estos de Los Luthiers.

27:11"De cada diez persones que soliciten el certificáu de nun sé qué,

27:14cinco son la mitá". Paezme maraviyoso.

27:17O les gregueríes de Ramón Gómez de la Serna.

27:20Roberto Corte fizo un espectáculu guapísimu sobre Gómez de la Serna,

27:24que lu interpretaba Jorge Moreno. Yera sublime.

27:27Alcuérdome que cuando lu vi dixi: "Esto tengo que lleelo".

27:32Y lo primero qu'atopé foi 'El caballero del hongo gris',

27:35que tamién me prestó abondu y m'enamoré de Gómez de la Serna

27:38porque tien esa especie de xugar coles pallabres.

27:41Hai veces que nos ponen nos carteles...

27:43Cuando ponemos un cartel dicennos: "Ta mal escrito.

27:47Esto n'asturianu...". Digo: "Esto ye humor".

27:50Yo xuego col llinguaxe. La xente fala más. Lo que nos fai gracia ye

27:53que la xente fala mal.

27:55Yo trabayo con esi sustratu.

27:57Si quies facelo tu d'otra manera, failo d'otra manera y yá verás

28:01como nun fai tanta gracia. Y si non, garres y montes un cursu.

28:04Y enséñeslo como ye. Yo esti añu fui a un cursu na televisión.

28:08Pa deprender más vocablu, más verbu, más estructures.

28:14Pero pa llueu desaprendelu, deconstruyilo.

28:18Y metelo notru tipu de situaciones.

28:21Creo que ye importante...

28:24Nesti sentíu la llingua ye importante porque ayuda a tresmitir

28:28l'humor d'otra manera. Muncho. Y tien pallabres precioses.

28:32Pallabres mui simpátiques. Pallabres qu'hai xente

28:35que cuando -y lo cuentes, anque nun fale asturianu de continuu,

28:38falen más cazurro polo que seya, porque nel trabayu fálase asina

28:42o porque trabaya de teleoperador, polo que seya,

28:46cuando escucha faen-y más gracia. Ye como que-y claves un puñal

28:50porque nun ye la pallabra solo, ye tolo que vien detrás.

28:53Ye como la decía so güela mientres -y facía'l chocolate.

28:57Y anque nun la use, ta ehí. Yo nótolo.

29:00Cuando me ve un paisanu que nun me conoce:

29:03"Na tele falas más asturiano". Digo: "Tien usté razón".

29:06Porque m'esfuerzo muncho más. Intento meter algún cultismu

29:10o un pallabru que sé que nun ye del usu normal.

29:14Al meyor na cai soi más relaxáu y si vengo de falar cola frutera

29:18que ye de Lleón y fala castellán, falé castellán pa que la paisana

29:21m'entendiera. Y tampoco falé xerga,

29:24que nel mio pueblu, Mieres, fálase muncha xerga.

29:26¡Tenemos una cantidá de xerga en Mieres! Los amigos y la xente

29:29de Mieres que vas allá y ye l'aldea de galos.

29:32Hai veces que si vas ente pandielles... Agora porque somos

29:36toos mayores y con fíos, pero nun entendíes un res.

29:41Alberto... ¿Pasó media hora yá?

29:43Pasó. Y falé yo más que tu.

29:45Sí. Esperaba que falares más tu,

29:48que contares algo. (RI) Foi mui prestoso.

29:50Tamién interpreté un testu tuyu. Y asina conocí la to obra,

29:54que taba perguapa, pero nun volví a lleer namás. Tengo pendiente

29:58de lleer 'Historia universal de Paniceiros'. (RI)

30:01Si alguien nun llee'l 'Ulises' de Joyce y 'Historia universal

30:05de Paniceiros' nun ye paisanu. Pero tienes que dedicame un exemplar.

30:09Por supuestu. Alberto, munches gracies.

30:11¿Puedo beber otru caldu y coyer un cachu del pan que ficisti anueche?

30:15Tamién. ¡Ahí ta!

Alberto Rodríguez ye de xuru una de les persones más conocíes nesti momentu n'Asturies. Ye un actor impresionante. Conocemoslu sobretou na so faceta d'humorista al traviés d'esta casa, d'esta televisión, pero ye, fundamentalmente, un gran actor capaz de representar, cola mayor de les convicciones, los personaxes de William Shakespeare. Con él falamos de humorismo, del oficiu del actor y de la vida.

Apto para

SC

Subtítulos

Sí

Pulse el botón

icono subtítulos

para visualizarlos

Mi calificación

Comparte

Publicidad

Publicidad

Lo último de Clave de fondo

Clave de fondo. Gerardo Iglesias — Gerardo Iglesias
3.67 (9 votos)
23 de mar. 2017 33 mins.

Clave de fondo. Jon Juaristi — Jon Juaristi
4.54 (26 votos)
16 de mar. 2017 39 mins.

Clave de fondo. Alberto Rodríguez — Alberto Rodríguez
4.76 (17 votos)
09 de mar. 2017 32 mins.

Clave de fondo. José Manuel Legazpi — José Manuel Legazpi
4.50 (8 votos)
06 de mar. 2017 38 mins.

Más de Clave de fondo

Clave de fondo 2017

9 programas

Clave de fondo 2016

16 programas

Clave de fondo 2015

25 programas

Clave de fondo 2014

32 programas

Clave de fondo 2013

39 programas

Clave de fondo 2012

28 programas

© 2025 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL